ՄԱԳԱՏԷ-ն փորձում է կենդանացել Իրանի միջուկային ծրագրի համաձայնագիրը. Գրոսի

© Sputnik / Aram NersesyanՌաֆայել Գրոսի
Ռաֆայել Գրոսի - Sputnik Արմենիա, 1920, 05.10.2022
Բաժանորդագրվեք
НовостиTelegram
Գրոսին նշել է, որ Իրանի միջուկային ծրագրի շուրջ գործընթացները կարևոր են ողջ տարածաշրջանի, այդ թվում հարևան Հայաստանի համար:
ԵՐԵՎԱՆ, 5 հոկտեմբերի - Sputnik. ՄԱԳԱՏԷ-ն փորձում է կյանքի կոչել 5+1 երկրների և Իրանի միջուկային ծրագրի համաձայնագիրը։ Այս մասին հայտարարել է ՄԱԳԱՏԷ-ի գլխավոր քարտուղար Ռաֆայել Գրոսին Երևանի պետական համալսարանի ուսանողների հետ հանդիպման ժամանակ:
ՄԱԳԱՏԷ-ի տնօրենը դրական է գնահատում ՀԱԷԿ–ի ծառայության ժամկետը երկարացնելու աշխատանքները
Նա հիշեցրել է, որ ՄԱԿ-ի Անվտանգության խորհրդի մշտական անդամները և Գերմանիան 2016 թվականին համաձայնագիր են ստորագրել Իրանի միջուկային ծրագրի վերահսկողության մասին: 2018 թվականին Դոնալդ Թրամփի վարչակազմը որոշել է դուրս գալ այդ համաձայնագրից։ ԱՄՆ-ի նոր վարչակազմը պատրաստ է աշխատել դրա վրա: Գրոսին հավելել է, որ ՄԱԳԱՏԷ-ն աշխատում է, որ համաձայնագիրը թղթի վրա չմնա, այլ գործի:
ՄԱԳԱՏԷ-ի դերը Իրանի միջուկային օբյեկտներում վերահսկողության առաքելություն իրականացնելն է: Դա թույլ կտա համաձայնագիրը թափանցիկ դարձնել մասնակիցների համար։
«Պարզ ասած` եթե համաձայնագիրը ենթադրում է, որ Իրանը պետք է այսինչ թվից ոչ ավելի ցենտրիֆուգներ ունենա, իսկ ուրանը հարստացվի այսինչ մակարդակից ոչ ավելի, ապա մեր խնդիրն է ցույց տալ, թե արդյոք դա իրոք այդպես է»,-հավելել Է Գրոսին:
Իհարկե, Իրանի միջուկային ծրագրի շուրջ գործընթացները կարևոր են ողջ տարածաշրջանի, այդ թվում նաև հարևան Հայաստանի համար։ Այդ պատճառով, Գրոսիի խոսքով, շատ կարևոր է, որ իրավիճակը չլարվի։
Կռվի ժամանակ միջուկային օբյեկտներին պետք չէ սպառնալ. Գրոսին` Հայկական ԱԷԿ-ի մասին
Հիշեցնենք` ՄԱԳԱՏԷ-ի վերջին հաշվետվության մեջ նշվում է, որ Իրանը շարունակել է ուրան-235-ի հարստացումը մինչև 5 տոկոս 2019-ի հուլիսից, ուրանի հեքսաֆտորիդ-235-ը հարստացնում է մինչև 60 տոկոս 2021թ.-ի ապրիլից։ Այդ գործողությունները չեն համապատասխանում ՄԱԳԱՏԷ-ին 2016թ.-ի հունվարին ներկայացված ծրագրին։
Լրահոս
0