Իրանն ուզում է հասնել արդար միջուկային գործարքի. Ռայիսի

© Sputnik / POOL / Անցնել մեդիապահոցԷբրահիմ Ռայիսի
Էբրահիմ Ռայիսի - Sputnik Արմենիա, 1920, 19.09.2022
Բաժանորդագրվեք
НовостиTelegram
Իրանի նախագահը մեկնաբանել է Համապարփակ համատեղ գործողությունների ծրագրի վերականգնման մասին հարցը։
ԵՐԵՎԱՆ, 19 սեպտեմբերի – Sputnik. Թեհրանը հանդես է գալիս միջուկային գործարքի վերականգնման օգտին այնպիսի ձևով, որը ԱՄՆ–ին այլևս թույլ չի տա դուրս գալ դրանից միակողմանի կարգով։ Այս մասին CBS–ին տված հարցազրույցում հայտարարել է Իրանի նախագահ Էբրահիմ Ռայիսին։
«Եթե խոսքը լավ և արդար գործարքի մասին է, ապա մենք պայմանավորվածությունների հասնելու լուրջ տրամադրվածություն ունենք։ Անհրաժեշտ է, որ այն ամուր լինի. երաշխիքներ են հարկավոր։ Եթե երաշխիքներ լինեն, ամերիկացիները չէին կարողանա դուրս գալ գործարքից», – հայտարարել է Ռայիսին։
Նա հիշեցրել է, որ ԱՄՆ իշխանությունները միակողմանի կարգով են դուրս եկել Իրանի միջուկային ծրագրի վերաբերյալ Համապարփակ համատեղ գործողությունների ծրագրից։
Ավելի վաղ Իրանը Եվրոպական դիվանագիտության ղեկավար Ժոզեպ Բորելին էր ուղարկել իր պատասխանը կապված Իրանի միջուկային գործարքի վերականգնման մասին համաձայնագրի նախագծի տեքստի հետ, ինչպես նաև կարծիք հայտնել բանակցությունների ժամանակ «մնացած հարցերի» վերաբերյալ։ ԵՄ–ում Իրանի պատասխանը կոնստրուկտիվ են անվանել և հայտարարել, որ խորհրդակցում են ԱՄՆ–ի հետ հետագա քայլերի վերաբերյալ։
Սպիտակ տանը հայտարարել են, որ Իրանը համաձայն է որոշ զիջումների գնալ միջուկային գործարքում
2015 թվականին Մեծ Բրիտանիան, Գերմանիան, Չինաստանը, Ռուսաստանը, ԱՄՆ–ն, Ֆրանսիան և Իրանը միջուկային գործարք (Իրանի միջուկային ծրագրի վերաբերյալ Համապարփակ համատեղ գործողությունների ծրագիր) կնքեցին, որը պատժամիջոցների չեղարկում էր ենթադրում Իրանի միջուկային ծրագրի սահմանափակման դիմաց։ 2018 թվականի մայիսին ԱՄՆ–ն Դոնալդ Թրամփի օրոք միակողմանի դուրս եկավ Համապարփակ համատեղ գործողությունների ծրագրից և վերականգնեցին պատժամիջոցները Թեհրանի դեմ։ Ի պատասխան Իրանը հայտարարեց, որ փուլ առ փուլ կրճատելու է իր պարտավորությունները համաձայնագրի շրջանակում` հրաժարվելով միջուկային հետազոտությունների, ցենտրիֆուգների և ուրանի հարստացման մակարդակի սահմանափակումներից։
Միջուկային գործարքը կախված է ԱՄՆ-ի դիրքորոշման իրատեսությունից. իրանցի պաշտոնյա
Վիեննայում բանակցություններ անցկացվեցին Համապարփակ համատեղ գործողությունների ծրագկրը վերականգնելու և Թեհրանի նկատմամբ Վաշինգտոնի պատժամիջոցները չեղարկելու վերաբերյալ։
2021 թվականի դեկտեմբերին կողմերը համաձայնության եկան համաձայնագրի երկու նախագծերի շուրջ, որոնցում եվրոպական կողմը ներառել էր նաև Իրանի դիրքորոշումը։ Մարտի վերջին, երբ կողմերն իրենց մայրաքաղաքներ վերադարձան, բանակցությունները դադարեցվեցին։
Լրահոս
0