https://arm.sputniknews.ru/20220907/isk-erb-en-hesht-zhamanakner-eghel--pashinjany-elujt-e-unecel-areveljan-hamazhvoghvovum-47857039.html
Կան ուժեր, որոնք ուզում են օգտագործել «ՌԴ-ի զբաղվածությունն Ուկրաինայում». Փաշինյան
Կան ուժեր, որոնք ուզում են օգտագործել «ՌԴ-ի զբաղվածությունն Ուկրաինայում». Փաշինյան
Sputnik Արմենիա
ՀՀ վարչապետը նշեց, որ մեր տարածաշրջանի համար ևս այսօր դժվարին ժամանակներ են. սրվում են անվտանգության հետ կապված բոլոր մարտահրավերները։ 07.09.2022, Sputnik Արմենիա
2022-09-07T11:25+0400
2022-09-07T11:25+0400
2022-09-07T14:54+0400
նիկոլ փաշինյան
վլադիվոստոկ
համաժողով
https://cdn.am.sputniknews.ru/img/07e6/09/07/47856878_0:13:1600:913_1920x0_80_0_0_80280a98dc5ad866e82866b0fb89aae3.jpg
ԵՐԵՎԱՆ, 7 սեպտեմբերի - Sputnik. Դժվար ժամանակներ ենք ապրում. Վլադիվոստոկում անցկացվող Արևելյան տնտեսական 7-րդ համաժողովի ամբիոնից հայտարարեց ՀՀ վարչապետ Նիկոլ Փաշինյանը` նշելով, որ այս արտահայտությունն այսօր ամենաշատն է գործածվում։«Իսկ ե՞րբ են հեշտ ժամանակներ եղել։ Եթե անկեղծ լինենք` մարդկության պատմությանը դժվարին ժամանակներից բաղկացած շղթա է, դրա համար էլ մարդկությունը հորինել է մի բանաձև, որ ցանկացած ճգնաժամային իրավիճակ բերում է նոր մարտահրավերներ ու բացում նոր հնարավորություններ»,– ասաց Փաշինյանը` հավելելով, որ աշխարհի երկրների ղեկավարների խնդիրն է այսօր ճիշտ կառավարել ճգնաժամերն ու ճիշտ օգտագործել հնարավորությունները։ ԱՏՖ–ին Փաշինյանի մասնակցության պայմանավորվածությունը վաղուց է ձեռք բերվել. ՊեսկովՀՀ վարչապետը նշեց, որ մեր տարածաշրջանի համար ևս այսօր դժվարին ժամանակներ են. սրվում են անվտանգության հետ կապված բոլոր մարտահրավերները։ Ամբողջ աշխարհի, այդ թվում` ՀՀ գլխավոր ռազմավարական գործընկեր ՌԴ–ի ուշադրութունը կենտրոնացած է Ուկրաինայի վրա, և մտավախություն կա, որ դա կարող է բերել ապակայունացման Լեռնային Ղարաբաղում։Փաշինյանը հիշեցրեց, որ Հայաստանն 2020թ–ին պատերազմ վերապրեց, այդ ժամանակ, նրա դիտարկմամբ` համաշխարհային հանրության, այդ թվում` ՌԴ–ի ուշադրությունը կենտրոնացած էր Covid-ի վրա։ Նա շեշտեց, որ Հայաստանի համար ՌԴ-ն մնում է տարածաշրջանում անվտանգության ու կայունության երաշխավորը։«Կան ուժեր, որոնք կարծում են, թե Ռուսաստանը չափազանց զբաղված է ուկրաինական թեմայով, ու այդ հանգամանքից կարելի է օգտվել` իրավիճակն ապակայունացնելու համար։ Իրավիճակը զավեշտալի է նրանով, որ կան ուժեր, որոնք փորձում են Մոսկվայում Հայաստանը ներկայացնել որպես պրոարևմտյան դիրքորոշմամբ ուժի կողմից կառավարվող երկիր, իսկ Եվրոպայում ու Արևմուտքում` ներկայացնել Հայաստանը որպես խիստ պրոռուսական երկիր` պրոռուսական իշխանությունով, ու դրանով իսկ արդարացնել իրավիճակի ապակայունացումը մեր տարածաշրջանում։ Ես շատ ուրախ եմ, որ մենք մեր գործընկերների հետ այս հարցով սերտ երկխոսության մեջ ենք ու փորձում ենք պարզաբանել մեր դիրքորոշումները միջազգային օրակարգի բոլոր հարցերի շուրջ»,– ասաց Փաշինյանը։Հիշեցնենք՝ վարչապետ Նիկոլ Փաշինյանը սեպտեմբերի 6-9-ը աշխատանքային այցով գտնվում է Ռուսաստանի Դաշնությունում` Արևելյան տնտեսական 7-րդ համաժողովի լիագումար նստաշրջանին մասնակցելու նպատակով։Համաժողվին ներկա են նաև Ռուսաստանի նախագահ Վլադիմիր Պուտինն ու այլ պետությունների ղեկավարներ։Համաժողովի շրջանակներում նախատեսվում է ՀՀ վարչապետի և ՌԴ նախագահի հանդիպումը:Վլադիվոստոկում անցկացվող Արևելյան տնտեսական 7-րդ համաժողովն այս տարի կրում է «Բազմաբևեռ աշխարհի ճանապարհին» խորագիրը։
վլադիվոստոկ
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
նիկոլ փաշինյան, վլադիվոստոկ, համաժողով
նիկոլ փաշինյան, վլադիվոստոկ, համաժողով
Կան ուժեր, որոնք ուզում են օգտագործել «ՌԴ-ի զբաղվածությունն Ուկրաինայում». Փաշինյան
11:25 07.09.2022 (Թարմացված է: 14:54 07.09.2022) ՀՀ վարչապետը նշեց, որ մեր տարածաշրջանի համար ևս այսօր դժվարին ժամանակներ են. սրվում են անվտանգության հետ կապված բոլոր մարտահրավերները։
ԵՐԵՎԱՆ, 7 սեպտեմբերի - Sputnik. Դժվար ժամանակներ ենք ապրում. Վլադիվոստոկում անցկացվող Արևելյան տնտեսական 7-րդ համաժողովի ամբիոնից հայտարարեց ՀՀ վարչապետ Նիկոլ Փաշինյանը` նշելով, որ այս արտահայտությունն այսօր ամենաշատն է գործածվում։
«Իսկ ե՞րբ են հեշտ ժամանակներ եղել։ Եթե անկեղծ լինենք` մարդկության պատմությանը դժվարին ժամանակներից բաղկացած շղթա է, դրա համար էլ մարդկությունը հորինել է մի բանաձև, որ ցանկացած ճգնաժամային իրավիճակ բերում է նոր մարտահրավերներ ու բացում նոր հնարավորություններ»,– ասաց Փաշինյանը` հավելելով, որ աշխարհի երկրների ղեկավարների խնդիրն է այսօր ճիշտ կառավարել ճգնաժամերն ու ճիշտ օգտագործել հնարավորությունները։
ՀՀ վարչապետը նշեց, որ մեր տարածաշրջանի համար ևս այսօր դժվարին ժամանակներ են. սրվում են անվտանգության հետ կապված բոլոր մարտահրավերները։ Ամբողջ աշխարհի, այդ թվում` ՀՀ գլխավոր ռազմավարական գործընկեր ՌԴ–ի ուշադրութունը կենտրոնացած է Ուկրաինայի վրա, և մտավախություն կա, որ դա կարող է բերել ապակայունացման Լեռնային Ղարաբաղում։
Փաշինյանը հիշեցրեց, որ Հայաստանն 2020թ–ին պատերազմ վերապրեց, այդ ժամանակ, նրա դիտարկմամբ` համաշխարհային հանրության, այդ թվում` ՌԴ–ի ուշադրությունը կենտրոնացած էր Covid-ի վրա։
«Մենք հույս ունենք, որ ՌԴ–ի հետ սերտ համագործակցությամբ ու մեր գործընկերների հետ փոխգործակցությամբ մենք կկարողանանք կառավարել ու մեր տարածաշրջանում իրավիճակը պահել հսկողության տակ, ինչը շատ կարևոր է նաև գլոբալ անվտանգության համար»,– ասաց Փաշինյանը։
Նա շեշտեց, որ Հայաստանի համար ՌԴ-ն մնում է տարածաշրջանում անվտանգության ու կայունության երաշխավորը։
«Կան ուժեր, որոնք կարծում են, թե Ռուսաստանը չափազանց զբաղված է ուկրաինական թեմայով, ու այդ հանգամանքից կարելի է օգտվել` իրավիճակն ապակայունացնելու համար։ Իրավիճակը զավեշտալի է նրանով, որ կան ուժեր, որոնք փորձում են Մոսկվայում Հայաստանը ներկայացնել որպես պրոարևմտյան դիրքորոշմամբ ուժի կողմից կառավարվող երկիր, իսկ Եվրոպայում ու Արևմուտքում` ներկայացնել Հայաստանը որպես խիստ պրոռուսական երկիր` պրոռուսական իշխանությունով, ու դրանով իսկ արդարացնել իրավիճակի ապակայունացումը մեր տարածաշրջանում։ Ես շատ ուրախ եմ, որ մենք մեր գործընկերների հետ այս հարցով սերտ երկխոսության մեջ ենք ու փորձում ենք պարզաբանել մեր դիրքորոշումները միջազգային օրակարգի բոլոր հարցերի շուրջ»,– ասաց Փաշինյանը։
Հիշեցնենք՝ վարչապետ Նիկոլ Փաշինյանը սեպտեմբերի 6-9-ը աշխատանքային այցով գտնվում է Ռուսաստանի Դաշնությունում` Արևելյան տնտեսական 7-րդ համաժողովի լիագումար նստաշրջանին մասնակցելու նպատակով։
Համաժողվին ներկա են նաև Ռուսաստանի նախագահ Վլադիմիր Պուտինն ու այլ պետությունների ղեկավարներ։
Համաժողովի շրջանակներում նախատեսվում է ՀՀ վարչապետի և ՌԴ նախագահի հանդիպումը:
Վլադիվոստոկում անցկացվող Արևելյան տնտեսական 7-րդ համաժողովն այս տարի կրում է «Բազմաբևեռ աշխարհի ճանապարհին» խորագիրը։
