https://arm.sputniknews.ru/20220926/pilvojany-1-mln-dram-kasharq-e-stacel-ir-khvorhrdakani-ozhandakutjamb-hakakvorupcivon-kvomite-48881316.html
Փիլոյանը 1 մլն դրամ կաշառք է ստացել իր խորհրդականի օժանդակությամբ. Հակակոռուպցիոն կոմիտե
Փիլոյանը 1 մլն դրամ կաշառք է ստացել իր խորհրդականի օժանդակությամբ. Հակակոռուպցիոն կոմիտե
Sputnik Արմենիա
Նախաքննության ընթացքում պարզվել է, որ նախկին նախարարը ոչ միայն գումար է վերցրել, այլև ոսկու ձուլակտորի և ջեռուցման համակարգի տեսքով է կաշառք ստացել։ 26.09.2022, Sputnik Արմենիա
2022-09-26T13:34+0400
2022-09-26T13:34+0400
2022-09-26T13:44+0400
հայաստան
անդրանիկ փիլոյան
հակակոռուպցիոն կոմիտե
նախաքննություն
https://cdn.am.sputniknews.ru/img/07e5/0c/19/36875919_0:33:1600:934_1920x0_80_0_0_532949a528ad9a2ec26a00fc36c1d1d6.jpg
ԵՐԵՎԱՆ, 26 սեպտեմբերի – Sputnik. ՀՀ արտակարգ իրավիճակների նախկին նախարար Անդրանիկ Փիլոյանի ու հանցավոր արարքների կատարման մեջ մեղադրվող ևս 12 անձի, այդ թվում` նախարարության տարբեր պաշտոնյաների գործով նախաքննությունն ավարտվել է։ Տեղեկությունը հայտնում է ՀՀ հակակոռուպցիոն կոմիտեն և մանրամասներ ներկայացնում։Նախաքննությամբ պարզվել է, որ բազմաբնակարան շենք կառուցելու համար ընկերությունը գործարքի մեջ է մտել ԱԻ նախարարության պաշտոնյաների հետ։ Անհրաժեշտ թույլտվություններ ձեռք բերելու հարցում համապատասխան պաշտոնատար անձանց բարեխոսելու, ինչպես նաև նույնպիսի ծառայություններ մատուցող այլ տնտեսվարողի համար խոչընդոտներ ստեղծելու համար Փիլոյանն իր խորհրդականի օժանդակությամբ 2022 թ.-ին ստացել է 1 մլն դրամ կաշառք։«Նախաքննությամբ պարզվել է նաև, որ Անդրանիկ Փիլոյանը, առանց օրենքով սահմանված կարգի և փաստաթղթավորման, բանավոր հանձնարարություն է տվել ԱԻ նախարարության ստորաբաժանումներից մեկի ղեկավար Վ. Մ.-ին ԱԻՆ պետական ռեզերվների գրասենյակի Գագարինի պահեստի ավելի քան 18 մլն ՀՀ դրամ արժողությամբ գույքն ապամոնտաժելու վերաբերյալ: Այնուհետև Վ. Մ.-ն 2022թ. մարտին, հիշյալ գույքը հափշտակելու դիտավորությամբ, այն տեղափոխել է մասնավոր տարածք և դրա մի մասը վաճառել Սևան քաղաքի բնակչին»,- ասված է հաղորդագրությունում:Ըստ կոմիտեի` բավարար ապացույցներ են ձեռք բերվել նաև, որ նախարարը համապատասխան պաշտոնում է նշանակել Ա. Օ.-ին և դրա դիմաց ոսկու ձուլակտորի տեսքով կաշառք է ստացել նրանից:Բացի այդ, քրեական վարույթի համաձայն` նախարարության ստորաբաժանումներից մեկի ղեկավար Հ. Ե.-ն, օգտագործելով պաշտոնեական դրությունը, համապատասխան անձին նախարարությունում աշխատանքի ընդունելու համար միջնորդել է ԱԻ նախարարի կողմից ջեռուցման համակարգի տեսքով խոշոր չափերով` 960 000 ՀՀ դրամ կաշառք ստանալուն:Քննությամբ պարզվել է նաև, որ Վ. Գ.-ն, մտերիմ հարաբերությունների մեջ գտնվելով ՀՀ ԱԻ նախարարի հետ, նախարարության տարբեր ստորաբաժանումներում աշխատանքի է ընդունել տարբեր մարդկանց ու նրանցից յուրաքանչյուրից պահանջել և ստացել է 1700-2500 ԱՄՆ դոլարի չափով ապօրինի վարձատրություն:Հիշեցնենք, որ Փիլոյանին կաշառք ստանալու և պաշտոնեական դիրքը չարաշահելու մեղադրանք է ներկայացվել ։ Նրա նկատմամբ որպես խափանման միջոց է ընտրվել կալանավորումը:Եվս 12 անձի, այդ թվում` ԱԻ նախարարության տարբեր պաշտոնյաների, մեղադրանք է ներկայացվել ՀՀ քրեական օրենսգրքի տարբեր հոդվածներով։Մեղադրյալներից Վ. Գ.-ի նկատմամբ որպես խափանման միջոց է ընտրվել կալանավորումը:Քրեական վարույթի նյութերը մեղադրական եզրակացությամբ հանձնվել են հսկողություն իրականացնող դատախազին այն հաստատելու և դատարան ուղարկելու միջնորդությամբ:
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, անդրանիկ փիլոյան, հակակոռուպցիոն կոմիտե, նախաքննություն
հայաստան, անդրանիկ փիլոյան, հակակոռուպցիոն կոմիտե, նախաքննություն
Փիլոյանը 1 մլն դրամ կաշառք է ստացել իր խորհրդականի օժանդակությամբ. Հակակոռուպցիոն կոմիտե
13:34 26.09.2022 (Թարմացված է: 13:44 26.09.2022) Նախաքննության ընթացքում պարզվել է, որ նախկին նախարարը ոչ միայն գումար է վերցրել, այլև ոսկու ձուլակտորի և ջեռուցման համակարգի տեսքով է կաշառք ստացել։
ԵՐԵՎԱՆ, 26 սեպտեմբերի – Sputnik. ՀՀ արտակարգ իրավիճակների նախկին նախարար Անդրանիկ Փիլոյանի ու հանցավոր արարքների կատարման մեջ մեղադրվող ևս 12 անձի, այդ թվում` նախարարության տարբեր պաշտոնյաների գործով նախաքննությունն ավարտվել է։ Տեղեկությունը հայտնում է
ՀՀ հակակոռուպցիոն կոմիտեն և մանրամասներ ներկայացնում։
Նախաքննությամբ պարզվել է, որ բազմաբնակարան շենք կառուցելու համար ընկերությունը գործարքի մեջ է մտել ԱԻ նախարարության պաշտոնյաների հետ։ Անհրաժեշտ թույլտվություններ ձեռք բերելու հարցում համապատասխան պաշտոնատար անձանց բարեխոսելու, ինչպես նաև նույնպիսի ծառայություններ մատուցող այլ տնտեսվարողի համար խոչընդոտներ ստեղծելու համար Փիլոյանն իր խորհրդականի օժանդակությամբ 2022 թ.-ին ստացել է 1 մլն դրամ կաշառք։
«Նախաքննությամբ պարզվել է նաև, որ Անդրանիկ Փիլոյանը, առանց օրենքով սահմանված կարգի և փաստաթղթավորման, բանավոր հանձնարարություն է տվել ԱԻ նախարարության ստորաբաժանումներից մեկի ղեկավար Վ. Մ.-ին ԱԻՆ պետական ռեզերվների գրասենյակի Գագարինի պահեստի ավելի քան 18 մլն ՀՀ դրամ արժողությամբ գույքն ապամոնտաժելու վերաբերյալ: Այնուհետև Վ. Մ.-ն 2022թ. մարտին, հիշյալ գույքը հափշտակելու դիտավորությամբ, այն տեղափոխել է մասնավոր տարածք և դրա մի մասը վաճառել Սևան քաղաքի բնակչին»,- ասված է հաղորդագրությունում:
Ըստ կոմիտեի` բավարար ապացույցներ են ձեռք բերվել նաև, որ նախարարը համապատասխան պաշտոնում է նշանակել Ա. Օ.-ին և դրա դիմաց ոսկու ձուլակտորի տեսքով կաշառք է ստացել նրանից:
Բացի այդ, քրեական վարույթի համաձայն` նախարարության ստորաբաժանումներից մեկի ղեկավար Հ. Ե.-ն, օգտագործելով պաշտոնեական դրությունը, համապատասխան անձին նախարարությունում աշխատանքի ընդունելու համար միջնորդել է ԱԻ նախարարի կողմից ջեռուցման համակարգի տեսքով խոշոր չափերով` 960 000 ՀՀ դրամ կաշառք ստանալուն:
Քննությամբ պարզվել է նաև, որ Վ. Գ.-ն, մտերիմ հարաբերությունների մեջ գտնվելով ՀՀ ԱԻ նախարարի հետ, նախարարության տարբեր ստորաբաժանումներում աշխատանքի է ընդունել տարբեր մարդկանց ու նրանցից յուրաքանչյուրից պահանջել և ստացել է 1700-2500 ԱՄՆ դոլարի չափով ապօրինի վարձատրություն:
Հիշեցնենք, որ Փիլոյանին կաշառք ստանալու և պաշտոնեական դիրքը չարաշահելու մեղադրանք է ներկայացվել ։ Նրա նկատմամբ որպես
խափանման միջոց է ընտրվել կալանավորումը:
Եվս 12 անձի, այդ թվում` ԱԻ նախարարության տարբեր պաշտոնյաների, մեղադրանք է ներկայացվել ՀՀ քրեական օրենսգրքի տարբեր հոդվածներով։
Մեղադրյալներից Վ. Գ.-ի նկատմամբ որպես խափանման միջոց է ընտրվել կալանավորումը:
Քրեական վարույթի նյութերը մեղադրական եզրակացությամբ հանձնվել են հսկողություն իրականացնող դատախազին այն հաստատելու և դատարան ուղարկելու միջնորդությամբ:
