В районе Сотка после обстрела возник пожар - Sputnik Արմենիա, 1920, 13.09.2022
Ադրբեջանի ագրեսիան Հայաստանի դեմ

Հայաստան–Ադրբեջան հարաբերություններն անբաժանելի են ԼՂ–ից. ՄԱԿ–ում Չինաստանի ներկայացուցիչ

© AP Photo / John MinchilloՄԱԿ–ում Չինաստանի մշտական ներկայացուցիչ Չժան Ցզյուն
ՄԱԿ–ում Չինաստանի մշտական ներկայացուցիչ Չժան Ցզյուն - Sputnik Արմենիա, 1920, 15.09.2022
Բաժանորդագրվեք
НовостиTelegram
Չինաստանն աջակցում է քաղաքական երկխոսության վրա հիմնված որոշմանը և հույս ունի, որ կողմերը հնարավորինս շուտ կգտնեն միջազգայնորեն ճանաչված իրավական նորմերին համապատասխան լուծում։
ԵՐԵՎԱՆ, 15 սեպտեմբերիSputnik. Հայաստանի և Ադրբեջանի հարաբերությունների կարգավորումն անբաժանելի է Արցախյան խնդրից։ Այս մասին հայ–ադրբեջանական սահմանին տիրող իրավիճակի քննարկման ժամանակ հայտարարել է ՄԱԿ–ում Չինաստանի մշտական ներկայացուցիչ Չժան Ցզյունը։
Տեղեկություններ կան, որ Ադրբեջանը նոր հարված է պատրաստում. ՄԱԿ–ում ՀՀ-ի ներկայացուցիչ
Ֆրանսիան, որպես ՄԱԿ–ի ԱԽ–ում համանախագահող երկիր, նախաձեռնել է այդ քննարկումը հայկական կողմի խնդրանքով։
Տարածաշրջանային խաղաղության և կայունության պահպանումը բխում է երկու երկրների շահերից։ Չինաստանը կողմերին հորդորում է քաղաքական երկխոսություն վարել հետագա սրացումից խուսափելու համար։
«Հույս ունենք, որ կողմերը կպահպանեն հրադադարի ռեժիմն իրավիճակը կայունացնելու համար», – հայտարարել է Չժան Ղզյունը։
Նա հույս է հայտնել, որ երկու երկրների սահմանների որոշման աշխատանքային խումբն աշխատանքում առաջընթաց կարձանագրի։
Չինաստանի մշտական ներկայացուցիչն ընդգծել է, որ Հայաստանի և Ադրբեջանի հարաբերությունների կարգավորումն անբաժանելի է ԼՂ հարցից։
Ադրբեջանի զորքերը պետք է լքեն Հայաստանի տարածքը. ՄԱԿ-ում Ֆրանսիայի մշտական ներկայացուցիչ
Նրա խոսքով` Չինաստանն աջակցում է քաղաքական երկխոսության վրա հիմնված որոշմանը և հույս ունի, որ կողմերը հնարավորինս շուտ կգտնեն միջազգայնորեն ճանաչված իրավական նորմերին համապատասխան լուծում։
Պեկինն աջակցում է նաև 2020 թվականի նոյեմբերի 9-ին Հայաստանի, Ռուսաստանի և Ադրբեջանի առաջնորդների միջև հրադադարի վերաբերյալ ձեռք բերված եռակողմ հայտարարությանը և բանակցությունների հետագա առաջընթացին ԵԱՀԿ ՄԽ–ի շրջանակում։
Հիշեցնենք, որ սեպտեմբերի 13-ին, ժամը 00:05-ից Ադրբեջանի ԶՈւ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ:
Սեպտեմբերի 14-ին ադրբեջանցիները կրկին հրետակոծել են Ջերմուկն ու Վերին Շորժան, իսկ ավելի ուշ մարտերը վերսկսվել են նաև Սյունիքի մարզի Իշխանասարի հատվածում։
Նիկոլ Փաշինյանը խորհրդարանում հարցուպատասխանի ժամանակ հայտնել է, որ սեպտեմբերի 14–ի դրությամբ հայկական կողմն ունի 105 զոհ։
Սեպտեմբերի 15–ի ժամը 11–ի դրությամբ հայ-ադրբեջանական սահմանին էական միջադեպեր չեն արձանագրվել:
Լրահոս
0