В районе Сотка после обстрела возник пожар - Sputnik Արմենիա, 1920, 13.09.2022
Ադրբեջանի ագրեսիան Հայաստանի դեմ

Շատ կարևոր է ունենալ փաստարկված տվյալներ. Վիկտորինը` Գրիգորյանին

© Photo : Facebook / ՀՀ Մարդու իրավունքների պաշտպան - Human Rights Defender of Armenia ՀՀ մարդու իրավունքների պաշտպան Քրիստինե Գրիգորյանի հանդիպումը Հայաստանում ԵՄ պատվիրակության ղեկավար, դեսպան Անդրեա Վիկտորինի հետ
 ՀՀ մարդու իրավունքների պաշտպան Քրիստինե Գրիգորյանի հանդիպումը Հայաստանում ԵՄ պատվիրակության ղեկավար, դեսպան Անդրեա Վիկտորինի հետ - Sputnik Արմենիա, 1920, 22.09.2022
Բաժանորդագրվեք
НовостиTelegram
Քրիստինե Գրիգորյանն ասել է` առաջին հերթին կարևոր է հանդիպել և զրուցել ադրբեջանական հարձակումից տուժած անձանց հետ։
ԵՐԵՎԱՆ, 22 սեպտեմբերի – Sputnik. Շատ կարևոր է ունենալ փաստարկված տվյալներ։ ՀՀ մարդու իրավունքների պաշտպան Քրիստինե Գրիգորյանի հետ զրույցում այս մասին ասել է Հայաստանում ԵՄ պատվիրակության ղեկավար, դեսպան Անդրեա Վիկտորինը, տեղեկանում ենք ՀՀ ՄԻ պաշտպանի գրասենյակից։
Դեսպանը շնորհակալություն է հայտնել ՄԻՊ-ին փաստերի հավաքագրման և ավելի վաղ ուղարկված զեկույցների համար։
«Կարևոր է ունենալ փաստարկված տվյալներ, որ կարողանաք ասել՝ այո՛, սա փաստ է, սա ճշտված է»,–ասել է նա:
Քրիստինե Գրիգորյանն էլ իր հերթին հայտնել է, որ ՄԻՊ-ի թիմերը սեպտեմբերի 17-ին այցելել են ադրբեջանական հարձակումից տուժած բնակավայրեր Գեղարքունիքի, Վայոց Ձորի ու Սյունիքի մարզերում:
«Մեզ համար առաջին հերթին կարևոր է հանդիպել և զրուցել ադրբեջանական հարձակումից տուժած անձանց հետ»,- հանդիպման ընթացքում նշել է Գրիգորյանը։
Պաշտպանը խոսել է ադրբեջանական զինծառայողների կողմից հայ ռազմագերիների ու զոհված զինծառայողների նկատմամբ իրականացված հանցագործությունների մասին: Նա կարևորել է միջազգային գործընկերների հետ տարվող աշխատանքները:
Հիշեցնենք` Ադրբեջանի ԶՈւ ստորաբաժանումները սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:
ՀՀ Անվտանգության խորհրդի հայտարարության համաձայն` Ադրբեջանի զինված ուժերի լայնածավալ ագրեսիայի հետևանքով զոհվածների և անհետ կորածների թիվը հասնում է 207-ի, այդ թվում զոհվել է քաղաքացիական 3 անձ, 2 քաղաքացիական անձի գտնվելու վայրը համարվում է անհայտ, վիրավորվել է 293 զինծառայող, 7 քաղաքացիական անձ, գերեվարվել է 20 զինծառայող:
Սեպտեմբերի 14-ի ժամը 20։00-ից հայ-ադրբեջանական սահմանի երկայնքով հրադադարի ռեժիմ է սահմանվել, որն ադրբեջանցիները խախտել են սեպտեմբերի 20–ին` կրակելով Սյունիքի մարզի Ներքին Հանդի ուղղությամբ։
Լրահոս
0