В районе Сотка после обстрела возник пожар - Sputnik Արմենիա, 1920, 13.09.2022
Ադրբեջանի ագրեսիան Հայաստանի դեմ

Խոշտանգումներ ու կտտանքներ զինվորների հանդեպ. ՄԻՊ–ն արտահերթ զեկույց է հրապարակել

© Sputnik / Aram NersesyanԱրխիվային լուսանկար
Արխիվային լուսանկար - Sputnik Արմենիա, 1920, 17.09.2022
Բաժանորդագրվեք
НовостиTelegram
Քրիստինե Գրիգորյանը հավաքագրված փաստերը ներկայացրել է միջազգային իրավասու կազմակերպություններին և դերակատարներին։
ԵՐԵՎԱՆ, 17 սեպտեմբերի – Sputnik. ՀՀ մարդու իրավունքների պաշտպանն արտահերթ զեկույց է հրապարակել ՀՀ–ի վրա ադրբեջանական զինված հարձակման հետևանքների վերաբերյալ, տեղեկանում ենք ՄԻ պաշտպանի ֆեյսբուքյան էջից։
«Գրիգորյանն իր զեկույցում ամփոփել ու վերլուծել է ադրբեջանական ԶՈւ-ի կողմից կատարված պատերազմական հանցագործությունները, փաստագրել տեղահանված անձանց, բժշկական շտապօգնության մեքենաների ու լրագրողների թիրախավորման փաստերը։ Նա ներկայացրել է նաև երեխայի ու հաշմանդամություն ունեցող անձանց իրավունքների խախտումների ապացույցները, ինչպես նաև քաղաքացիական անձանց ու ենթակառուցվածքների թիրախավորման, գույքային ու շրջակա միջավայրին հասցված վնասների փաստերը»,–ասված է գրառման մեջ։
Նշվում է նաև, որ հայ զինծառայողների նկատմամբ խոշտանգումների, անմարդկային ու արժանապատվությունը նվաստացնող վերաբերմունքի, ինչպես նաև զոհված զինծառայողների մարմինների կտտանքների փաստերը վերլուծված են զեկույցի ոչ հրապարկման ենթակա հատվածում։ Դրանք ներկայացվել են միջազգային իրավասու կազմակերպություններին և դերակատարներին։
Հիշեցնենք` սեպտեմբերի 13-ին, ժամը 00:05-ից Ադրբեջանի ԶՈւ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ:
Սեպտեմբերի 14-ին ադրբեջանցիները կրկին հրետակոծել են Ջերմուկն ու Վերին Շորժան, իսկ ավելի ուշ մարտերը վերսկսվել են նաև Սյունիքի մարզի Իշխանասարի հատվածում։
Նիկոլ Փաշինյանը սեպտեմբերի 16–ի կառավարության նիստի ժամանակ հայտնեց, որ հայկական կողմի զոհերի ճշտված թիվը 135 է։
Սեպտեմբերի 14–ի ժամը 20։00–ից հայ–ադրբեջանական սահմանի երկայնքով հրադադարի ռեժիմ է սահմանվել, որը պահպանվում է մինչ այս պահը։
Լրահոս
0