Ընդդիմադիր պատգամավորները մուտք գործեցին խորհրդարան

Բաժանորդագրվեք
НовостиTelegram
Նրանք այնտեղ պատրաստվում են սպասել ՔՊ–ական պատգամավորներին։
ԵՐԵՎԱՆ, 15 սեպտեմբերի – Sputnik. ՀՀ ԱԺ «Հայաստան» և «Պատիվ ունեմ» խմբակցությունների պատգամավորները մուտք գործեցին խորհրդարան` Դեմիրճյան փողոցից։ Նրանք այնտեղ սպասելու են «Քաղաքացիական պայմանագիր» խմբակցության պատգամավորներին։ Այս մասին հայտարարեց «Պատիվ ունեմ» խմբակցության պատգամավոր Հայկ Մամիջանյանը։
Նա կոչ արեց հավաքվածներին չմոտենալ խորհրդարանի շենքին և դարպասներին։
«Շատ կարևոր պահ է։ Մեր նպատակն է, որ նրանք (ՔՊ–ականները,– խմբ.) գան ու իրենց գործն անեն»,- ասաց Մամիջանյանը։
«Հայաստան» խմբակցության պատգամավոր Իշխան Սաղաթելյանն էլ իր հերթին ընդգծեց, որ իրավիճակը պատմական և օրհասական է: «Ընդդիմությունից 35 պատգամավոր պատրաստ է ստորագրել փաստաթուղթը և սկսել իմպիչմենտի գործընթաց, սակայն անհրաժեշտ է նաև 18 ստորագրություն «Քաղաքացիական պայմանագիր» կուսակցության ներկայացուցիչներից»,- ասաց Սաղաթելյանը:
Նա իշխող խմբակցության ներկայացուցիչներին կոչ արեց միանալ վարչապետին անվստահություն հայտնելու գործընթացին և խոստացավ հրապարակել նրանց բնակության հասցեները։
Նշենք, որ քաղաքացիները բողոքի ակցիա իրականացնելու որոշում են կայացրել այն բանից հետո, երբ խորհրդարանում Փաշինյանը հայտարարեց, որ հայկական կողմն ուզում է ստորագրել մի թուղթ, որի արդյունքում շատերն իրենց դավաճան կանվանեն, ժողովուրդը գուցե որոշի հեռացնել նրանց իշխանությունից, սակայն իրենք գոհ ու շնորհակալ կլինեն, որ Հայաստանը 29 800 քկմ տարածքով տևական խաղաղություն կստանա։
Ընդդիմադիր պատգամավորներ եկե՛ք ԱԺ և կանչեք ՔՊ–ականներին այստեղ. զոհվածի հայր
Հիշեցնենք` սեպտեմբերի 13-ին, ժամը 00:05-ից Ադրբեջանի ԶՈւ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ:
Այսօր ժամը 8։00–ից ադրբեջանցիները կրկին հրետակոծում են Ջերմուկն ու Վերին Շորժան, իսկ ավելի ուշ մարտերը վերսկսվել են նաև Սյունիքի մարզի Իշխանասարի հատվածում։
Նիկոլ Փաշինյանը խորհրդարանում հարցուպատասխանի ժամանակ հայտնեց, որ սեպտեմբերի 14–ի դրությամբ հայկական կողմն ունի 105 զոհ։
Լրահոս
0