Շնչելու հնարավորություն չտվեց. արցախցի բռնցքամարտիկը մեր երկրին 2–րդ ոսկե մեդալը բերեց

Բաժանորդագրվեք
НовостиTelegram
Մեր մարզիկներն իրենց շատ լավ են դրսևորում․Հայաստանը կարող է առաջինը լինել նաև թիմային հաշվարկում։
Հայաստանը երկրորդ ոսկին է նվաճել Իտալիայում: Պատանի բռնցքամարտիկ Էրիկ Առստամյանը հաղթել էֆավորիտի կարգավիճակով ռինգ դուրս եկած անգլիացի Սթիվեն Լինգտոնին: Ուրախ լուրը հայտնում է Հայաստանի բռնցքամարտի ֆեդերացիան։
«Առաջին ռաունդում անգլիացին տեխնիկապես ավելի գրագետ գործեց ու հնարամիտ գործողություններով 4:1 հաշվով շահեց ռաունդը, բայց Էրիկը չընկճվեց: Մեր մարզիկը 2-րդ ռաունդում նետվեց գրոհի ու մրցակցին շնչելու հնարավորություն չտվեց»,- մենամարտի մանրամասները ներկայացնում է ֆեդերացիան։
Արցախցի Էրիկը 3-րդ ռաունդում ավելացրել է տեմպն ու պարտության մատնել անգլիացուն՝ Հայաստանի համար նվաճելով 2-րդ ոսկին:
Նշվում է, որ Հայաստանը մոտ է նաև թիմային հաշվարկում առաջինը լինելուն:
Հայ մարզիկները ոսկե մեդալներ են նվաճել Սամբոյի Եվրոպայի առաջնությունում
Հավելենք, որ սա այսօր գրանցված արդեն երկրորդ հաղթանակն է։ Ավելի վաղ 46 կգ քաշային կարգում Վաղարշակ Քեյանը հաղթանակ տարավ անգլիացի Ջոն Թոմասի նկատմամբ, որին մասնագետները ֆավորիտ էին համարում։
Այսօր ևս մի մրցելույթ է սպասվում․ ոսկե մեդալի համար կպայքարի 70 կգ քաշային Երանոս Օհանյանը:
Լրահոս
0