Էստաֆետը միշտ պետք է փոխանցվի այլ անձի․ Հրաչյա Սարգսյանը՝ Տիգրան Ավինյանի մասին

© Sputnik / Aram NersesyanՀրաչյա Սարգսյան
Հրաչյա Սարգսյան - Sputnik Արմենիա, 1920, 07.11.2022
Հրաչյա Սարգսյան
Բաժանորդագրվեք
НовостиTelegram
Հրաչյա Սարգսյանը դեռ չի որոշել, թե ինչ է անելու քաղաքապետի ընտրություններից հետո։
ԵՐԵՎԱՆ, 7 նոյեմբերի – Sputnik. Երևանի քաղաքապետ Հրաչյա Սարգսյանը վստահեցնում է, որ բոլոր որոշումներն ինքն է կայացնում և որևէ խնդիր չի տեսնում, որ Տիգրան Ավինյանն է «Քաղաքացիական պայմանագիր» կուսակցության քաղաքապետի թեկնածուն։
«Մենք որոշում ունենք, որ քաղաքապետի թեկնածուն Տիգրան Ավինյանն է լինելու։ Այդ որոշմամբ շարժվում ենք առաջ, ոչ մի խնդիր չկա։ Ցանկացած դեպքում էստաֆետը միշտ պետք է փոխանցվի այլ անձի»,- լրագրողների հետ ճեպազրույցում ասաց Սարգսյանը։
Լրագրի հարցին, թե արդյոք վատ չի զգում, որ բոլոր որոշումներն Ավինյանն է կայացնում, քաղաքապետը խոստացավ հարցին պատասխանել, եթե լրագրողը մատնանշի, թե Ավինյանն ինչ որոշումներ է կայացրել։
«Մեկ տարի է նույն տրամաբանության շրջանակներում այդ հարցը տալիս եք։ Եթե ձեր տրամաբանությամբ պարոն Ավինյանը զանգահարում է ինձ ու ասում, թե այս որոշումն այսպես պետք է կայացնենք, սխալվում եք։ Ես վստահեցնում եմ, որ բոլոր որոշումները կայացվում են իմ կողմից»,- ասաց Սարգսյանը։
Նա նշեց, որ բոլոր տեղակաների, վարչության պետերի հետ էլ տարբեր հարցեր քննարկում է ու վերջնական որոշում կայացնում։
Սարգսյանը դեռ չի որոշել, թե ինչ է անելու քաղաքապետի ընտրություններից հետո։
Նշենք, որ Երևանի ավագանու ընտրությունները նախատեսված են 2023 թվականին։ «Քաղաքացիական պայմանագիր» կուսակցությունը մարտի 31-ին հայտարարեց, որ Երևանի ավագանու ընտրություններում առաջադրելու է Տիգրան Ավինյանի թեկնածությունը։ Սեպտեմբերի 23-ին նա Երևանի փոխքաղաքապետ ընտրվեց։
Ընտրություններին կմասնակցեն նաև գործարար Տիգրան Արզաքանցյանի կինը՝ ազգությամբ ռուս Նատալյա Ռոտենբերգը, որը վերջերս է Հայաստանի քաղաքացիություն ստացել, երգիչ Ռուբեն Հախվերդյանը և «Լույս» խմբակցության ղեկավար Դավիթ Խաժակյանը։
Քաղաքապետի պաշտոնի համար կպայքարի նաև «Ազգային առաջընթաց» կուսակցությունը, որի ցուցակը կգլխավորի վարչության անդամ Հայկ Գրիգորյանը։
ԱԺ նախկին պատգամավոր, ԱԱԾ նախկին ղեկավար, «Հայրենիք» կուսակցության նախագահ Արթուր Վանեցյանը չի բացառել, որ կառաջադրի իր թեկնածությունը Երևանի քաղաքապետի ընտրություններում։
Լրահոս
0