Չգրանցված աշխատողներին բացահայտելու համար ստուգումները կանցկացվեն առանց նախազգուշացման

© Sputnik / Aram Nersesyan«Քաղաքացիական պայմանագիր» խմբակցության պատգամավոր Հերիքնազ Տիգրանյանը Ազգային ժողովի հեթական նիստի ժամանակ (2 մարտի, 2022թ). Երևան
«Քաղաքացիական պայմանագիր» խմբակցության պատգամավոր Հերիքնազ Տիգրանյանը Ազգային ժողովի հեթական նիստի ժամանակ (2 մարտի, 2022թ). Երևան - Sputnik Արմենիա, 1920, 12.09.2022
«Քաղաքացիական պայմանագիր» խմբակցության պատգամավոր Հերիքնազ Տիգրանյանը Ազգային ժողովի հեթական նիստի ժամանակ (2 մարտի, 2022թ). Երևան. Արխիվային լուսանկար
Բաժանորդագրվեք
НовостиTelegram
ՔՊ–ի պատգամավորներն օրենքով բացառություն են սահմանում առողջապահական և աշխատանքի տեսչական մարմնի` թաքնված զբաղվածության բացահայտմանն ուղղված ստուգումների համար։
ԵՐԵՎԱՆ, 12 սեպտեմբերի – Sputnik. Հայաստանում չգրանցված աշխատողներին բացահայտելու համար ԱԺ «Քաղաքացիական պայմանագիր» խմբակցության պատգամավորներն առաջարկում են ՀՀ առողջապահական և աշխատանքի տեսչական մարմնին իրավունք վերապահել ստուգվող հիմնարկ այցելել առանց գործատուին 3 օր առաջ նախապես տեղյակ պահելու։
«Երբ դուք որևէ ծառայություն մատուցողի նախապես տեղեկացնում եք, որ ամսի 17-ին ես գալիս եմ ձեզ մոտ հանձնարարագրով, որպեսզի ստուգաթերթով նախատեսված ստուգում իրականացնեմ, որի կետերից մեկն էլ թաքնված աշխատուժի բացահայտումն է, բնականաբար, ովքեր առանց պայմանագրի են աշխատում, այդ օրն աշխատանքի չեն գա, և հետևաբար, իրական պատկերը, թե ինչքան ստվերային աշխատողներ կան, տեսչական մարմինն այդպես էլ չի ունենա»,– իր ելույթում ասաց նախագծի համահեղինակ Հերիքնազ Տիգրանյանը` ներկայացնելով «Ստուգումների կազմակերպման և անցկացման մասին» օրենքում փոփոխություններ կատարելու նախագիծը։
Սպանդանոցների տերերը վաճառո՞ւմ են «5-րդ ձևը». ՍԱՏՄ-ն խստացնելու է ստուգումները
Պատգամավորը հիշեցրեց, որ եռօրյա իրազեկման նորմն այսօր արդեն որոշ դեպքերի` թմրամիջոցների ապօրինի շրջանառության, խաղատներում ստուգումների և մի շարք այլ դեպքերում չի գործում։ Հետևաբար, իրենք առաջարկում են նման բացառություն սահմանել նաև առողջապահական և աշխատանքի տեսչական մարմնի` թաքնված զբաղվածության բացահայտմանն ուղղված ստուգումների համար։
Լրահոս
0