Ընդդիմադիր պատգամավորներ, եկե՛ք ԱԺ և կանչե՛ք ՔՊ–ականներին այստեղ. զոհվածի հայր

© Sputnik / Andranik GhazaryanԲողոքի ակցիա ԱԺ–ի մոտ
Բողոքի ակցիա ԱԺ–ի մոտ - Sputnik Արմենիա, 1920, 15.09.2022
Բողոքի ակցիա ԱԺ–ի մոտ
Բաժանորդագրվեք
НовостиTelegram
Բողոքի ակցիայի մասնակիցներն իշխանական պատգամավորներին 1 ժամ ժամանակ են տվել, որպեսզի ներկայանան ու ստորագրեն Փաշինյանին անվստահություն հայտնելու թուղթը։
ԵՐԵՎԱՆ, 14 սեպտեմբերի – Sputnik. Արցախյան44-օրյա պատերազմում զոհված Մխիթար Գալեյանի հայրը` Գարիկ Գալեյանը, Բաղրամյան պողոտայում կոչ արեց ԱԺ «Հայաստան» և «Պատիվ ունեմ» խմբակցությունների պատգամավորներին գալ խորհրդարան ու հորդորել «Քաղաքացիական պայմանագրի» պատգամավորներին ներկայանալ ու ստորագրել ՀՀ վարչապետ Նիկոլ Փաշինյանին անվստահություն հայտնելու թուղթը։
© Sputnik / Andranik GhazaryanԳուրգեն Մելիքյանը բողոքի ակցիային
Бывший завкафедры ЕГУ Гурген Меликян во время митинга с требованием импичмента премьеру перед зданием парламента на проспекте Баграмяна (14 сентября 2022). Еревaн - Sputnik Արմենիա, 1920, 15.09.2022
Գուրգեն Մելիքյանը բողոքի ակցիային
«ԱԺ–ում լույսերը միացրեք ու ուղիղ եթերով նիստ վարեք` կոչով, որ սպասում եք ՔՊ–ական պատգամավորներին, կանչեք նրանց այստեղ։ Սպասում ենք ՔՊ–ական 18 պատգամավորի»,– նշեց Գալեյանը։
Հավելենք, որ բողոքի ակցիայի մասնակիցներն իշխանական պատգամավորներին 1 ժամ ժամանակ են տվել, որպեսզի ներկայանան ու ստորագրեն այդ թուղթը, այլապես իրենք կտանեն նրանց տուն։ Ներկա պահին հավաքվել է 35 ձայն, անհրաժեշտ է ևս 18–ը։
© Sputnik / Andranik GhazaryanԲողոքի ակցիա ԱԺ–ի մոտ
Митинг с требованием импичмента премьеру перед зданием парламента на проспекте Баграмяна (14 сентября 2022). Еревaн - Sputnik Արմենիա, 1920, 15.09.2022
Բողոքի ակցիա ԱԺ–ի մոտ
Նշենք, որ քաղաքացիները բողոքի ակցիա իրականացնելու որոշում են կայացրել այն բանից հետո, երբ խորհրդարանում Փաշինյանը հայտարարեց, որ հայկական կողմն ուզում է ստորագրել մի թուղթ, որի արդյունքում շատերն իրենց դավաճան կանվանեն, ժողովուրդը գուցե որոշի հեռացնել նրանց իշխանությունից, սակայն իրենք գոհ ու շնորհակալ կլինեն, որ Հայաստանը 29 800 քկմ տարածքով տևական խաղաղություն կստանա։
Հիշեցնենք` սեպտեմբերի 13-ին, ժամը 00:05-ից Ադրբեջանի ԶՈւ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ:
Այսօր ժամը 8։00–ից ադրբեջանցիները կրկին հրետակոծում են Ջերմուկն ու Վերին Շորժան, իսկ ավելի ուշ մարտերը վերսկսվել են նաև Սյունիքի մարզի Իշխանասարի հատվածում։
Նիկոլ Փաշինյանը խորհրդարանում հարցուպատասխանի ժամանակ հայտնեց, որ սեպտեմբերի 14–ի դրությամբ հայկական կողմն ունի 105 զոհ։
Լրահոս
0