https://arm.sputniknews.ru/20220923/adrbejany-mtadir-e-brnazavtel-hh-nvor-taratsqner-pashinjani-elujty-makum-48757880.html
Ադրբեջանը մտադիր է ՀՀ նոր տարածքներ բռնազավթել. Նիկոլ Փաշինյանի ելույթը ՄԱԿ–ում
Ադրբեջանը մտադիր է ՀՀ նոր տարածքներ բռնազավթել. Նիկոլ Փաշինյանի ելույթը ՄԱԿ–ում
Sputnik Արմենիա
Նիկոլ Փաշինյանը շեշտում է, որ Ադրբեջանի կողմից նոր ագրեսիայի ռիսկը մնում է շատ բարձր։ 23.09.2022, Sputnik Արմենիա
2022-09-23T01:30+0400
2022-09-23T01:30+0400
2022-09-23T12:07+0400
նիկոլ փաշինյան
ադրբեջանի ագրեսիան հայաստանի դեմ
միավորված ազգերի կազմակերպություն (մակ)
հայաստան
ադրբեջան
https://cdn.am.sputniknews.ru/img/07e6/09/17/48757747_0:0:1601:901_1920x0_80_0_0_fc5850aa3c0be76e7ca63ea47f9d25dd.jpg
ԵՐԵՎԱՆ, 23 սեպտեմբերի - Sputnik. Սեպտեմբերի 13-ին Ադրբեջանը չհրահրված և չարդարացված ռազմական ագրեսիա սկսեց Հայաստանի դեմ։ Օգտագործելով ծանր հրետանի, համազարկային կրակի ռեակտիվ համակարգեր և մարտական անօդաչու թռչող սարքեր`ադրբեջանական զինուժը Հայաստանի ինքնիշխան տարածքի խորքում գնդակոծեց 36 բնակելի տարածքներ և համայնքներ, այդ թվում՝ Գորիսը, Ջերմուկը, Վարդենիսը, Կապանը, Գեղամասարը։ Նյու Յորքում ՄԱԿ-ի Գլխավոր ասամբլեայի 77-րդ նստաշրջանի շրջանակում իր ելույթի ժամանակ այս մասին ասաց ՀՀ վարչապետ Նիկոլ Փաշինյանը։Նա նկատեց, որ դա սահմանային բախում չէր, այլ ուղղակի, անհերքելի հարձակում Հայաստանի ինքնիշխանության և տարածքային ամբողջականության դեմ, որը դատապարտվեց և որին անդրադարձ կատարվեց ՄԱԿ-ի Անվտանգության խորհրդի վերջին նիստերի ընթացքում և դրանից դուրս։Նա հիշեցրեց, որ լրագրողները, շտապօգնության մեքենաներն են թիրախավորվել։Փաշինյանը հայտնեց` Ադրբեջանի ագրեսիայի հետևանքով զոհվածների և անհետ կորածներ թիվը հասնում է 207-ի, այդ թվում` 3 քաղաքացիական անձինք, որոնք զոհվել են, և 2-ն էլ անհետ կորած են համարվում։ Բացի այդ, 293 զինվոր և 7 խաղաղ բնակիչ են վիրավորում ստացել, և ամենաքիչը 20 զինծառայող է գերեվարվել։ ՀՀ վարչապետը վստահեցրեց, որ կան փաստեր, որոնք ապացուցում են գերեվարված կամ մահացած զինծառայողների խոշտանգումների և անդամահատման, արտադատական սպանությունների բազմաթիվ դեպքերի, հայ ռազմագերիների նկատմամբ դաժան վերաբերմունքի, ինչպես նաև դիերի նկատմամբ նվաստացուցիչ վերաբերմունքի մասին։Փաշինյանը հայտնեց, որ ադրբեջանցիները հայ կին զինծառայողների դիերն առանձնակի դաժանությամբ անդամահատել են, դա «հպարտորեն» տեսագրել, և հիմա այդ տեսանյութերը տարածվում և գովաբանվում են ադրբեջանական սոցիալական ցանցերում:Նիկոլ Փաշինյանը հանդիպել է ՆԱՏՕ-ի գլխավոր քարտուղարի հետՀՀ վարչապետը շեշտեց, որ այդ վայրագությունները Ադրբեջանի քաղաքական ղեկավարության կողմից հակահայկական ատելություն և թշնամանք սերմանելու տասնամյակներ տևած քաղաքականության ուղղակի արդյունքն են։Նրա խոսքով` իրավիճակի հետագա սրումը կարող է տարածաշրջանի անվտանգային կազմակերպությունների ոչ պատշաճ արձագանքների հետևանք լինել. դրանք շատ լուրջ հարցեր են առաջացրել հայ հանրության շրջանում։Փաշինյանը հավելեց, որ դիվանագիտական երկխոսության միջոցով խնդիրների լուծմանը հասնելը Հայաստանի համար շատ կարևոր է։ Նրա խոսքով` այս առումով շատ կարևոր կլինի հայ-ադրբեջանական սահմանին միջազգային մշտադիտարկում իրականացնելը։
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
նիկոլ փաշինյան, միավորված ազգերի կազմակերպություն (մակ), հայաստան, ադրբեջան
նիկոլ փաշինյան, միավորված ազգերի կազմակերպություն (մակ), հայաստան, ադրբեջան
Ադրբեջանը մտադիր է ՀՀ նոր տարածքներ բռնազավթել. Նիկոլ Փաշինյանի ելույթը ՄԱԿ–ում
01:30 23.09.2022 (Թարմացված է: 12:07 23.09.2022) Նիկոլ Փաշինյանը շեշտում է, որ Ադրբեջանի կողմից նոր ագրեսիայի ռիսկը մնում է շատ բարձր։
ԵՐԵՎԱՆ, 23 սեպտեմբերի - Sputnik. Սեպտեմբերի 13-ին Ադրբեջանը չհրահրված և չարդարացված ռազմական ագրեսիա սկսեց Հայաստանի դեմ։ Օգտագործելով ծանր հրետանի, համազարկային կրակի ռեակտիվ համակարգեր և մարտական անօդաչու թռչող սարքեր`ադրբեջանական զինուժը Հայաստանի ինքնիշխան տարածքի խորքում գնդակոծեց 36 բնակելի տարածքներ և համայնքներ, այդ թվում՝ Գորիսը, Ջերմուկը, Վարդենիսը, Կապանը, Գեղամասարը։ Նյու Յորքում ՄԱԿ-ի Գլխավոր ասամբլեայի 77-րդ նստաշրջանի շրջանակում իր ելույթի ժամանակ այս մասին ասաց ՀՀ վարչապետ Նիկոլ Փաշինյանը։
Նա նկատեց, որ դա սահմանային բախում չէր, այլ ուղղակի, անհերքելի հարձակում Հայաստանի ինքնիշխանության և տարածքային ամբողջականության դեմ, որը դատապարտվեց և որին անդրադարձ կատարվեց ՄԱԿ-ի Անվտանգության խորհրդի վերջին նիստերի ընթացքում և դրանից դուրս։
«Ադրբեջանական հարձակումը միտումնավոր թիրախավորել է խաղաղ բնակչությանը և կենսական նշանակության քաղաքացիական ենթակառուցվածքները. Ջերմուկը Հայաստանի հիմնական առողջարանային և զբոսաշրջային վայրերից մեկն է, և այժմ ադրբեջանական ագրեսիայի հետևանքով Ջերմուկի բոլոր հյուրանոցները, առողջարանային և հանգստի կենտրոնները փակ են։ Այս քաղաքի բոլոր բնակիչները տեղահանված են։ Հայաստանի Գեղարքունիքի, Վայոց Ձորի և Սյունիքի մարզերից ժամանակավոր տեղահանվածների ընդհանուր թիվը կազմում է ավելի քան 7600 մարդ` հիմնականում կանայք և տարեցներ, որոնցից 1437–ը` երեխա և 99–ը` հաշմանդամություն ունեցող անձ»,–ասաց Փաշինյանը։
Նա հիշեցրեց, որ լրագրողները, շտապօգնության մեքենաներն են թիրախավորվել։
Փաշինյանը հայտնեց` Ադրբեջանի ագրեսիայի հետևանքով զոհվածների և անհետ կորածներ թիվը հասնում է 207-ի, այդ թվում` 3 քաղաքացիական անձինք, որոնք զոհվել են, և 2-ն էլ անհետ կորած են համարվում։ Բացի այդ, 293 զինվոր և 7 խաղաղ բնակիչ են վիրավորում ստացել, և ամենաքիչը 20 զինծառայող է գերեվարվել։
ՀՀ վարչապետը վստահեցրեց, որ կան փաստեր, որոնք ապացուցում են գերեվարված կամ մահացած զինծառայողների խոշտանգումների և անդամահատման, արտադատական սպանությունների բազմաթիվ դեպքերի, հայ ռազմագերիների նկատմամբ դաժան վերաբերմունքի, ինչպես նաև դիերի նկատմամբ նվաստացուցիչ վերաբերմունքի մասին։
Փաշինյանը հայտնեց, որ ադրբեջանցիները հայ կին զինծառայողների դիերն առանձնակի դաժանությամբ անդամահատել են, դա «հպարտորեն» տեսագրել, և հիմա այդ տեսանյութերը տարածվում և գովաբանվում են ադրբեջանական սոցիալական ցանցերում:
ՀՀ վարչապետը շեշտեց, որ այդ վայրագությունները Ադրբեջանի քաղաքական ղեկավարության կողմից հակահայկական ատելություն և թշնամանք սերմանելու տասնամյակներ տևած քաղաքականության ուղղակի արդյունքն են։
«Պաշտոնական հայտարարությունները վկայում են այն մասին, որ Ադրբեջանը մտադիր է օկուպացնել Հայաստանի այլ տարածքներ, ինչը պետք է կանխել: Ուզում եմ շեշտել, որ Ադրբեջանի կողմից նոր ագրեսիայի ռիսկը մնում է շատ բարձր՝ հատկապես հաշվի առնելով, որ Ադրբեջանն ամեն օր խախտում է հրադադարը, և զոհերի ու վիրավորների թիվը կարող է փոփոխվել ցանկացած պահի»,–ասաց Փաշինյանը։
Նրա խոսքով` իրավիճակի հետագա սրումը կարող է տարածաշրջանի անվտանգային կազմակերպությունների ոչ պատշաճ արձագանքների հետևանք լինել. դրանք շատ լուրջ հարցեր են առաջացրել հայ հանրության շրջանում։
Փաշինյանը հավելեց, որ դիվանագիտական երկխոսության միջոցով խնդիրների լուծմանը հասնելը Հայաստանի համար շատ կարևոր է։ Նրա խոսքով` այս առումով շատ կարևոր կլինի հայ-ադրբեջանական սահմանին միջազգային մշտադիտարկում իրականացնելը։
