Միրզոյանը ՄԱԳԱՏԷ–ի տնօրենի հետ խոսել է ՀԱԷԿ–ի վերաբերյալ հնչած սպառնալիքների մասին
15:42 04.10.2022 (Թարմացված է: 15:45 04.10.2022)
© Photo : official site of MFA of RA ՀՀ ԱԳ նախարար Արարատ Միրզոյանն ու Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Մարիանո Գրոսին
© Photo : official site of MFA of RA
Բաժանորդագրվել
Որպես ատոմային էլեկտրակայան շահագործող երկիր՝ Հայաստանը կարևորում է միջուկային էներգիայի խաղաղ, անվտանգ և ապահով օգտագործմանն ուղղված համագործակցությունը։
ԵՐԵՎԱՆ, 4 հոկտեմբերի – Sputnik․ ՀՀ ԱԳ նախարար Արարատ Միրզոյանն այսօր հանդիպել է աշխատանքային այցով Հայաստանում գտնվող Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Մարիանո Գրոսիի հետ: Տեղեկությունը հայտնում է ԱԳՆ մամուլի ծառայությունը։
© Photo : official site of MFA of RA ՀՀ ԱԳ նախարար Արարատ Միրզոյանն ընդունել է Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Մարիանո Գրոսիի գլխավորած պատվիրակությունը
ՀՀ ԱԳ նախարար Արարատ Միրզոյանն ընդունել է Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Մարիանո Գրոսիի գլխավորած պատվիրակությունը
© Photo : official site of MFA of RA
Միրզոյանն ընդգծել է, որ Հայաստանը կարևորում է ԱԷՄԳ–ի (ՄԱԳԱՏԷ) հետ հաստատված արդյունավետ համագործակցության զարգացումը՝ ուղղված միջուկային էներգիայի խաղաղ, անվտանգ և ապահով օգտագործմանը: Հայաստանի արտաքին քաղաքական գերատեսչության ղեկավարն անդրադարձել է նաև Հայկական ատոմային էլեկտրակայանի վերաբերյալ հնչած սպառնալիքներին, ինչպես նաև էլեկտրակայանի շահագործման հետ կապված անհարկի շահարկումների անթույլատրելիությանը:
© Photo : official site of MFA of RA ՀՀ ԱԳ նախարար Արարատ Միրզոյանն ու Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Մարիանո Գրոսին
ՀՀ ԱԳ նախարար Արարատ Միրզոյանն ու Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Մարիանո Գրոսին
© Photo : official site of MFA of RA
Ռաֆայել Գրոսին ընդգծել է, որ Հայաստանն ԱԷՄԳ վստահելի գործընկերն է, առանձնահատուկ շեշտել է Հայաստանի թափանցիկ գործելաոճը և ԱԷՄԳ առաքելությունների առաջարկությունների հետևողական հասցեագրումը։
© Photo : official site of MFA of RA Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Մարիանո Գրոսին
Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Մարիանո Գրոսին
© Photo : official site of MFA of RA
«Զրուցակիցները գոհունակությամբ արձանագրել են, որ Հայաստան-ԱԷՄԳ ծավալուն օրակարգն իր մեջ ներառում է ինչպես միջուկային անվտանգության և էներգետիկայի, այնպես էլ շրջակա միջավայրի, առողջապահության, արտակարգ իրավիճակների և այլ բնագավառներ»,- նշված է հաղորդագրության մեջ։
© Photo : official site of MFA of RA ՀՀ ԱԳ նախարար Արարատ Միրզոյանն ու Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Մարիանո Գրոսին
ՀՀ ԱԳ նախարար Արարատ Միրզոյանն ու Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Մարիանո Գրոսին
© Photo : official site of MFA of RA
ՀՀ ԱԳ նախարարը կարևորել է ԱԷՄԳ ֆինանսական և մասնագիտական աջակցությամբ իրականացվող ծրագրերը:
Հանդիպման ընթացքում քննարկվել են նաև տարածաշրջանային անվտանգությանը վերաբերող մի շարք հարցեր:
Հիշեցնենք՝ 2020 թվականի արցախյան 44–օրյա պատերազմի ժամանակ Ադրբեջանի պաշտպանության նախարարությունը հրապարային սպառնալիք էր հնչեցրել Մեծամորի ատոմակայանը հրթիռակոծելու մասին։ Նշենք, որ Թուրքիայում նույնպես պարբերաբար խոսում են Մեծամորի ատոմակայանի «վտանգավորության» մասին։