https://arm.sputniknews.ru/20221012/ghrimi-kamrji-pajtjvoni-gvortsvov-dzerbakalvatsneri-mej-hh-qaghaqaci-ka-hajtni-e-patviratun-49639126.html

Ղրիմի կամրջի պայթյունի գործով ձերբակալվածների մեջ ՀՀ քաղաքացի կա, հայտնի է պատվիրատուն

Ղրիմի կամրջի պայթյունի գործով ձերբակալվածների մեջ ՀՀ քաղաքացի կա, հայտնի է պատվիրատուն

Sputnik Արմենիա

Պայթուցիկ բեռը Օդեսայից ուղարկվել է Բուլղարիայի, Վրաստանի ու Հայաստանի տարածքով։ 12.10.2022, Sputnik Արմենիա

2022-10-12T10:07+0400

2022-10-12T10:07+0400

2022-10-12T12:13+0400

ղրիմ

կամուրջ

ահաբեկչություն

պայթյուն

ռուսաստան

https://cdn.am.sputniknews.ru/img/07e6/0a/08/49509259_0:166:1600:1066_1920x0_80_0_0_dfd5c486004a6b24fc8222e84593e36f.jpg

ԵՐԵՎԱՆ, 12 հոկտեմբերի - Sputnik. Ղրիմի կամրջի վրա ահաբեկչության կազմակերպիչը Ուկրաինայի ՊՆ հետախուզության գլխավոր վարչությունն էր, ձերբակալվել են 8 մարդ՝ ՌԴ հինգ քաղաքացի, Ուկրաինայի և Հայաստանի երեք քաղաքացի։ Այս մասին հայտնում է ԱԴԾ–ի հանրային կապերի կենտրոնը։Հակաահաբեկչական ազգային կոմիտեն հայտնել է, որ հոկտեմբերի 8-ի առավոտյան Ղրիմի կամրջի վրա բեռնատար է պայթել, որի հետևանքով երկաթգծի շարժակազմի վառելիքի 8 ցիստեռն է բռնկվել։ Կամրջի երթևեկելի մասի մասնակի փլուզում է տեղի ունեցել։ Հակաահաբեկչական ազգային կոմիտեն նշել է, որ նավարկելի հատվածի կամարը չի վնասվել։ Պայթյունի հետևանքով երեք մարդ է մահացել, ահաբեկչության պատվիրատուն և կատարողը Ուկրաինայի հատուկ ծառայություններն են։«Պարզվել է, որ Ղրիմի կամրջի վրա ահաբեկչության կազմակերպիչը Ուկրաինայի ՊՆ հետախուզության գլխավոր վարչությունն էր, նրա ղեկավար Կիրիլ Բուդանովը, աշխատակիցներն ու հետախուզական ծառայությունը։ Պայթուցիկ սարքը եղել է գլանափաթեթով պատված, ընդհանուր քաշը 22 770 կգ է եղել և ընթացիկ տարվա օգոստոսի սկզբին ուղարկվել է Օդեսայի ծովային նավահանգստից Բուլղարիայի Ռուսե քաղաք «Տրանսլոգիստիկ ՈւԱ» ՍՊԸ–ի և Baltex Capital S.A.–ի միջև (Ռուսե) № 02/08/2022 կնքված պայմանագրի համաձայն», – ասվում է հաղորդագրության մեջ։ԱԴԾ–ի տվյալներով, Երևանում սեպտեմբերի 29-ից հոկտեմբերի 3-ը «Տրանսալյանս» տերմինալում բեռը մաքսազերծվել էր ԵԱՏՄ կանոնների համաձայն և կատարվել էր փաստաթղթերի փոխարինում, որից հետո բեռն ուղարկող էր դարձել արդեն «Գու Ար Ջի գրուպ» ՍՊԸ–ն (Հայաստան, ք. Ալավերդի), իսկ ստացողը` «Լիդեր» ՍՊԸ–ն (ք. Մոսկվա)։Հոկտեմբերի 4-ին Վրաստանում գրանցված DAF բեռնատարով բեռը «Վերին Լարս» անցակետում հատել է ռուս–վրացական սահմանը և հոկտեմբերի 6-ին հասել և բեռնաթափվել է Արմավիրի մեծածախ բազայում։«Հոկտեմբերի 7-ին Սոլոմկոյի, 1987 թվականին ծնված Ուկրաինայի քաղաքացի Վլադիմիր Վասիլիի Զլոբայի և ՌԴ բացահայտված ևս 5 քաղաքացու աջակցմամբ բեռի փաստաթղթերը կրկին փոխարինվել են, ուղարկող կողմ էր նշվել «ՏԷԿ-34» ՍՊԸ–ն (ք. Ուլյանովսկ), իսկ ստացողը` Ղրիմի Հանրապետությունում գոյություն չունեցող մի կազմակերպություն։ Նույն օրը բեռը բարձվել է 1971 թվականին ծնված, ՌԴ քաղաքացի Մահիր Յուսուբովի բեռնատարը, որը մեկնել է Ստավրոպոլ, իսկ 2022 թվականի հոկտեմբերի 8-ին, ժամը 06.03–ին Ղրիմի կամրջով անցնելիս պայթյուն է իրականացվել», – ասվում է հաղորդագրության մեջ։ Ղրիմի կամրջի պայթյունից հետո Կիևն Արևմուտքին խնդրում է ավելի շատ զենք տրամադրելԱԴԾ–ի տվյալներով` բոլոր երթուղիներով բեռի տեղաշարժի վերահսկումն ու մասնակիցների հետ շփումն իրականացնում էր «Իվան Իվանի» անունով ներկայացող Ուկրաինայի ՊՆ հետախուզության գլխավոր վարչության աշխատակիցը, որը համակարգման համար համացանցում գնած անանուն վիրտուալ հեռախոսահամար էր օգտագործում` գրանցված Ուկրաինայի Կրեմենչուգ քաղաքացի բնակիչ Սերգեյ Վլադիմիրի Անդրեյչենկոյի անունով։Ներկա պահին հանցագործության նախապատրաստմանը մասնակցելու համար քրեական գործի շրջանակում ձերբակալվել են ՌԴ 5 քաղաքացի, Ուկրաինայի 2 և Հայաստանի 1 քաղաքացի։

ղրիմ

2022

Լուրեր

am_HY

ղրիմ, կամուրջ, ահաբեկչություն, պայթյուն, ռուսաստան