https://arm.sputniknews.ru/20221024/eghbvor-ynkervojn-azatel-e-kalanqic-aatsn-datakan-volvortum-hancagvortsutjan-depq-e-bacahajtel-50299379.html
Եղբոր ընկերոջն ազատել է կալանքից. ԱԱԾ–ն դատական ոլորտում հանցագործության դեպք է բացահայտել
Եղբոր ընկերոջն ազատել է կալանքից. ԱԱԾ–ն դատական ոլորտում հանցագործության դեպք է բացահայտել
Sputnik Արմենիա
Օրեր առաջ Երևանի ընդհանուր իրավասության դատարանի դատավոր Արուսյակ Ալեքսանյանը, նրա օգնականը և փաստաբան Էրիկ Ալեքսանյանը կալանավորվել են։ 24.10.2022, Sputnik Արմենիա
2022-10-24T14:31+0400
2022-10-24T14:31+0400
2022-10-24T14:47+0400
տեսանյութեր
հհ ազգային անվտանգության ծառայություն. աած
դատավոր
արուսյակ ալեքսանյան
փաստաբան
կալանք
էրիկ ալեքսանյան
https://cdn.am.sputniknews.ru/img/07e6/0a/18/50298513_0:0:1920:1080_1920x0_80_0_0_9d8698fc0e0b377c3ec11e1f6ac8a400.png
ՀՀ ազգային անվտանգության ծառայությունը բացահայտել է պաշտոնեական լիազորությունները չարաշահելու, ապօրինի դատական ակտ կայացնելու դեպքեր, հայտնում է ԱԱԾ մամուլի բաժինը։ՀՀ ԱԱԾ քննչական դեպարտամենտում նախաձեռնված քրեական վարույթով ձեռք են բերվել ապացույցներ, որ Երևան քաղաքի ընդհանուր իրավասության դատարանի պետական պաշտոնատար անձը, տեղեկացված լինելով ՀՀ քննչական կոմիտեում քննվող քրեական վարույթով մեղադրյալ, իր եղբոր հետ մտերիմ հարաբերությունների մեջ գտնվող անձի նկատմամբ կալանքը որպես խափանման միջոց կիրառելու դատարանի որոշման մասին, պատրաստակամություն է հայտնել վերջինի օգտին կատարել ապօրինի գործողություններ` անարդար դատական ակտ կայացնելու միջոցով նրան ազատել կալանքից։Արդյունքում` դատական իշխանություն իրականացնող պետական մարմնի պաշտոնատար անձը, մեղադրյալի հետ անձնական բնույթի միջնորդավորված կապերի առկայությամբ պայմանավորված, իր բացառիկ լիազորություններն օգտագործել է ի վնաս պետական շահերի։ Նա մեղադրյալի նկատմամբ կիրառել է քրեական վարույթի համար հավանական խոչընդոտներ առաջացնող այլընտրանքային խափանման միջոց գրավ և նրան ազատել կալանքից։Իշխանական և ծառայողական լիազորություններն անցնելու, ակնհայտ անարդար դատական ակտ կայացնելու և դրանց հանցակցելու համար մեղադրանքներ են ներկայացվել երեք անձի և նրանց բոլորի նկատմամբ որպես խափանման միջոց է ընտրվել կալանավորումը։Քրեական վարույթով նախաքննությունը շարունակվում է, ձեռնարկվում են վարութային գործողություններ և օպերատիվ-հետախուզական միջոցառումներ դեպքի ամբողջական հանգամանքները բացահայտելու նպատակով։Փաստաբանները գործադուլ կանեն․ վերջիններս դատապարտում են Էրիկ Ալեքսանյանի կալանքըԻնչպես արդեն հայտնել ենք` դատարանի որոշմամբ հոկտեմբերի 19-ին կալանավորվել էր Երևանի ընդհանուր իրավասության դատարանի դատավոր Արուսյակ Ալեքսանյանը։Ավելի վաղ հայտնի էր դարձել, որ դատավոր Արուսյակ Ալեքսանյանին պաշտոնեական լիազորությունները չարաշահելու մեղադրանք է առաջադրվել։Նույն գործի շրջանակներում հոկտեմբերի 21-ին կալանավորվել է նաև փաստաբան Էրիկ Ալեքսանյանը՝ դատավոր Ալեքսանյանին աջակցելու համար:Նույն օրը կալանավորվել է նաև Արուսյակ Ալեքսանյանի օգնականը։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տեսանյութեր, видео, հհ ազգային անվտանգության ծառայություն. աած, դատավոր, արուսյակ ալեքսանյան, փաստաբան, կալանք, էրիկ ալեքսանյան
տեսանյութեր, видео, հհ ազգային անվտանգության ծառայություն. աած, դատավոր, արուսյակ ալեքսանյան, փաստաբան, կալանք, էրիկ ալեքսանյան
Եղբոր ընկերոջն ազատել է կալանքից. ԱԱԾ–ն դատական ոլորտում հանցագործության դեպք է բացահայտել
14:31 24.10.2022 (Թարմացված է: 14:47 24.10.2022) Օրեր առաջ Երևանի ընդհանուր իրավասության դատարանի դատավոր Արուսյակ Ալեքսանյանը, նրա օգնականը և փաստաբան Էրիկ Ալեքսանյանը կալանավորվել են։
ՀՀ ազգային անվտանգության ծառայությունը բացահայտել է պաշտոնեական լիազորությունները չարաշահելու, ապօրինի դատական ակտ կայացնելու դեպքեր, հայտնում է ԱԱԾ մամուլի բաժինը։
ՀՀ ԱԱԾ քննչական դեպարտամենտում նախաձեռնված քրեական վարույթով ձեռք են բերվել ապացույցներ, որ Երևան քաղաքի ընդհանուր իրավասության դատարանի պետական պաշտոնատար անձը, տեղեկացված լինելով ՀՀ քննչական կոմիտեում քննվող քրեական վարույթով մեղադրյալ, իր եղբոր հետ մտերիմ հարաբերությունների մեջ գտնվող անձի նկատմամբ կալանքը որպես խափանման միջոց կիրառելու դատարանի որոշման մասին, պատրաստակամություն է հայտնել վերջինի օգտին կատարել ապօրինի գործողություններ` անարդար դատական ակտ կայացնելու միջոցով նրան ազատել կալանքից։
Իր մտադրությունների իրականացման նպատակով պաշտոնատար անձը որպես հանցակիցներ ներգրավել է նաև դատական իշխանության ոլորտում իշխանական գործառույթներ իրականացնող մեկ այլ պաշտոնատար անձի, ինչպես նաև իր օգնականին և ՀՀ փաստաբանների պալատի փաստաբանին, ովքեր օժանդակել են ենթադրյալ ծանր հանցագործության կատարմանը։
Արդյունքում` դատական իշխանություն իրականացնող պետական մարմնի պաշտոնատար անձը, մեղադրյալի հետ անձնական բնույթի միջնորդավորված կապերի առկայությամբ պայմանավորված, իր բացառիկ լիազորություններն օգտագործել է ի վնաս պետական շահերի։ Նա մեղադրյալի նկատմամբ կիրառել է քրեական վարույթի համար հավանական խոչընդոտներ առաջացնող այլընտրանքային խափանման միջոց գրավ և նրան ազատել կալանքից։
Իշխանական և ծառայողական լիազորություններն անցնելու, ակնհայտ անարդար դատական ակտ կայացնելու և դրանց հանցակցելու համար մեղադրանքներ են ներկայացվել երեք անձի և նրանց բոլորի նկատմամբ որպես խափանման միջոց է ընտրվել կալանավորումը։
Քրեական վարույթով նախաքննությունը շարունակվում է, ձեռնարկվում են վարութային գործողություններ և օպերատիվ-հետախուզական միջոցառումներ դեպքի ամբողջական հանգամանքները բացահայտելու նպատակով։
Ինչպես արդեն հայտնել ենք` դատարանի որոշմամբ հոկտեմբերի 19-ին կալանավորվել էր Երևանի ընդհանուր իրավասության դատարանի դատավոր Արուսյակ Ալեքսանյանը։
Ավելի վաղ հայտնի էր դարձել, որ դատավոր Արուսյակ Ալեքսանյանին պաշտոնեական լիազորությունները չարաշահելու մեղադրանք է առաջադրվել։
Նույն գործի շրջանակներում հոկտեմբերի 21-ին կալանավորվել է նաև փաստաբան Էրիկ Ալեքսանյանը՝ դատավոր Ալեքսանյանին աջակցելու համար:
Նույն օրը կալանավորվել է նաև Արուսյակ Ալեքսանյանի օգնականը։
