Էրդողանը չի բացառել Նիկոլ Փաշինյանի հետ հանդիպումը Պրահայում

© Sputnik / Сергей ГунеевՌեջեփ Թայիփ Էրդողան
Ռեջեփ Թայիփ Էրդողան - Sputnik Արմենիա, 1920, 22.09.2022
Բաժանորդագրվեք
НовостиTelegram
2022 թվականի հոկտեմբերի 6-7-ը Պրահայում նախատեսված է ԵՄ ոչ պաշտոնական գագաթնաժողովը։
ԵՐԵՎԱՆ, 22 սեպտեմբերի – Sputnik. Թուրքիայի նախագահ Ռեջեփ Թայիփ Էրդողանը չի բացառել հաջորդ ամիս ՀՀ վարչապետ Նիկոլ Փաշինյանի հետ հանդիպելու հավանականությունը։ Այս մասին հայտնում է թուրքական Hurriyet–ը` մեջբերելով հավանական հանդիպման մասին Էրդողանի հայտարարությունը։

«Պրահայում նախատեսվում է Եվրոպական քաղաքական հանրության գագաթնաժողով։ Ներկայում մենք քննարկում ենք այն հարցը, թե արդյոք մասնակցելու ենք Պրահայում կայանալիք գագաթնաժողովին։ Եթե մենք մասնակցենք, Փաշինյանը, ամենայն հավանականությամբ, կգա այնտեղ։ Կարծում եմ, որ նա այդպիսի միտք ունի։ Միգուցե մենք նրա հետ առանձին քննարկում անցկացնենք այնտեղ»,–ըստ թուրքական պարբերականի` ասել է Էրդողանը։

2022 թվականի հոկտեմբերի 6-7-ը Պրահայում նախատեսված է ԵՄ ոչ պաշտոնական գագաթնաժողովը։
Գագաթնաժողովի նախապես հայտարարած հիմնական նպատակը Ուկրաինայի շուրջ ստեղծված իրավիճակի, ինչպես նաև էներգետիկ ու տնտեսական ճգնաժամերի քննարկումն է։
Վրաստանի վարչապետը Թուրքիայի նախագահի հետ քննարկել է Հարավային Կովկասի խաղաղության հարցը
Հանդիպմանը, բացի ԵՄ անդամ 27 երկրների ղեկավարներից, նախատեսվում է նաև Արևմտյան Բալկանների վեց երկրների, ինչպես նաև Նորվեգիայի, Շվեյցարիայի, Իսլանդիայի, Լիխտենշտեյնի, Մեծ Բրիտանիայի, Ուկրաինայի, Մոլդովայի, Վրաստանի, Թուրքիայի, Հայաստանի ու Ադրբեջանի ղեկավարների մասնակցությունը` հրավիրյալի կարգավիճակով։
Լրահոս
0