https://arm.sputniknews.ru/20221110/rdi-hamar-aveli-lav-e-vor-teghapvokhvatsnery-himnven-hajastanum-ajl-voch-errvord-erkrnerum-51117373.html
ՌԴ–ի համար ավելի լավ է, որ տեղափոխվածները հիմնվեն Հայաստանում, այլ ոչ երրորդ երկրներում
ՌԴ–ի համար ավելի լավ է, որ տեղափոխվածները հիմնվեն Հայաստանում, այլ ոչ երրորդ երկրներում
Sputnik Արմենիա
Թե որքան Հայաստան տեղափոխված ռուսական բիզնեսն այստեղ կմնա, Անդրեյ Ռուսակովի կարծիքով, մեծամասամբ կախված կլինի ՀՀ կառավարության ձեռնարկած միջոցներից։ 10.11.2022, Sputnik Արմենիա
2022-11-10T15:22+0400
2022-11-10T15:22+0400
2022-11-10T16:42+0400
հայաստան
ռուսաստան
միգրացիա
տնտեսություն
https://cdn.am.sputniknews.ru/img/07e6/0b/0a/51114168_0:0:1600:901_1920x0_80_0_0_11e7eb2782715f294f29b1f377c1949b.jpg
ԵՐԵՎԱՆ, 10 նոյեմբերի – Sputnik. Հայաստան ռուսական բիզնեսի տեղափոխումը զգալի ներդրում ունի հանրապետության ՀՆԱ–ի աճի հարցում, սակայն կարևոր է պայմաններ ստեղծել երկարաժամկետ հիմքով աշխատող տեղական ձեռնարկությունների բացման համար։ Այս մասին Sputnik Արմենիա մուլտիմեդիոն մամուլի կենտրոնում հրավիրված ճեպազրույցի ժամանակ հայտարարեց տնտեսագետ, Եվրոպա–ասիական հետազոտությունների կենտրոնի (ք. Եկատերինբուրգ) տնօրեն Անդրեյ Ռուսակովը։Տնտեսական ազդեցության և հնարավոր ռիսկերի մասին հարցին ի պատասխան Ռուսակովն ընդգծեց, որ ռիսկեր, իհարկե, կան, քանի որ այդ գումարները կարող են մնալ զուտ որպես ներհոսք և արժեք չստեղծել, լինել սպառման, այլ ոչ թե ներդրումների տարր։Նրա խոսքով, եթե արժեքի վերափոխվելը հաջողվի, ապա դա կնպաստի նաև Ռուսաստանի բարօրությանը, քանի որ այն լինելու է վերջնարդյունքի շահառուն, ինչը շատ կարևոր է արևմտյան պատժամիջոցների պայմաններում։ Բացի այդ, երկու երկրները գտնվում են մեկ մաքսային տարածքում, այդ իսկ պատճառով Ռուսաստանի համար բավական անցանկալի է, որ Հայաստան տեղափոխված իր գործարար քաղաքացիներն այնուհետև երրորդ երկրներ մեկնեն։«Սակայն հասկանալի է, որ կան հարցեր՝ կապված ազգային օրենսդրության, բիզնես վարելու պայմանների գրավչության հետ։ Բոլոր այդ հարցերը պետք է լուծի Հայաստանի իշխանությունը», – հավելեց Ռուսակովը։ Իրանի և ԵԱՏՄ–ի միջև ազատ առևտրի գոտին բարձրացնում է ՀՀ դերը որպես տարանցիկ երկիր. ՌուսակովՀիշեցնենք, որ Ուկրաինայում ՌԴ հատուկ գործողությունների մեկնարկից հետո ՌԴ–ի մի քանի տասնյակ հազար, ինչպես նաև ավելի քիչ՝ Ուկրաինայի և Բելառուսի բնակիչ է ժամանել Հայաստան։ Հիմնականում նրանք ՏՏ և ֆինանսների ոլորտի ներկայացուցիչներ են։ Հստակ հաշվարկել ժամանածների թիվը դժվար է (քանի որ շատերը Հայաստանն օգտագործում են որպես ժամանակավոր երկիր և մի մասը կամ վերադառնում է, կամ տեղափոխվում այլ երկրներ)։Հայաստանի միգրացիոն ծառայության տվյալներով` 2022 թվականի առաջին կիսամյակում Հայաստան է ժամանել ՌԴ 372 086 քաղաքացի, որոնցից 331 306–ը լքել են երկրի տարածքը։ Հայաստան ևս մեկ միգրացիոն ալիք է եղել այս տարվա սեպտեմբեր-հոկտեմբերին, սակայն հստակ տվյալներ, թե որքան մարդ է որոշել երկարատև մնալ մեր երկրում, դեռ չկան։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ռուսաստան, միգրացիա, տնտեսություն
հայաստան, ռուսաստան, միգրացիա, տնտեսություն
ՌԴ–ի համար ավելի լավ է, որ տեղափոխվածները հիմնվեն Հայաստանում, այլ ոչ երրորդ երկրներում
15:22 10.11.2022 (Թարմացված է: 16:42 10.11.2022) Թե որքան Հայաստան տեղափոխված ռուսական բիզնեսն այստեղ կմնա, Անդրեյ Ռուսակովի կարծիքով, մեծամասամբ կախված կլինի ՀՀ կառավարության ձեռնարկած միջոցներից։
ԵՐԵՎԱՆ, 10 նոյեմբերի – Sputnik. Հայաստան ռուսական բիզնեսի տեղափոխումը զգալի ներդրում ունի հանրապետության ՀՆԱ–ի աճի հարցում, սակայն կարևոր է պայմաններ ստեղծել երկարաժամկետ հիմքով աշխատող տեղական ձեռնարկությունների բացման համար։ Այս մասին
Sputnik Արմենիա մուլտիմեդիոն մամուլի կենտրոնում հրավիրված ճեպազրույցի ժամանակ հայտարարեց տնտեսագետ, Եվրոպա–ասիական հետազոտությունների կենտրոնի (ք. Եկատերինբուրգ) տնօրեն Անդրեյ Ռուսակովը։
Տնտեսական ազդեցության և հնարավոր ռիսկերի մասին հարցին ի պատասխան Ռուսակովն ընդգծեց, որ ռիսկեր, իհարկե, կան, քանի որ այդ գումարները կարող են մնալ զուտ որպես ներհոսք և արժեք չստեղծել, լինել սպառման, այլ ոչ թե ներդրումների տարր։
«Սակայն այստեղ մեծ է հայ քաղաքական գործիչների, ղեկավարների դերը։ Ինչպես հայտնի է, կան բիզնեսի տեսակներ, որոնք Հայաստան են տեղափոխվել, քանի որ Ռուսաստանում դրանք արևմտյան պատժամիջոցների պատճառով աշխատելու հնարավորություն չունեն։ Դրանք լավ գործարարներ են, որոնք աշխատել են ՌԴ տնտեսության բարօրության համար, կարողացել են լավ բիզնես–մոդելներ մշակել, կայուն դրամական հոսք գեներացնելով, և դա իհարկե, կլինի ի շահ ՀՀ տնտեսության», – ասաց տնտեսագետը։
Նրա խոսքով, եթե արժեքի վերափոխվելը հաջողվի, ապա դա կնպաստի նաև Ռուսաստանի բարօրությանը, քանի որ այն լինելու է վերջնարդյունքի շահառուն, ինչը շատ կարևոր է արևմտյան պատժամիջոցների պայմաններում։ Բացի այդ, երկու երկրները գտնվում են մեկ մաքսային տարածքում, այդ իսկ պատճառով Ռուսաստանի համար բավական անցանկալի է, որ Հայաստան տեղափոխված իր գործարար քաղաքացիներն այնուհետև երրորդ երկրներ մեկնեն։
«Սակայն հասկանալի է, որ կան հարցեր՝ կապված ազգային օրենսդրության, բիզնես վարելու պայմանների գրավչության հետ։ Բոլոր այդ հարցերը պետք է լուծի Հայաստանի իշխանությունը», – հավելեց Ռուսակովը։
Հիշեցնենք, որ Ուկրաինայում ՌԴ հատուկ գործողությունների մեկնարկից հետո ՌԴ–ի մի քանի տասնյակ հազար, ինչպես նաև ավելի քիչ՝ Ուկրաինայի և Բելառուսի բնակիչ է ժամանել Հայաստան։ Հիմնականում նրանք ՏՏ և ֆինանսների ոլորտի ներկայացուցիչներ են։ Հստակ հաշվարկել ժամանածների թիվը դժվար է (քանի որ շատերը Հայաստանն օգտագործում են որպես ժամանակավոր երկիր և մի մասը կամ վերադառնում է, կամ տեղափոխվում այլ երկրներ)։
Հայաստանի միգրացիոն ծառայության տվյալներով` 2022 թվականի առաջին կիսամյակում Հայաստան է ժամանել ՌԴ 372 086 քաղաքացի, որոնցից 331 306–ը լքել են երկրի տարածքը։ Հայաստան ևս մեկ միգրացիոն ալիք է եղել այս տարվա սեպտեմբեր-հոկտեմբերին, սակայն հստակ տվյալներ, թե որքան մարդ է որոշել երկարատև մնալ մեր երկրում, դեռ չկան։
