https://arm.sputniknews.ru/20220907/starmus-i-bacmany-mijadep-e-grancvel-anvtangutjan-ashkhatakicneri-u-lragroghi-mijev-47862716.html
Starmus-ի բացմանը միջադեպ է գրանցվել անվտանգության աշխատակիցների ու լրագրողի միջև
Starmus-ի բացմանը միջադեպ է գրանցվել անվտանգության աշխատակիցների ու լրագրողի միջև
Sputnik Արմենիա
Լրագրողի խոսքով՝ իրեն փորձել են «ինչ-որ սենյակ մտցնել», քաշքշել են, հրելով դուրս հանել՝ հավատարմագրված լրատվամիջոցին թույլ չտալով լուսաբանել փառատոնի բացումը։ 07.09.2022, Sputnik Արմենիա
2022-09-07T13:15+0400
2022-09-07T13:15+0400
2022-09-07T13:19+0400
սթարմուս
միջադեպ
լրագրող
երևան
https://cdn.am.sputniknews.ru/img/07e6/09/05/47792143_0:0:1600:900_1920x0_80_0_0_0ef598ceff40b52f99bbb1cfcb570ed3.jpg
ԵՐԵՎԱՆ, 7 սեպտեմբերի – Sputnik. Տհաճ միջադեպ է գրանցվել Starmus միջազգային փառատոնի բացման օրը։ Ռուսաստանի ամենախոշոր գիտական լրատվամիջոցի՝ Naked Science-ի թղթակից Ռուսլան Մարտիրոսյանը հայտարարել է, որ սեպտեմբերի 5-ին վարչապետ Նիկոլ Փաշինյանի անվտանգության աշխատակիցներն իր նկատմամբ ֆիզիկական ուժ են կիրառել, ապա դուրս հրավիրել Մարզահամերգային համալիրի տարածքից։ Միջադեպի մասին գրել է Naked Science-ը։ Sputnik Արմենիան կապ է հաստատել Ռուսլանի հետ՝ կատարվածի մասին մանրամասներ իմանալու համար։Ռուսլանի խոսքով՝ անվտանգության աշխատակիցներն իրենց կոպիտ են պահել հենց առաջին րոպեներից, թույլ չեն տվել ներս մտնել՝ նշելով, որ լրատվամիջոցների ներկայացուցիչները կարող են համալիր մուտք գործել միայն ժամը 4-ից հետո, այլ ոչ թե մինչև 4-ը։Դրանից հետո նա փորձում է ներս մտնել համալիրի մեկ այլ մուտքից, որտեղից արդեն առանց խնդիրների ներս են թողնում։ Ասում է՝ այս աշխատակիցների հագուստից արդեն հասկանալի էր, որ գործ ունի փառատոնի անվտանգության ծառայողների հետ։ Ներս մտնելուց հետո մոտենում է այն անվտանգության աշխատակիցներին, որոնք րոպեներ առաջ իրեն ներս չէին թողել։«Անկեղծ եմ ասում, ամենալավ մտքերով եմ մոտեցել, ասացի՝ «բա ասում էիք մինչև ժամը 4-ը չի կարելի է ներս մտնել, բա ես ո՞նց մտա»։ Ասացի՝ «կներեք, բայց ինչու՞ եք նման մեծ փառատոնի մուտքի հարցերն այսպես վատ կազմակերպել և այսպես վատ եք խոսում ԶԼՄ-ների ներկայացուցիչների հետ»։ Սա սրտացավորեն եմ ասել, որովհետև առաջին անգամը չէր, երբ ես մեծ փառատոնի էի մասնակցում, չեմ ուզում, որ լրագրողները գնան ու ասեն, թե իրենց Հայաստանում ինչպես են վերաբերվել»,- նշում է Ռուսլանը։ Հայաստան կգան տիեզերագնացներ ու ճանաչված գիտնականներ. Փաշինյանը` «Սթարմուսի» մասինՆրա խոսքով՝ մի կողմից այս մարդկանց դուր չեկավ, որ իրեն հաջողվել է մինչև ժամը 4-ը ներս մտնել, մյուս կողմից էլ՝ դիտողությունը չընդունեցին։«Եթե դուք էդ վիդեոն տեսնեք, միանգամից ինձ վրա են հարձակվում՝ «դու ո՞վ ես, որ մեզ ասես՝ վատ ենք կազմակերպել, հլը արի ստեղ»։ Եթե տեսանյութը լիներ, կտեսնեիք, թե ինչ խայտառակություն էր։ Միանգամից մոտեցան ևս մի քանի հոգի, մեկը, որ ավելի հաղթանդամ էր, եկավ ու չորս մատով փորիս խփեց, թե՝ «արի ստեղ»»։Ռուսլանի խոսքով՝ դրանից հետո իրեն հրելով փորձում են մտցնել մի սենյակ։ Ասում է՝ այդ պահին իրական վտանգ զգաց և սկսեց բարձր ձայնով բղավել՝ ակնկալելով, որ մարդիկ ուշադրություն կդարձնեն։«Դրանից հետո ինձ մտցրեցին մի անկյուն, մոտեցավ ծառայողներից մեկը, ես ասացի՝ «սա այն Հայաստանը չէ, որի համար մենք պայքարել ենք»։ Նշեցի՝ անպայման հանրայնացնելու եմ այս միջադեպը, հետո փորձեցի մտնել դահլիճ, մեկը սկսեց բղավել վրաս՝ «հլը արի ստեղ, դու չես մտնելու ներս, հելար ստեղից»։ Վերնաշապիկիցս քաշելով և հրելով՝ ինձ դուրս հանեցին»։Այսպիսով՝ փառատոնին նախապես հավատարմագրված լինելով՝ Ռուսլանը չի կարողացել մասնակցել և լուսաբանել այն։Հարցին, թե ինչու է վստահ, որ վարչապետի անվտանգության աշխատակիցներն էին իր նկատմամբ նման վերաբերմունք դրսևորած անձինք, ասում է՝ հագուստից արդեն հասկանալի էր։Նրա խոսքով՝ միջադեպի երեկոյան իր հետ կապ է հաստատել «Հանրային կապերի և տեղեկատվության կենտրոն» ՊՈԱԿ-ի ղեկավար Գոռ Ծառուկյանը՝ հասկանալու համար, թե ինչ է եղել։Sputnik Արմենիան ևս կապ հաստատեց ՊՈԱԿ-ի հետ։ Գոռ Ծառուկյանի խոսքով՝ անմիջապես, երբ տեղեկացվել է միջադեպի մասին, խոսել է ոչ միայն թղթակցի, այլև համալիրի անվտանգության աշխատակիցների հետ։ Ասում է՝ «տեսակետները մի քիչ տարբերվում են», ըստ աշխատակիցների՝ ֆիզիկական ուժ լրագրողի նկատմամբ չի գործադրվել։«Քանի որ տեսագրություն չկա, ես մի քիչ կդժվարանամ տեսակետ հայտնել»,- նշեց Ծառուկյանը։Պատասխանելով այն հարցին՝ միջադեպի մասնակիցները համալիրի անվտանգության ծառայողներն են, թե վարչապետի՝ Ծառուկյանը նշեց, որ չգիտի, քանի որ միջադեպին ներկա չի եղել, տեսագրություն էլ, ինչպես իրեն հայտնի է, չկա։ Ասում է՝ իր միջամտությունը պայմանավորված է նրանով, որ ՊՈԱԿ-ը փառատոնի կազմակերպման աշխատանքային խմբում է ընդգրկված, առավել ևս, երբ դեպքը վերաբերում է լրատվամիջոցին։Հավելենք, որ Ռուսլանի հետ կապ են հաստատել նաև փառատոնի ներկայացուցիչները՝ ևս մեկ անգամ հրավիրելով։ Ասում է՝ փառատոնի հանդեպ որևէ խնդիր ու պահանջ չունի, եթե կարողանա այսօր ներկա լինել և լուսաբանել, անպայման դա կանի։
երևան
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
սթարմուս, միջադեպ, լրագրող, երևան
սթարմուս, միջադեպ, լրագրող, երևան
Starmus-ի բացմանը միջադեպ է գրանցվել անվտանգության աշխատակիցների ու լրագրողի միջև
13:15 07.09.2022 (Թարմացված է: 13:19 07.09.2022) Լրագրողի խոսքով՝ իրեն փորձել են «ինչ-որ սենյակ մտցնել», քաշքշել են, հրելով դուրս հանել՝ հավատարմագրված լրատվամիջոցին թույլ չտալով լուսաբանել փառատոնի բացումը։
ԵՐԵՎԱՆ, 7 սեպտեմբերի – Sputnik. Տհաճ միջադեպ է գրանցվել Starmus միջազգային փառատոնի բացման օրը։ Ռուսաստանի ամենախոշոր գիտական լրատվամիջոցի՝ Naked Science-ի թղթակից Ռուսլան Մարտիրոսյանը հայտարարել է, որ սեպտեմբերի 5-ին վարչապետ Նիկոլ Փաշինյանի անվտանգության աշխատակիցներն իր նկատմամբ ֆիզիկական ուժ են կիրառել, ապա դուրս հրավիրել Մարզահամերգային համալիրի տարածքից։ Միջադեպի մասին գրել է Naked Science-ը։
Sputnik Արմենիան կապ է հաստատել Ռուսլանի հետ՝ կատարվածի մասին մանրամասներ իմանալու համար։
Ռուսլանի խոսքով՝ անվտանգության աշխատակիցներն իրենց կոպիտ են պահել հենց առաջին րոպեներից, թույլ չեն տվել ներս մտնել՝ նշելով, որ լրատվամիջոցների ներկայացուցիչները կարող են համալիր մուտք գործել միայն ժամը 4-ից հետո, այլ ոչ թե մինչև 4-ը։
«Ցույց տվեցի բեյջս, ասացի, որ դրսում ասել են՝ ԶԼՄ-ների ներկայացուցիչները մինչև 4-ը կարող են մտնել, ինձ շատ վատ տոնով ասացին՝ «չէ», ես էլ շարունակեցի՝ էնտեղ ասում են մինչև 4-ը, դուք ասում եք՝ 4-ից հետո, որտե՞ղ է ճիշտը։ Կրկին կոպիտ պատասխան եղավ՝ «Քեզ ասում ենք 4-ից հետո, գնա ստեղից, 4-ից հետո կգաս»։ Ասացի՝ լավ, արդեն շոկի մեջ էի»,- պատմում է Ռուսլանը։
Դրանից հետո նա փորձում է ներս մտնել համալիրի մեկ այլ մուտքից, որտեղից արդեն առանց խնդիրների ներս են թողնում։ Ասում է՝ այս աշխատակիցների հագուստից արդեն հասկանալի էր, որ գործ ունի փառատոնի անվտանգության ծառայողների հետ։ Ներս մտնելուց հետո մոտենում է այն անվտանգության աշխատակիցներին, որոնք րոպեներ առաջ իրեն ներս չէին թողել։
«Անկեղծ եմ ասում, ամենալավ մտքերով եմ մոտեցել, ասացի՝ «բա ասում էիք մինչև ժամը 4-ը չի կարելի է ներս մտնել, բա ես ո՞նց մտա»։ Ասացի՝ «կներեք, բայց ինչու՞ եք նման մեծ փառատոնի մուտքի հարցերն այսպես վատ կազմակերպել և այսպես վատ եք խոսում ԶԼՄ-ների ներկայացուցիչների հետ»։ Սա սրտացավորեն եմ ասել, որովհետև առաջին անգամը չէր, երբ ես մեծ փառատոնի էի մասնակցում, չեմ ուզում, որ լրագրողները գնան ու ասեն, թե իրենց Հայաստանում ինչպես են վերաբերվել»,- նշում է Ռուսլանը։
Նրա խոսքով՝ մի կողմից այս մարդկանց դուր չեկավ, որ իրեն հաջողվել է մինչև ժամը 4-ը ներս մտնել, մյուս կողմից էլ՝ դիտողությունը չընդունեցին։
«Եթե դուք էդ վիդեոն տեսնեք, միանգամից ինձ վրա են հարձակվում՝ «դու ո՞վ ես, որ մեզ ասես՝ վատ ենք կազմակերպել, հլը արի ստեղ»։ Եթե տեսանյութը լիներ, կտեսնեիք, թե ինչ խայտառակություն էր։ Միանգամից մոտեցան ևս մի քանի հոգի, մեկը, որ ավելի հաղթանդամ էր, եկավ ու չորս մատով փորիս խփեց, թե՝ «արի ստեղ»»։
Ռուսլանի խոսքով՝ դրանից հետո իրեն հրելով փորձում են մտցնել մի սենյակ։ Ասում է՝ այդ պահին իրական վտանգ զգաց և սկսեց բարձր ձայնով բղավել՝ ակնկալելով, որ մարդիկ ուշադրություն կդարձնեն։
«Դրանից հետո ինձ մտցրեցին մի անկյուն, մոտեցավ ծառայողներից մեկը, ես ասացի՝ «սա այն Հայաստանը չէ, որի համար մենք պայքարել ենք»։ Նշեցի՝ անպայման հանրայնացնելու եմ այս միջադեպը, հետո փորձեցի մտնել դահլիճ, մեկը սկսեց բղավել վրաս՝ «հլը արի ստեղ, դու չես մտնելու ներս, հելար ստեղից»։ Վերնաշապիկիցս քաշելով և հրելով՝ ինձ դուրս հանեցին»։
Այսպիսով՝ փառատոնին նախապես հավատարմագրված լինելով՝ Ռուսլանը չի կարողացել մասնակցել և լուսաբանել այն։
Հարցին, թե ինչու է վստահ, որ վարչապետի անվտանգության աշխատակիցներն էին իր նկատմամբ նման վերաբերմունք դրսևորած անձինք, ասում է՝ հագուստից արդեն հասկանալի էր։
«Բացի այդ, ըստ արարողակարգի՝ անվտանգության աշխատակիցները պետք է այդտեղ լինեին, որովհետև վարչապետը ներկա էր լինելու փառատոնի բացմանը»,- ասում է Ռուսլանը։
Նրա խոսքով՝ միջադեպի երեկոյան իր հետ կապ է հաստատել «Հանրային կապերի և տեղեկատվության կենտրոն» ՊՈԱԿ-ի ղեկավար Գոռ Ծառուկյանը՝ հասկանալու համար, թե ինչ է եղել։
Sputnik Արմենիան ևս կապ հաստատեց ՊՈԱԿ-ի հետ։ Գոռ Ծառուկյանի խոսքով՝ անմիջապես, երբ տեղեկացվել է միջադեպի մասին, խոսել է ոչ միայն թղթակցի, այլև համալիրի անվտանգության աշխատակիցների հետ։ Ասում է՝ «տեսակետները մի քիչ տարբերվում են», ըստ աշխատակիցների՝ ֆիզիկական ուժ լրագրողի նկատմամբ չի գործադրվել։
«Քանի որ տեսագրություն չկա, ես մի քիչ կդժվարանամ տեսակետ հայտնել»,- նշեց Ծառուկյանը։
Պատասխանելով այն հարցին՝ միջադեպի մասնակիցները համալիրի անվտանգության ծառայողներն են, թե վարչապետի՝ Ծառուկյանը նշեց, որ չգիտի, քանի որ միջադեպին ներկա չի եղել, տեսագրություն էլ, ինչպես իրեն հայտնի է, չկա։ Ասում է՝ իր միջամտությունը պայմանավորված է նրանով, որ ՊՈԱԿ-ը փառատոնի կազմակերպման աշխատանքային խմբում է ընդգրկված, առավել ևս, երբ դեպքը վերաբերում է լրատվամիջոցին։
Հավելենք, որ Ռուսլանի հետ կապ են հաստատել նաև փառատոնի ներկայացուցիչները՝ ևս մեկ անգամ հրավիրելով։ Ասում է՝ փառատոնի հանդեպ որևէ խնդիր ու պահանջ չունի, եթե կարողանա այսօր ներկա լինել և լուսաբանել, անպայման դա կանի։
