Փոխհրաձգություն Ղրղզստանի և Տաջիկստանի սահմանին. տասնյակ վիրավորներ կան

© Sputnik / Табылды КадырбековՏաջիկա–ղրղզական սահման
Տաջիկա–ղրղզական սահման - Sputnik Արմենիա, 1920, 16.09.2022
Տաջիկա–ղրղզական սահման. Արխիվային լուսանկար
Բաժանորդագրվեք
НовостиTelegram
Ղրղզստանի և Տաջիկստանի ազգային անվտանգության պետկոմիտեի ղեկավարները բանակցություններ են վարում իրավիճակի կայունացման շուրջ։
ԵՐԵՎԱՆ, 16 սեպտեմբերի -Sputnik. Մի քանի տասնյակ մարդ է վիրավորվել Տաջիկստանի ու Ղրղզստանի միջև սահմանային բախումների հետևանքով:
Sputnik Տաջիկստանը հայտնում է, որ առավոտյան կիրառվել են նաև տանկեր և անօդաչու թռչող սարքեր։
Կայքի տվյալներով՝ Տաջիկստանի զինված ուժերը գրավել են վիճելի տարածքների մերձակա երկու բնակավայրեր՝ Դուստուկն ու Մաքսադը: Սակայն ո՛չ Ղրղզստանի սահմանապահ ծառայությունը, ո՛չ Տաջիկստանի ուժայինները այս տվյալները դեռ չեն հաստատել։
Տեղի բնակիչների փոխանցմամբ՝ գրեթե բոլոր սահմանամերձ շրջաններում մարտեր են ընթանում։
Sputnik Ղրղզստանն իր հերթին հայտնում է, որ ԱԻՆ-ը կազմակերպված տարհանում է սահմանամերձ Լեյեկի և Բատկենի շրջանների բնակիչներին: Ժամը 10:00-ի տվյալներով՝ Ղրղզական կողմից 18 մարդ է տուժել:
Ղրղըզստանի ԱԳՆ-ն բողոքի նոտա է հղել տաջիկական կողմին։ Բիշքեկը նշել է, որ խախտելով նախկինում ձեռք բերված պայմանավորվածությունները, տաջիկական կողմը, նախապես զորքերը կուտակելով ՂՀ-ի սահմանի մոտ, օգտագործելով զինված ուժեր, ծանր տեխնիկա` հարձակվել է Բաթկենի ու Լեյեկսկի շրջաններում ղրղզա-տաջիկական պետական սահմանի ողջ երկայնքով գտնվող սահմանային ու քաղաքացիական օբյեկտների վրա:
Ղրղզական կողմը պահանջել է դադարեցնել կրակը և հետ քաշել ռազմական կազմավորումները՝ ընդգծելով, որ սահմանի բոլոր խնդիրները պետք է լուծվեն բացառապես քաղաքական-դիվանագիտական միջոցներով:
Այս պահին Ղրղզստանի ՊԱԿ-ի ղեկավար Կամչիբեկ Տաշիևն ու նրա տաջիկ գործընկեր Սայմումին Յատիմովը բանակցում են:
Լրահոս
0