Հայաստանի նախաձեռնությամբ տեղի կունենա ԵԱՀԿ մշտական խորհրդի արտահերթ նիստ
15:34 13.09.2022 (Թարմացված է: 15:37 13.09.2022)
Բաժանորդագրվել
Հայաստանի նախաձեռնությամբ է գումարվել ԵԱՀԿ մշտական խորհրդի նիստը։
ԵՐԵՎԱՆ, 13 սեպտեմբերի – Sputnik. Հայաստանի նախաձեռնությամբ այսօր տեղի կունենա Եվրոպայի անվտանգության և համագործակցության կազմակերպության (ԵԱՀԿ) մշտական խորհրդի արտահերթ նիստը։ Տեղեկությունը հայտնում է Հայաստանի արտաքին գործերի նախարարության մամուլի ծառայությունը։
«Հայաստանի նախաձեռնությամբ հանդիպումը կգումարվի ժամը 19:00-ին»,- նշված է հաղորդագրության մեջ։
Նշենք, որ իրավիճակի սրումից հետո, գիշերը ՀՀ վարչապետի գլխավորությամբ անվտանգության խորհրդի նիստ է կայացել, որի ընթացում որոշվել է ՀՀ ինքնիշխան տարածքի նկատմամբ ագրեսիայի առնչությամբ պաշտոնապես դիմել Ռուսաստանի Դաշնությանը՝ Բարեկամության, համագործակցության և փոխադարձ օգնության պայմանագրի դրույթները գործողության մեջ դնելու նպատակով, Հավաքական անվտանգության պայմանագրի կազմակերպությանը և ՄԱԿ-ի Անվտանգության խորհրդին:
Հիշեցնենք` ՀՀ պաշտպանական գերատեսչությունը հաղորդագրություն էր տարածել` հայտնելով, որ սեպտեմբերի 13-ին՝ ժամը 00:05-ից, Ադրբեջանի ԶՈւ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ: Կան զոհեր ու վիրավորներ։
ՀՀ վարչապետն ԱԺ–ում հարցուպատասխանի ժամանակ հայտնեց, որ զոհերի ճշտված թիվն այս ժամի դրությամբ 49 է։
