Պուտինը ՀՀ Անկախության օրվա առթիվ շնորհավորական ուղերձ է հղել ՀՀ նախագահին և վարչապետին

© Sputnik / Антон НоводережкинВстреча глав Армении и России Никола Пашиняна и Владимира Путина на полях саммита ОДКБ (16 мая 2022). Москвa
Встреча глав Армении и России Никола Пашиняна и Владимира Путина на полях саммита ОДКБ (16 мая 2022). Москвa - Sputnik Արմենիա, 1920, 21.09.2022
Բաժանորդագրվեք
НовостиTelegram
ՌԴ նախագահը իր ուղերձում վստահություն է հայտնել, որ ՌԴ–ի և ՀՀ –ի միջև դաշնակցային կապերի հետագա ամրապնդումը բխում է երկու եղբայրական ժողովուրդների շահերից։
ԵՐԵՎԱՆ, 21 սեպտեմբերի – Sputnik. Ռուսաստանի Դաշնության նախագահ Վլադիմիր Պուտինը շնորհավորական ուղերձ է հղել Հայաստանի նախագահ Վահագն Խաչատուրյանին և վարչապետ Նիկոլ Փաշինյանին` Հայաստանի Անկախության օրվա առթիվ՝ մաղթելով խաղաղություն և բարօրություն ՀՀ բոլոր քաղաքացիներին։
Անկախությունը հայ ժողովրդի համար երբեք ինքնանպատակ չի եղել. ՀՀ նախագահ
«Ռուս-հայկական հարաբերությունները հիմնված են բարեկամության և փոխադարձ հարգանքի բարի ավանդույթների վրա: Մեր երկրներն ակտիվորեն համագործակցում են քաղաքական, առևտրային, տնտեսական, հումանիտար և մի շարք այլ ոլորտներում՝ միասին զգալի ներդրում ունենալով եվրասիական ինտեգրացիոն գործընթացների խթանման գործում»,–ասել է Պուտինը Խաչատուրյանին ուղղված շնորհավորական ուղերձում։
ՌԴ նախագահը վստահություն է հայտնել, որ երկու երկրների միջև դաշնակցային կապերի հետագա ամրապնդումը բխում է Ռուսաստանի և Հայաստանի եղբայրական ժողովուրդների շահերից։
Հայաստանի վարչապետին ուղղված շնորհավորական ուղերձում Պուտինը նշել է ԵԱՏՄ, ՀԱՊԿ, ԱՊՀ և այլ կառույցների շրջանակներում, տարբեր ոլորտներում հաջող համագործակցության և ջանքերի համակարգման կարևորությունը։
«Վստահ եմ, որ կառուցողական երկկողմ կապերի ողջ շրջանակի հետագա զարգացումը համապատասխանում է ռուս և հայ ժողովուրդների հիմնարար շահերին, և 2020 ու 2021 թվականներին կնքված եռակողմ համաձայնագրերի հետևողական իրականացումը լավ հիմք է Անդրկովկասում երկարաժամկետ խաղաղության և անվտանգության ապահովման համար»,- նշել է ՌԴ ղեկավարը։
1990 թվականի օգոստոսի 23-ին Գերագույն խորհուրդն ընդունեց Հայաստանի Անկախության հռչակագիրը, ըստ որի՝ Հայկական ԽՍՀ-ին փոխարինեց անկախ Հայաստանի Հանրապետությունը։ 1991 թվականի սեպտեմբերի 21-ին հանրաքվեի ժամանակ 2 միլիոն 56 հազար 758 մարդկանց 99 տոկոսը քվեարկեց ԽՍՀՄ-ից Հայաստանի դուրս գալու օգտին, որից հետո սեպտեմբերի 21-ը նշվում է որպես Հայաստանի անկախության օր։
Այս տարի Անկախության տոնին նվիրված բոլոր տոնակատարությունները չեղարկվել են Հայաստանի դեմ ադրբեջանական ագրեսիայի պատճառով։
Լրահոս
0