https://arm.sputniknews.ru/20220915/ambvoghjakan-dzevatughty-klini-erb-vor-ajd-35-patgamavvorin-kavelanan-naev-18-y-gegham-manukjan-48335864.html

Ամբողջական ձևաթուղթը կլինի, երբ որ այդ 35 պատգամավորին կավելանան նաև 18-ը. Գեղամ Մանուկյան

Ամբողջական ձևաթուղթը կլինի, երբ որ այդ 35 պատգամավորին կավելանան նաև 18-ը. Գեղամ Մանուկյան

Sputnik Արմենիա

Գեղամ Մանուկյանը չցանկացավ ժամանակից շուտ հրապարակել հնարավոր թեկնածուի անունը` կարծիք հայտնելով, որ կարճ ժամանակ անց այդ մասին հայտարարություն կլինի։ 15.09.2022, Sputnik Արմենիա

2022-09-15T14:09+0400

2022-09-15T14:09+0400

2022-09-15T14:09+0400

վարչապետ

նիկոլ փաշինյան

հրաժարական

պատգամավոր

գեղամ մանուկյան

աժ (ազգային ժողով)

https://cdn.am.sputniknews.ru/img/07e6/09/0f/48322164_0:0:1600:901_1920x0_80_0_0_00eb551bf425278be073b493679b5291.jpg

ԵՐԵՎԱՆ, 15 սեպտեմբերի – Sputnik. Վարչապետին անվստահություն հայտնելու գործընթացը պաշտոնապես կմեկնարկի միայն այն ժամանակ, երբ «Քաղաքացիական պայմանագիր» խմբակցության 18 պատգամավորներ կմիանան ընդդիմության հայտարարած ստորագրահավաքին։Այս մասին այսօր լրագրողներին հայտնեց ԱԺ «Հայաստան» խմբակցության պատգամավոր Գեղամ Մանուկյանը` պատասխանելով հարցին, թե արդյո՞ք պաշտոնապես սկսված է վարչապետին անվստահություն հայտնելու գործընթացը։Մանուկյանը չցանկացավ ժամանակից շուտ հրապարակել հնարավոր թեկնածուի անունը` կարծիք հայտնելով, որ կարճ ժամանակ անց այդ մասին հայտարարություն կլինի։Նշենք, որ վարչապետին անվստահություն հայտնելու գործընթացը սահմանվում է ՀՀ Սահմանադրության 115-րդ հոդվածով։Դրա համաձայն`վարչապետին անվստահություն հայտնելու մասին Ազգային ժողովի որոշման նախագիծ կարող է ներկայացնել պատգամավորների ընդհանուր թվի առնվազն մեկ երրորդը և միայն այն դեպքում, եթե որոշման նախագծով միաժամանակ առաջարկվում է նոր վարչապետի թեկնածու:Որոշման նախագիծը քվեարկության է դրվում այն ներկայացվելուց 48-72 ժամվա ընթացքում։ Որոշումն ընդունվում է պատգամավորների ընդհանուր թվի ձայների մեծամասնությամբ` 50+1 տոկոս ձայներով։ Այդ քվեարկության արդյունքում համարվում է, որ վարչապետը հրաժարական է ներկայացրել: Հակառակ դեպքում` գործընթացը դադարեցվում է, և նոր նախագիծ կարող է ներկայացվել միայն 6 ամիս հետ։Հիշեցնենք` սեպտեմբերի 14-ին ՀՀ վարչապետ Նիկոլ Փաշինյանը խորհրդարանում հայտարարել էր, թե հայկական կողմն ուզում է ստորագրել մի թուղթ, որի արդյունքում շատերն իրենց դավաճան կանվանեն, ժողովուրդը գուցե որոշի հեռացնել նրանց իշխանությունից, սակայն իրենք գոհ ու շնորհակալ կլինեն, որ Հայաստանը 29 800 քառ. կմ տարածքով տևական խաղաղություն կստանա։Ավելի ուշ, երբ այս հայտարարությունը լսած քաղաքացիներն արդեն բողոքի ակցիաներ էին կազմակերպել Երևանի կենտրոնական փողոցներում, Փաշինյանը հանդես եկավ նոր հայտարարությամբ` «Ֆեյսբուքում» գրելով, որ որևէ փաստաթուղթ չի ստորագրվել և չի պատրաստվում ստորագրման։Վարչապետից հետո նույնաբովանդակ հայտարարություններով հանդես եկան նաև ԱԽ-ը, ԱԱԾ-ն, ԱԺ նախագահն ու իշխող կուսակցության առանձին ներկայացուցիչներ։Այդ ընթացքում Փաշինյանի հայտարարությունից դժգոհ հազարավոր քաղաքացիներ խորհրդարանի դիմաց պահանջում էին նրա հրաժարականը։ԱԺ ընդդիմադիր խմբակցությունների պատգամավորները ևս միացան բողոքի ակցիաներին ու խոստացան` եթե ՔՊ 18 պատգամավորներ կմիանան իրենց, պատրաստ են սկսել վարչապետի ինպիչմենտի գործընթացը։ Այս հայտարարությունից հետո նրանք մտան ԱԺ` այն իրականացնելու խոստումով։Նշենք, որ Վահագն Ալեքսանյանն այսօր իր ելույթում ակնարկեց, որ այդ հարցով ԱԺ–ում որևէ ընդդիմադիր իրենց չի մոտեցել։

2022

Լուրեր

am_HY

վարչապետ, նիկոլ փաշինյան, հրաժարական, պատգամավոր, գեղամ մանուկյան, աժ (ազգային ժողով)