ԶԱԷԿ-ի մոտ իջած ուկրաինացի երեք դիվերսանտ է գերեվարվել, մոտ 40-ը ոչնչացվել են

© Sputnik / Константин Михальчевский / Անցնել մեդիապահոցԶապորոժիեի ԱԷԿ
Զապորոժիեի ԱԷԿ - Sputnik Արմենիա, 1920, 01.09.2022
Զապորոժիեի ԱԷԿ
Բաժանորդագրվեք
НовостиTelegram
Ուկրաինական դեսանտից 12 մարդ դեռ մարտական գործողություններ են իրականացնում։
ԵՐԵՎԱՆ, 1 սեպտեմբերի – Sputnik. Ուկրաինական դեսանտի երեք անդամներ գերեվարվել են, նրանցից երկուսը ծանր վիճակում են։ Այս մասին հայտնել է Զապորոժիեի շրջանի վարչակազմի ներկայացուցիչ Վլադիմիր Ռոգովը:
Ինչպես արդեն հայտնել ենք, երեկ առավոտյան ուկրաինական զորքերը կրակ են բացել Էներգոդարի բնակելի թաղամասերի վրա։ Մի քանի արկ է պայթել կենտրոնական թաղամասերում։ Գնդակոծման է ենթարկվել նաև ԱԷԿ-ի տարածքը։ Էներգոդար քաղաքի զանգվածային գնդակոծությունից հետո 60 մարդուց բաղկացած ուկրաինական դեսանտը վայրէջք է կատարել Զապորոժիեի ԱԷԿ-ից մի քանի կիլոմետր հեռավորության վրա: Դիվերսիոն խմբեր են հայտնաբերվել, նրանց ուղղությամբ հրետանային հարվածներ են հասցվել Իշխանությունների տվյալներով՝ դեսանտի մոտ 40 անդամ ոչնչացվել է։
Ավելի վաղ տեղի իշխանությունները հայտարարել էին, որ կիևյան ռեժիմի սադրանքն ուղղված է Զապորոժիեի ատոմակայան ՄԱԳԱՏԷ-ի աշխատանքային խմբի այցը ձախողելուն։
«Գերի է վերցվել երեք մարդ, նրանցից երկուսը ծանր վիճակում են, բժիշկներն այժմ պայքարում են նրանց կյանքի համար», - ասել է Ռոգովը «Սոլովյով-Live» - ի եթերում:
Նա հավելել է, որ ուկրաինական դեսանտից 12 մարդ դեռ մարտական գործողություններ են իրականացնում։
Զապորոժիեի ԱԷԿ-ը գտնվում է Դնեպրի ձախ ափին՝ Էներգոդար քաղաքի մոտ։ Բլոկների թվով և հաստատված հզորությամբ ամենամեծ ատոմակայանն է Եվրոպայում։ ԱԷԿ-ում վեց էներգաբլոկ է տեղադրված։ Մարտ ամսից ի վեր Զապորոժիեի ԱԷԿ-ը գտնվում է ռուս զինվորականների պահպանության ներքո։ ՌԴ ԱԳՆ-ում ընդգծել են ռուս զինվորականների կողմից էլեկտրակայանը պահպանության տակ վերցնելու կարևորությունը միջուկային և ռադիոակտիվ նյութերի արտահոսքը կանխելու տեսանկյունից:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 189-րդ օրը։
Լրահոս
0