Սնունդն ու խմիչքն էժանացել են, ծառայություններն ու ռեստորանները` թանկացել

Բաժանորդագրվեք
НовостиTelegram
Վիճակագրական կոմիտեն հրապարակել է վերջին 1 տարվա ու վերջին 1 ամսվա գնաճի տվյալները։
Հայաստանում 12-ամսյա գնաճը (2022թ. օգոստոսը 2021թ. օգոստոսի նկատմամբ) կազմել է 9.1%, իսկ վերջին մեկ ամսվանը (օգոստոսը` հունիսի նկատմամբ)` 0.2%։
Վիճակագրական կոմիտեի հրապարակած տվյալների համաձայն, վերջին 1 տարում մեր երկրում հատկապես կտրուկ են ավելացել հանգստի ու մշակութային օջախների այցելության (14.1 %), սննդի ու ոչ ալկոհոլային խմիչքների (12.5 %), հագուստի ու կոշիկի (10.5 %) գները։
Ամենաքիչն աճել են կամ գրեթե անփոփոխ են մնացել կապի ծառայությունների գները (0.6 %)։ Կրթությունը թանկացել է 1.5%–ով,առողջապահությունը` 2.2 %–ով։ Մեկ տարվա կտրվածքով որևէ էժանացած ապրանք կամ ծառայություն ՀՀ պաշտոնական վիճակագրությունը չի արձնագրել։
Ամսական դիտարկման պարագայում ճիշտ հակառակն է. սննդի ու ալկոհոլային խմիչքների գներն, օրինակ, նվազել են 0.3% –ով , հագուստն ու կոշկեղենը` -0.1% –ով, կապը` -0.1% –ով։
Կրթությունը ո՛չ թանկացել, ո՛չ էլ էժանացել է։
Ամենաշատը թանկացել են տարբեր ապրանքների ու ծառայությունների գները (1.5 %–ով), 1%–ով թանկացել է հանգստի ու մշակույթի վայրեր այցելելու, 0.7% –ով` ռեստորանների ու հյուրանոցների գները։ Բնակարանային ծառայությունների, ջրի, էլեկտրաէներգիայի, գազի ու վառելիքի այլ տեսակների գները վերջին 1 ամսվա ընթացքում աճել են 0.6 % –ով։
Լրահոս
0