Ռուսական ռազմակայանի օդաչուները վարժանքներ են անցկացրել Հայաստանում

© Sputnik / Пресс-служба Минобороны РФԿԱ-52
ԿԱ-52 - Sputnik Արմենիա, 1920, 21.09.2022
ԿԱ-52
Բաժանորդագրվեք
НовостиTelegram
Ուսումնավարժական թռիչքների շրջանակում օդաչուները տարբեր վարժանքներ են անցկացրել ցերեկային և գիշերային ժամերին։
ԵՐԵՎԱՆ, 21 սեպտեմբերի – Sputnik. Հայաստանում տեղակայված ռուսական 102-րդ ռազմակայանի բանակային ավիացիայի օդաչուներն ուսումնամարզական թռիչքներ են իրականացրել բարձրլեռնային պայմաններում։
Ինչպես հայտնում են ՌԴ Հարավային ռազմական օկրուգի մամուլի ծառայությունից, Մի–8ՄՏՎ-5 և Կա–52 ուղղաթիռների անձնակազմերը լեռնային կիրճերում որոնողափրկարարական վարժանքներ են կատարել «կախման» ռեժիմով և տարհանել պայմանական վիրավորներին։
Պարապմունքների նպատակներից մեկը եղել է այն, որ օդաչուները հստակ փոխգործակցեն զորամիավորման բարձրլեռնային զորավարժարաններում հատուկ առաջադրանքներ կատարող ցամաքային զորքի հետ: Թռիչքներն իրականացվել են և՛ ցերեկային, և՛ գիշերային ժամերին։
Բացի այդ, զինծառայողները բարձրլեռնային շրջաններում բարդ օդանավավարության տարրեր են կատարել միայնակ, զույգերով և օղակներով։ Թռիչքային առաջադրանքները կատարվել են տարբեր կազմերով` անձնակազմերի ներդաշնակությունը կատարելագործելու նպատակով։
Ուսումնավարժական թռիչքներին մասնակցել են թռիչքային և ինժեներատեխնիկական կազմի ավելի քան 130 զինծառայող, գործի է դրվել շուրջ 20 միավոր ռազմական և հատուկ տեխնիկա, այդ թվում` Մի–8ՄՏՎ–5 և Կա–52 բանակային ավիացիայի ուղղաթիռներ։
ՀՌՕ դիպուկահարները ՀՀ լեռներում կոչնչացնեն ուսումնական թիրախներ
Լրահոս
0