https://arm.sputniknews.ru/20220930/katvoghikvosn-u-levvon-ter-petrvosjany-krkin-handipel-en-majr-atvoric-hastatum-en-49140347.html
Կաթողիկոսն ու Լևոն Տեր-Պետրոսյանը կրկին հանդիպել են. Մայր աթոռից հաստատում են
Կաթողիկոսն ու Լևոն Տեր-Պետրոսյանը կրկին հանդիպել են. Մայր աթոռից հաստատում են
Sputnik Արմենիա
Տեղեկատվական կենտրոնի տնօրենը հերքել է տարածվող լուրերն այն մասին, թե վեհափառը հանդիպում է ունեցել նաև վարչապետ Նիկոլ Փաշինյանի հետ։ 30.09.2022, Sputnik Արմենիա
2022-09-30T15:58+0400
2022-09-30T15:58+0400
2022-09-30T20:28+0400
մայր աթոռ սուրբ էջմիածին
ամենայն հայոց կաթողիկոս գարեգին բ
լևոն տեր–պետրոսյան
https://cdn.am.sputniknews.ru/img/07e6/09/15/48672347_0:158:1600:1058_1920x0_80_0_0_a5802c274a592ff1223c781df2d51fed.jpg
ԵՐԵՎԱՆ, 30 սեպտեմբերի – Sputnik. Ամենայն հայոց կաթողիկոս Գարեգին Բ-ն և ՀՀ առաջին նախագահ Լևոն Տեր-Պետրոսյանը կրկին հանդիպել են։ Տեղեկությունը հաստատել է Մայր աթոռի տեղեկատվական կենտրոնի տնօրեն տեր Եսայի քահանա Արթենյանը։ Նրա տեղեկացմամբ՝ հանդիպումը տեղի է ունեցել երեկ՝ սեպտեմբերի 29-ին։ Առանձնազրույցի բովանդակության վերաբերյալ մանրամասներ չեն հաղորդվում։Տեր Եսային ընդգծել է, որ այս օրերին կաթողիկոսն առանձին հանդիպումներ է ունենում նախագահների հետ՝ ՀՀ և ԼՂՀ նախագահների հետ հաջորդ հանդիպման նախապատրաստման նպատակով։ Տեղեկատվական կենտրոնի տնօրենը նաև հերքել է տեղեկություններն այն մասին, թե հանդիպել են նաև կաթողիկոսն ու վարչապետը։Կաթողիկոսի և առաջին նախագահի հանդիպմանը «Ֆեյսբուքի» իր էջում անդրադարձել է նաև Լևոն Տեր-Պետրոսյանի մամուլի խոսնակ Արման Մուսինյանը։ Նա նշել է, որ կաթողիկոսն ու առաջին նախագահը քառասուն տարվա գործընկերներ են, միասին աշխատել են Գևորգյան ճեմարանում և «Էջմիածին» ամսագրում, ուստի նրանց հանդիպումները զարմանք չպետք է հարուցեն։ Հիշեցնենք` սեպտեմբերի 22-ին Մայր աթոռում տեղի էր ունեցել Ն․Ս․Օ․Տ․Տ․ Գարեգին Երկրորդ Ամենայն հայոց կաթողիկոսի և Հայաստանի նախագահներ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի, ինչպես նաև ԼՂՀ նախագահներ Արկադի Ղուկասյանի և Բակո Սահակյանի հանդիպումը`կաթողիկոսի հրավերով։Հանդիպման ավարտին Մայր աթոռը տարածել էր հաղորդագրություն, որտեղ ասված էր. «Հայաստանում ստեղծված իրավիճակի առնչությամբ տեղի է ունեցել շահագրգիռ քննարկում։ Որոշում է կայացվել շարունակել հանդիպումները»։Մեկ օր անց ՀՀ առաջին նախագահ Լևոն Տեր–Պետրոսյանը Հանրայինի եթերում հայտնեց, որ հանդիպմանը գնացել էր նախապես պատրաստած հայտարարության տեքստով, որը հանդիպման մասնակիցները չեն ընդունել։Տեր–Պետրոսյանն ընթերցեց հայտարարության տեքստը եթերում։ Դրանում, մասնավորապես, հանրությանը դժվարին շրջանում միասնության կոչ էր արվում` ի շահ պետության ու պետականության։2 օր անց էլ ՀՀ երկրորդ նախագահ Ռոբերտ Քոչարյանը խոսեց։ Իր ասուլիսում նա հայտարարեց, որ հանդիպում, այո՛, եղել է, սակայն Տեր–Պետրոսյանի ասած թուղթն իրենք չեն տեսել. այդպիսի բան իրենց չի ներկայացվել։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
մայր աթոռ սուրբ էջմիածին, ամենայն հայոց կաթողիկոս գարեգին բ, լևոն տեր–պետրոսյան
մայր աթոռ սուրբ էջմիածին, ամենայն հայոց կաթողիկոս գարեգին բ, լևոն տեր–պետրոսյան
Կաթողիկոսն ու Լևոն Տեր-Պետրոսյանը կրկին հանդիպել են. Մայր աթոռից հաստատում են
15:58 30.09.2022 (Թարմացված է: 20:28 30.09.2022) Տեղեկատվական կենտրոնի տնօրենը հերքել է տարածվող լուրերն այն մասին, թե վեհափառը հանդիպում է ունեցել նաև վարչապետ Նիկոլ Փաշինյանի հետ։
ԵՐԵՎԱՆ, 30 սեպտեմբերի – Sputnik. Ամենայն հայոց կաթողիկոս Գարեգին Բ-ն և ՀՀ առաջին նախագահ Լևոն Տեր-Պետրոսյանը կրկին հանդիպել են։ Տեղեկությունը հաստատել է
Մայր աթոռի տեղեկատվական կենտրոնի տնօրեն տեր Եսայի քահանա Արթենյանը։ Նրա տեղեկացմամբ՝ հանդիպումը տեղի է ունեցել երեկ՝ սեպտեմբերի 29-ին։ Առանձնազրույցի բովանդակության վերաբերյալ մանրամասներ չեն հաղորդվում։
Տեր Եսային ընդգծել է, որ այս օրերին կաթողիկոսն առանձին հանդիպումներ է ունենում նախագահների հետ՝ ՀՀ և ԼՂՀ նախագահների հետ հաջորդ հանդիպման նախապատրաստման նպատակով։ Տեղեկատվական կենտրոնի տնօրենը նաև հերքել է տեղեկություններն այն մասին, թե հանդիպել են նաև կաթողիկոսն ու վարչապետը։
«Կարծում ենք, որ այս ամենը նպատակ է հետապնդում ձախողել նախաձեռնված քննարկումների գործընթացը»,- գրել է տեր Եսային։
Կաթողիկոսի և առաջին նախագահի հանդիպմանը
«Ֆեյսբուքի» իր էջում անդրադարձել է նաև Լևոն Տեր-Պետրոսյանի մամուլի խոսնակ Արման Մուսինյանը։ Նա նշել է, որ կաթողիկոսն ու առաջին նախագահը քառասուն տարվա գործընկերներ են, միասին աշխատել են Գևորգյան ճեմարանում և «Էջմիածին» ամսագրում, ուստի նրանց հանդիպումները զարմանք չպետք է հարուցեն։
Հիշեցնենք` սեպտեմբերի 22-ին Մայր աթոռում տեղի էր ունեցել Ն․Ս․Օ․Տ․Տ․ Գարեգին Երկրորդ Ամենայն հայոց կաթողիկոսի և Հայաստանի նախագահներ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի, ինչպես նաև ԼՂՀ նախագահներ Արկադի Ղուկասյանի և Բակո Սահակյանի հանդիպումը`կաթողիկոսի հրավերով։
Հանդիպման ավարտին
Մայր աթոռը տարածել էր հաղորդագրություն, որտեղ ասված էր. «Հայաստանում ստեղծված իրավիճակի առնչությամբ տեղի է ունեցել շահագրգիռ քննարկում։ Որոշում է կայացվել շարունակել հանդիպումները»։
Մեկ օր անց ՀՀ առաջին նախագահ
Լևոն Տեր–Պետրոսյանը Հանրայինի եթերում հայտնեց, որ հանդիպմանը գնացել էր նախապես պատրաստած հայտարարության տեքստով, որը հանդիպման մասնակիցները չեն ընդունել։
Տեր–Պետրոսյանն ընթերցեց հայտարարության տեքստը եթերում։ Դրանում, մասնավորապես, հանրությանը դժվարին շրջանում միասնության կոչ էր արվում` ի շահ պետության ու պետականության։
2 օր անց էլ ՀՀ երկրորդ նախագահ Ռոբերտ Քոչարյանը խոսեց։
Իր ասուլիսում նա հայտարարեց, որ հանդիպում, այո՛, եղել է, սակայն Տեր–Պետրոսյանի ասած թուղթն իրենք չեն տեսել. այդպիսի բան իրենց չի ներկայացվել։
