https://arm.sputniknews.ru/20221026/tareverjin-petakan-partqy-kkrtshatvi-spasvatsic-aveli-minchev-hna-i-mvot-50--y-khachatrjan-50428890.html
Տարեվերջին պետական պարտքը կկրճատվի սպասվածից ավելի՝ մինչև ՀՆԱ-ի մոտ 50 %-ը. Խաչատրյան
Տարեվերջին պետական պարտքը կկրճատվի սպասվածից ավելի՝ մինչև ՀՆԱ-ի մոտ 50 %-ը. Խաչատրյան
Sputnik Արմենիա
Կանխատեսված ՀՆԱ-ի 60,2 % փոխարեն տարվա արդյունքներով սպասվում է պարտքային բեռի նվազում՝ մինչև մոտ 50 %։ Այնուամենայնիվ, ֆինանսների նախարարությունը ցանկանում է... 26.10.2022, Sputnik Արմենիա
2022-10-26T18:44+0400
2022-10-26T18:44+0400
2022-10-26T18:44+0400
տիգրան խաչատրյան
հհ ֆինանսների նախարարություն
բյուջե
հնա (համախառը ներքին արդյունք)
https://cdn.am.sputniknews.ru/img/07e6/06/02/42752584_0:0:1600:901_1920x0_80_0_0_772a676efa126cc4f36e245e5bc99ecf.jpg
ԵՐԵՎԱՆ, 26 հոկտեմբերի – Sputnik. Տարեվերջին կառավարությունն ակնկալում է ՀՆԱ–ի աճ, որը մոտ է տնտեսական ակտիվության վերջին ցուցանիշին (հունվար–սեպտեմբեր ամիսներին` 14,1 տոկոս)։ ԱԺ–ում կառավարության հետ հարցուպատասխանի ժամանակ այս մասին հայտնեց ՀՀ ֆինանսների նախարար Տիգրան Խաչատրյանը։Նա շեշտեց, որ տարվա ընթացքում տնտեսական իրավիճակը մի քանի անգամ փոփոխվել է, ինչն անդրադարձել է նաև պետական պարտքի վերաբերյալ կանխատեսումների վրա։ Մասնավորապես, 2021 թվականի արդյունքներով կառավարության պարտքի հարաբերակցությունը ՀՆԱ–ի նկատմամբ կազմել է 60,3 %, և 2022-ի վերջին կառավարությունը սահմանել է նպատակային ցուցանիշ՝ 60,2 տոկոս։ Հաշվի առնելով տնտեսական բարդ իրավիճակը՝ միջնաժամկետ հեռանկարում պարտքը ցանկանում էին կրճատել։Հայկական դրամի ամրապնդման հետ մեկտեղ ավելի հեշտացել է արտարժույթով արտահայտված պարտքերի վճարումը, իսկ պարտքի ընդհանուր զամբյուղում դրանք տարեսկզբին կազմում էին մոտ 70 %։ Այժմ դրանց տեսակարար կշիռն արդեն 63 %–ից պակաս է։ Արդյունքում, ըստ ֆինանսների նախարարության սպասումների, մինչև տարեվերջ այն կնվազի մինչև մոտ 50 %։Այնուամենայնիվ, հնարավոր տնտեսական ռիսկերին ավելի լավ պատրաստ լինելու համար ֆինանսների նախարարությունը պատրաստել է «Բյուջետային համակարգի մասին» օրենքում փոփոխությունների նախագիծ, որտեղ առաջարկել է բյուջետային կայունացման ֆոնդի համալրման և կառավարման կարգը: Օրինագիծն արդեն հավանության է արժանացել կառավարությունում և շուտով կներկայացվի խորհրդարան։«Մենք տարբեր սցենարներ ենք մշակում, կախված այն բանից, թե որքան կտևի դրամի արժևորումը։ Արտահաստիքային իրավիճակներ դեռ չեն սպասվում, բայց այդ դեպքի համար մենք պետք է համապատասխան դրամական միջոցներ ունենանք»,– ասաց Խաչատրյանը։ Դոլարի փոխարժեքի անկման շնորհիվ ՀՀ պետական պարտքը 20 տոկոսով նվազել էԿայունացման հաշիվը Հայաստանում բացվել է 2009 թվականին։ Այնտեղ փոխանցվել են հակաճգնաժամային վարկի 500 մլն դոլարի չափով միջոցները, որը ստացվել է Ռուսաստանի կառավարությունից, բայց այն ժամանակ օրենսդրական մակարդակում չեն սահմանվել դրա ծախսման նպատակներն ու դրա չափը։Օրենքում առաջարկվող լրացումների համաձայն՝ այդ հաշվի միջին մնացորդը պետք է կազմի տվյալ տարվա կանխատեսվող ՀՆԱ-ի 1%–ից 2%–ը (հիմք է ընդունվում պետբյուջեում նշված կանխատեսումը)։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տիգրան խաչատրյան, հհ ֆինանսների նախարարություն, բյուջե, հնա (համախառը ներքին արդյունք)
տիգրան խաչատրյան, հհ ֆինանսների նախարարություն, բյուջե, հնա (համախառը ներքին արդյունք)
Տարեվերջին պետական պարտքը կկրճատվի սպասվածից ավելի՝ մինչև ՀՆԱ-ի մոտ 50 %-ը. Խաչատրյան
Կանխատեսված ՀՆԱ-ի 60,2 % փոխարեն տարվա արդյունքներով սպասվում է պարտքային բեռի նվազում՝ մինչև մոտ 50 %։ Այնուամենայնիվ, ֆինանսների նախարարությունը ցանկանում է ապագայի համար անվտանգության բարձիկ ստեղծել։
ԵՐԵՎԱՆ, 26 հոկտեմբերի – Sputnik. Տարեվերջին կառավարությունն ակնկալում է ՀՆԱ–ի աճ, որը մոտ է տնտեսական ակտիվության վերջին ցուցանիշին (հունվար–սեպտեմբեր ամիսներին` 14,1 տոկոս)։ ԱԺ–ում կառավարության հետ հարցուպատասխանի ժամանակ այս մասին հայտնեց ՀՀ ֆինանսների նախարար Տիգրան Խաչատրյանը։
Նա շեշտեց, որ տարվա ընթացքում տնտեսական իրավիճակը մի քանի անգամ փոփոխվել է, ինչն անդրադարձել է նաև պետական պարտքի վերաբերյալ կանխատեսումների վրա։ Մասնավորապես, 2021 թվականի արդյունքներով կառավարության պարտքի հարաբերակցությունը ՀՆԱ–ի նկատմամբ կազմել է 60,3 %, և 2022-ի վերջին կառավարությունը սահմանել է նպատակային ցուցանիշ՝ 60,2 տոկոս։ Հաշվի առնելով տնտեսական բարդ իրավիճակը՝ միջնաժամկետ հեռանկարում պարտքը ցանկանում էին կրճատել։
Նրա խոսքով` տարվա ընթացքում սկսել է արագ աճել տնտեսական ակտիվությունը (հիմնականում Ռուսաստանի, ինչպես նաև Բելառուսի և Ուկրաինայի քաղաքացիների մեծ հոսքի արդյունքում– խմբ.)։ Նման պայմաններում կառավարությունը նվազեցրել է պետական պարտքի կանխատեսվող մակարդակը առավելագույնը մինչև 60 %։
Հայկական դրամի ամրապնդման հետ մեկտեղ ավելի հեշտացել է արտարժույթով արտահայտված պարտքերի վճարումը, իսկ պարտքի ընդհանուր զամբյուղում դրանք տարեսկզբին կազմում էին մոտ 70 %։ Այժմ դրանց տեսակարար կշիռն արդեն 63 %–ից պակաս է։ Արդյունքում, ըստ ֆինանսների նախարարության սպասումների, մինչև տարեվերջ այն կնվազի մինչև մոտ 50 %։
Այնուամենայնիվ, հնարավոր տնտեսական ռիսկերին ավելի լավ պատրաստ լինելու համար ֆինանսների նախարարությունը պատրաստել է «Բյուջետային համակարգի մասին» օրենքում փոփոխությունների նախագիծ, որտեղ առաջարկել է բյուջետային կայունացման ֆոնդի համալրման և կառավարման կարգը: Օրինագիծն արդեն հավանության է արժանացել կառավարությունում և շուտով կներկայացվի խորհրդարան։
«Մենք տարբեր սցենարներ ենք մշակում, կախված այն բանից, թե որքան կտևի դրամի արժևորումը։ Արտահաստիքային իրավիճակներ դեռ չեն սպասվում, բայց այդ դեպքի համար մենք պետք է համապատասխան դրամական միջոցներ ունենանք»,– ասաց Խաչատրյանը։
Կայունացման հաշիվը Հայաստանում բացվել է 2009 թվականին։ Այնտեղ փոխանցվել են հակաճգնաժամային վարկի 500 մլն դոլարի չափով միջոցները, որը ստացվել է Ռուսաստանի կառավարությունից, բայց այն ժամանակ օրենսդրական մակարդակում չեն սահմանվել դրա ծախսման նպատակներն ու դրա չափը։
Օրենքում առաջարկվող լրացումների համաձայն՝ այդ հաշվի միջին մնացորդը պետք է կազմի տվյալ տարվա կանխատեսվող ՀՆԱ-ի 1%–ից 2%–ը (հիմք է ընդունվում պետբյուջեում նշված կանխատեսումը)։
