Արթիկ-Երևան երթուղին սպասարկող «ԳԱԶելը» բախվել է «Opel Astra»-ին․ տուժածներ կան

© Photo : official site of MES of RA ՃՏՊ Ապարան-Քուչակ ավտոճանապարհին
ՃՏՊ Ապարան-Քուչակ ավտոճանապարհին - Sputnik Արմենիա, 1920, 19.09.2022
ՃՏՊ Ապարան-Քուչակ ավտոճանապարհին
Բաժանորդագրվեք
НовостиTelegram
Ապարանի ճանապարհին տեղի ունեցած վթարի հետևանքով ավտոմեքենաները դուրս են եկել երթևեկելի գոտուց, «Opel Astra»-ն գլխիվայր շրջվել է։
ԵՐԵՎԱՆ, 19 սեպտեմբերի – Sputnik. Ապարան-Քուչակ ավտոճանապարհի 4-րդ կմ-ին բախվել են Արթիկ-Երևան երթուղին սպասարկող «ԳԱԶել» և «Opel Astra» մակնիշների ավտոմեքենաները։ Տեղեկությունը հայտնում է ՀՀ արտակարգ իրավիճակների նախարարությունը` նշելով, որ Արագածոտնի մարզային ճգնաժամային կառավարման կենտրոնը ՃՏՊ–ի վերաբերյալ ահազանգը ստացել է ժամը 10։41-ին։
Ըստ հաղորդագրության` բախման հետևանքով ավտոմեքենաները դուրս են եկել երթևեկելի գոտուց և հայտնվել դաշտում, «Opel Astra»-ն գլխիվայր շրջվել է։
Մինչ փրկարարների կանչի վայր հասնելը տուժածները անցորդների օգնությամբ դուրս են բերվել ավտոմեքենաներից և տեղափոխվել Ապարան քաղաքի ԲԿ։
Փրկարարները հոսանքազրկել են ավտոմեքենաները, փակել գազի բալոնների փականները և «ԳԱԶել» մակնիշի ավտոմեքենայի 5 ուղևորի մոտեցրել շտապօգնության ավտոմեքենային։
Նույն դեպքի առնչությամբ shamshyan.com-ը հայտնում է, որ «Ապարան» ԲԿ է տեղափոխվել 10 անձ։
Լրահոս
0