https://arm.sputniknews.ru/20220922/metsamvor-hnavajrum-bacarik-gtatsvoner-en-hajtnaberel-48728322.html
«Մեծամոր» հնավայրում բացառիկ գտածոներ են հայտնաբերել
«Մեծամոր» հնավայրում բացառիկ գտածոներ են հայտնաբերել
Sputnik Արմենիա
Հնագետները պեղումների ժամանակ գտել են երկու կմախք, որոնց վրա եղել է ոսկուց, սարդիոնից, սաթից, անագից կախազարդեր, բրոնզից ապարանջաններ, անագից ճարմանդներ: 22.09.2022, Sputnik Արմենիա
2022-09-22T14:02+0400
2022-09-22T14:02+0400
2022-09-24T15:12+0400
մեծամոր
հնագետ
հնագիտություն
գտածո
https://cdn.am.sputniknews.ru/img/07e5/07/1b/28447931_0:148:1600:1048_1920x0_80_0_0_9dd349a1596797ea7a5ffe63d4b098c5.jpg
ԵՐԵՎԱՆ, 22 սեպտեմբերի – Sputnik. «Մեծամոր» հնավայրի տարածքում 2022 թ-ի սեպտեմբերին մեկնարկած պեղումների ընթացքում ՀՀ ԿԳՄՍ նախարարության «Պատմամշակութային հուշարձանների և պատմական միջավայրի պահպանություն» ծառայության ՊՈԱԿ-ի արշավախումբը հայտնաբերել է բացառիկ գտածոներ։ Հայտնում է ԿԳՄՍ մամուլի ծառայությունը։Ըստ հաղորդագրության` պեղումների արդյունքում հայտնաբերվել է փայտե դիապատգարակին կծկված, կոնքոսկրերի հատվածում մեկը մյուսի վրա տեղակայված երկու անհատներ:Նույն մակարդակի վրա բացվել են 10 ամբողջական խեցանոթներ, որոնց մի մասը տեղադրված էր դիապատգարակի տակ: Ստորին շերտում բացվել են ևս 8 ամբողջական անոթներ, որոնցից բացառիկ է կապտականաչավուն ջնարակապատ փոքրիկ սրվակը՝ իրանի վերին հատվածում պահպանված 2 միջանցիկ անցքերով:Անհատների պարանոցի և կրծքավանդակի շրջանները զարդարված էին ոսկուց, սարդիոնից, սաթից, անագից պատրաստված տարատեսակ ուլունքահատիկներով, կախազարդերով: Անհատներից մեկի նախաբազկի ոսկրերին առկա էին բրոնզից ապարանջաններ, որովայնի հատվածում՝ անագից ճարմանդներ: Կմախքներից մեկի ձեռնաթաթի հատվածում եղել է անագե բարակ լարից մատանի:Նախնական ուսումնասիրությունը ցույց է տվել, որ անհատներն արական և իգական սեռի են: Իսկ դամբարանը թվագրվում է մոտավորապես մ.թ.ա. 2-րդ հազարամյակի վերջին քառորդով։«Մեծամոր» հնավայրի տարածքում պեղումներն իրականացնում է հայ-լեհական արշավախումբը։ Հնագիտական աշխատանքներն իրականացվել են երկու տեղամասերում՝ միջնաբերդից արևելք տեղակայված քաղաքային թաղամասում և դամբարանադաշտի հատվածում:
մեծամոր
հնագիտություն
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
մեծամոր, հնագետ, հնագիտություն, գտածո
մեծամոր, հնագետ, հնագիտություն, գտածո
«Մեծամոր» հնավայրում բացառիկ գտածոներ են հայտնաբերել
14:02 22.09.2022 (Թարմացված է: 15:12 24.09.2022) Հնագետները պեղումների ժամանակ գտել են երկու կմախք, որոնց վրա եղել է ոսկուց, սարդիոնից, սաթից, անագից կախազարդեր, բրոնզից ապարանջաններ, անագից ճարմանդներ:
ԵՐԵՎԱՆ, 22 սեպտեմբերի – Sputnik. «Մեծամոր» հնավայրի տարածքում 2022 թ-ի սեպտեմբերին մեկնարկած պեղումների ընթացքում ՀՀ ԿԳՄՍ նախարարության «Պատմամշակութային հուշարձանների և պատմական միջավայրի պահպանություն» ծառայության ՊՈԱԿ-ի արշավախումբը հայտնաբերել է բացառիկ գտածոներ։ Հայտնում է ԿԳՄՍ մամուլի
ծառայությունը։
Ըստ հաղորդագրության` պեղումների արդյունքում հայտնաբերվել է փայտե դիապատգարակին կծկված, կոնքոսկրերի հատվածում մեկը մյուսի վրա տեղակայված երկու անհատներ:
Նույն մակարդակի վրա բացվել են 10 ամբողջական խեցանոթներ, որոնց մի մասը տեղադրված էր դիապատգարակի տակ: Ստորին շերտում բացվել են ևս 8 ամբողջական անոթներ, որոնցից բացառիկ է կապտականաչավուն ջնարակապատ փոքրիկ սրվակը՝ իրանի վերին հատվածում պահպանված 2 միջանցիկ անցքերով:
Անհատների պարանոցի և կրծքավանդակի շրջանները զարդարված էին ոսկուց, սարդիոնից, սաթից, անագից պատրաստված տարատեսակ ուլունքահատիկներով, կախազարդերով: Անհատներից մեկի նախաբազկի ոսկրերին առկա էին բրոնզից ապարանջաններ, որովայնի հատվածում՝ անագից ճարմանդներ: Կմախքներից մեկի ձեռնաթաթի հատվածում եղել է անագե բարակ լարից մատանի:
Նախնական ուսումնասիրությունը ցույց է տվել, որ անհատներն արական և իգական սեռի են: Իսկ դամբարանը թվագրվում է մոտավորապես մ.թ.ա. 2-րդ հազարամյակի վերջին քառորդով։
«Մեծամոր» հնավայրի տարածքում պեղումներն իրականացնում է հայ-լեհական արշավախումբը։ Հնագիտական աշխատանքներն իրականացվել են երկու տեղամասերում՝ միջնաբերդից արևելք տեղակայված քաղաքային թաղամասում և դամբարանադաշտի հատվածում:
