В районе Сотка после обстрела возник пожар - Sputnik Արմենիա, 1920, 13.09.2022
Ադրբեջանի ագրեսիան Հայաստանի դեմ

Ադրբեջանը հայկական կողմին է փոխանցել 10 զինծառայողի մարմին

Դիերի հանձնում - Sputnik Արմենիա, 1920, 27.10.2022
Դիերի հանձնում. Արխիվային լուսանկար
Բաժանորդագրվեք
НовостиTelegram
ԵՐԵՎԱՆ, 27 հոկտեմբերի - Sputnik. Ադրբեջանը հայկական կողմին է փոխանցել 10 զինծառայողի մարմին։ Տեղեկությունը Sputnik Արմենիային հայտնեց ՀՀ Պն մամուլի խոսնակ Արամ Թորոսյանը։
Հավելյալ տեղեկությունները Թորոսյանը չհայտնեց` նշելով, որ դրանք պարզ կլինեն մարմինների փորձաքննությունից հետո միայն։
Ավելի վաղ որոշ Տելեգրամ-ալիքներում տեղեկություններ էին հայտնվել, որ դիերը փոխանցվել են ռուսական խաղաղապահ զորախմբի աջակցությամբ, Շուշիում, և նրանք սեպտեմբերի 12-13-ին ադրբեջանական զինված ուժերի սանձազերծած ագրեսիայի հետևանքով զոհված զինծառայողներ են։
Նշենք, որ վերջին անգամ սեպտեմբերի 23–ին է Ադրբեջանը Հայաստանին հանձնել 6 հայ զինծառայողի դի։
Իսկ հոկտեմբերի 4-ին Ադրբեջանը Հայաստանին էր վերադարձրել 17 գերիների։
Հիշեցնենք` Ադրբեջանի ԶՈւ ստորաբաժանումները սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:
Սեպտեմբերի 14-ի ժամը 20։00-ից հայ-ադրբեջանական սահմանի երկայնքով հրադադարի ռեժիմ սահմանվեց, որը պարբերաբար խախտում է ադրբեջանական կողմը։
Քննչական կոմիտեն սեպտեմբերի 30-ին հայտնեց, որ ադրբեջանական ագրեսիայի հետևանքով հայկական կողմն ունի 201 զոհ՝ 197 զինծառայող և 4 քաղաքացիական անձ, վիրավորվել է 293 զինծառայող ու 6 քաղաքացիական անձ, գերեվարվել է 20 զինծառայող:
Լրահոս
0