ՀՀ նախագահը Վարդենիսում ծանոթացել է ադրբեջանական հրետակոծության հետևանքներին
18:08 05.10.2022 (Թարմացված է: 18:11 05.10.2022)
© Photo : official site of the President of RAՀայաստանի Հանրապետության նախագահ Վահագն Խաչատուրյանը` Գեղարքունիքի մարզի Վարդենիս համայնքոմ
© Photo : official site of the President of RA
Բաժանորդագրվել
Գեղարքունիքի մարզպետը Հայաստանի նախագահին ներկայացրել է Վարդենիս համայնքի հրետակոծության հետևանքները և դրանց վերացմանն ուղղված միջոցառումները:
ԵՐԵՎԱՆ, 5 հոկտեմբերի – Sputnik. Հայաստանի Հանրապետության նախագահ Վահագն Խաչատուրյանն այցելել է Գեղարքունիքի մարզի Վարդենիս համայնք, որտեղ ծանոթացել է Ադրբեջանի զինված ուժերի կողմից Հայաստանի դեմ ագրեսիայի ընթացքում համայնքի հրետակոծության հետևանքներին։ Տեղեկությունը հայտնում է ՀՀ նախագահի մամուլի ծառայությունը։
Գեղարքունիքի մարզպետ Կարեն Սարգսյանը նախագահին է ներկայացրել հրետակոծության հետևանքներիվերացմանն ուղղված միջոցառումները, որոնք իրականացնում են կառավարությունը և մարզային իշխանությունները։
© Photo : official site of the President of RAՀայաստանի Հանրապետության նախագահ Վահագն Խաչատուրյանին Գեղարքունիքի մարզի Վարդենիս համայնքոմ ներկայացնում են ադրբեջանական հրետակոծության հետևանքները
Հայաստանի Հանրապետության նախագահ Վահագն Խաչատուրյանին Գեղարքունիքի մարզի Վարդենիս համայնքոմ ներկայացնում են ադրբեջանական հրետակոծության հետևանքները
© Photo : official site of the President of RA
Վահագն Խաչատուրյանն առաջարկել է առաջնային խնդիրների մասին ավելի հանգամանալից տեղեկություններ ներկայացնել և պատրաստակամություն է հայտնել իր լիազորությունների ու հնարավորությունների սահմաններում աջակցել դրանց լուծմանը:
© Photo : official site of the President of RAՀայաստանի Հանրապետության նախագահ Վահագն Խաչատուրյանը` Գեղարքունիքի մարզի Վարդենիս համայնքոմ
Հայաստանի Հանրապետության նախագահ Վահագն Խաչատուրյանը` Գեղարքունիքի մարզի Վարդենիս համայնքոմ
© Photo : official site of the President of RA
ՀՀ նախագահնաշխատանքային այցի ընթացքում հանդիպել է նաև տեղական ինքնակառավարման մարմինների վարչական ղեկավարներին, ուժային կառույցների ներկայացուցիչներին, ինչպես նաև Գեղարքունիքի մարզում ուսումնավարժական հավաքի մասնակիցներին և ժամկետային զինծառայողներին։
Հիշեցնենք` Ադրբեջանի ԶՈւ ստորաբաժանումները սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:
Սեպտեմբերի 14-ի ժամը 20։00-ից հայ-ադրբեջանական սահմանի երկայնքով հրադադարի ռեժիմ սահմանվեց, որը պարբերաբար խախտում է ադրբեջանական կողմը։
Քննչական կոմիտեն սեպտեմբերի 30-ին հայտնեց, որ ադրբեջանական ագրեսիայի հետևանքով հայկական կողմն ունի 201 զոհ՝ 197 զինծառայող և 4 քաղաքացիական անձ, վիրավորվել է 293 զինծառայող ու 6 քաղաքացիական անձ, գերեվարվել է 20 զինծառայող:
Հոկտեմբերի 4-ին Ադրբեջանը Հայաստանին վերադարձրեց 17 գերիների։