ՌԴ զորակոչված քաղաքացիներին Վերին Լարսում ծանուցագրեր կհանձնվեն. Հյուսիսային Օսեթիայի ՆԳՆ

© Sputnik / Владимир Иванов / Անցնել մեդիապահոցՎերին Լարսի անցակետը
Վերին Լարսի անցակետը - Sputnik Արմենիա, 1920, 27.09.2022
Վերին Լարսի անցակետը. Արխիվային լուսանկար
Բաժանորդագրվեք
НовостиTelegram
Ճանապարհային երթևեկության անվտանգության նկատմամբ վերահսկողությունը կուժեղացվի հատկապես Ռեդանտ գյուղից Վերին Լարսի անցակետ տանող հատվածում։
ԵՐԵՎԱՆ, 27 սեպտեմբերի – Sputnik. Վերին Լարսի անցակետում մեծ թվով ավտոմեքենաների ու ՌԴ պետական սահմանը հատել ցանկացող քաղաքացիների կուտակմամբ պայմանավորված՝ Հյուսիսային Օսեթիայի ՆԳՆ-ում ժամանակավոր օպերատիվ խումբէ ստեղծվել, հայտնում է Հյուսիսային Օսիայի ՆԳՆ պաշտոնական կայքը։
«Ժամանակավոր օպերատիվ խմբի աշխատակիցները սերտ համագործակցություն կհաստատեն զինկոմիսարիատի հետ։ Անցակետի տարածքում աշխատանքներ կկազմակերպվեն մասնակի զորահավաքի տակ հայտնված մոբիլիզացիոն տարիքի քաղաքացիներին ծանուցագրեր հանձնելու ուղղությամբ, որոնց հետ կկազմակերպվեն բացատրական զրույցներ»,– ասված է հաղորդագրության մեջ։
Ոստիկանության ուժեղացված հսկողության նպատակն է նաև կանխել սահմանային գոտում հասարակական կարգի խախտումներն ու ապօրինությունները։ Ճանապարհային երթևեկության անվտանգության նկատմամբ վերահսկողությունը կուժեղացվի հատկապես Ռեդանտ գյուղից Վերին Լարսի անցակետ տանող ճանապարհի հատվածում։
Նշվում է, որ դեպի Վերին Լարս երթևեկության հոսքի վերահսկման հարցով Օսեթիայի իրավապահները համագործակցում են Ռուսաստանի Դաշնության Հյուսիսային Կովկասի դաշնային օկրուգի ճանապարհային ոստիկանության ստորաբաժանումների հետ։
Լարսում մեծ թվով ավտոմեքենաներ են կուտակվել. ռուսական կողմում 15–կիլոմետրանոց հերթ է
Իրավապահները վերահսկելու են սահմանը հատել ցանկացող յուրաքանչյուր ավտոմեքենայի տեղաշարժը, որպեսզի սահմանի անցումն իրականացվի գործող կարգի պահպանմամբ։ Հանրապետական ավտոճանապարհների ծանրաբեռնվածությունը բացառելու համար հանրապետության տարածքում նախատեսված են ավտոկայանատեղիներ։
Իսկ բուն անցակետի տարածքում առաջիկայում նախատեսվում է բնակելի մոդուլներ տեղադրել։
Հիշեցնենք, որ վերջին օրերին «Վերին Լարս» անցակետով Ռուսաստանից մեկնողների թիվը կտրուկ աճել է։
Լրահոս
0