Հայաստան տեղափոխված ՌԴ քաղաքացիներն իրենց հետ 1.7 մլրդ դոլար են բերել

© Sputnik / Andranik GhazaryanԲանկոմատ
Բանկոմատ - Sputnik Արմենիա, 1920, 01.11.2022
Բանկոմատ
Բաժանորդագրվեք
НовостиTelegram
Գումարը Հայաստան է փոխանցվել բանկային փոխանցումների ձևով ու գրեթե ամբողջությամբ Ռուսաստանից։
ԵՐԵՎԱՆ, 1 նոյեմբերի – Sputnik. 2022թ-ի 9 ամիսների ընթացքում Հայաստան է փոխանցվել 1.7 մլրդ դոլար։ Այս մասին ԿԲ–ում կայացած ասուլիսի ընթացքում լրագրողներին հայտնեց մակրոտնտեսական դեպարտամենտի տնօրեն Արմեն Նուրբեկյանը։
«Սա շատ բարձր թիվ է։ Նախորդ տարվա նույն ժամանակահատվածի համեմատ 155 տոկոսով ավելի է»,– ասաց նա։
Հրապարակված ամբողջ գումարը Հայաստան է փոխանցվել բանկային փոխանցումների ձևով ու գրեթե ամբողջությամբ Ռուսաստանից։
ԿԲ նախագահի դիտարկմամբ` փոխանցումների նման աճը պայմանավորած է ոչ թե ՌԴ–ում աշխատող հայաստանցի միգրանտներով, այլ ժամանակավորապես ՀՀ տեղափոխված ռուսաստանցիներով։
«Աճի մեծ մասը հիմնականում միջազգային այցելուների կողմից իրենց ֆինանսական միջոցները ՌԴ–ից կամ այլ երկրներից Հայաստան տեղափոխելու հետ է կապված»,– ասաց Մարտին Գալստյանը։
Թե փոխանցումների որ տեսակն է հատկապես աճել` առևտրային, թե անձնական, ԿԲ–ում դժվարանում են տարանջատել։ Բայց որոշ ուսումնասիրությունների վրա հիմնվելով` եկել են այն եզրակացության, որ 1.9 մլրդ դոլարի գերակշիռ մասը հենց առևտրային փոխանցումներն են։
Հայաստանը զերծ է մնում սանկցիաների տակ ընկած անձանց հետ համագործակցելուց. Գալստյան
Լրահոս
0