https://arm.sputniknews.ru/20221112/kriptvoarzhujti-bvorsan-mek-orum-662-mln-dvolar-e-kvorcrel-khvorhrdavvor-hangamanqnerum-51226699.html
Կրիպտոարժույթի բորսան մեկ օրում 662 մլն դոլար է կորցրել խորհրդավոր հանգամանքներում
Կրիպտոարժույթի բորսան մեկ օրում 662 մլն դոլար է կորցրել խորհրդավոր հանգամանքներում
Sputnik Արմենիա
Բորսայի իրավական խորհրդատու Ռայն Միլլերը միջոցների «շարժը» անոմալ երևույթ է անվանել։ 12.11.2022, Sputnik Արմենիա
2022-11-12T18:35+0400
2022-11-12T18:35+0400
2022-11-12T18:37+0400
բորսա
կրիպտոարժույթ
https://cdn.am.sputniknews.ru/img/07e8/03/08/73187872_0:84:1600:984_1920x0_80_0_0_016824ef48f3269e552e97cce76cb8cd.jpg
ԵՐԵՎԱՆ, 12 նոյեմբերի – Sputnik. FTX կրիպտոարժութային բորսան, որն նոյեմբերի 11-ին սնանկության հայց է ներկայացրել, մեկ օրում 662 մլն դոլար է կորցրել խորհրդավոր հանգամանքներում։ Տեղեկությունը հայտնում է Bloomberg-ը:FTX-ը սնանկության դիմում է ներկայացրել դատարան և հայտնել, որ ընկերության գլխավոր տնօրեն Սեմ Բենքման-Ֆրիդը լքում է պաշտոնը:Բորսայի իրավական խորհրդատու Ռայն Միլլերը դրամապանակներից միջոցների «շարժը» անոմալ երևույթ է անվանել։ Նրա խոսքով` FTX-ը սկսել է թվային ակտիվները տեղափոխել ինտերնետին չմիացված դրամապանակներ, որպեսզի նվազեցնի չթույլատրված գործարքների վնասը։Ըստ Nansen վերլուծական ընկերության, որին հղում է անում գործակալությունը, 662 միլիոն դոլարի արտահոսք է գրանցվել FTX–ի միջազգային և ամերիկյան բորսաներից:«Հասկանալի չէ, թե կոնկրետ ով է կատարում գործարքները»,-մեջբերում է գործակալությունը Nansen-ի գործադիր տնօրեն Ալեքս Սվանևիկի ասածը։Նախորդ շաբաթվա վերջին Binance խոշորագույն կրիպտոբորսայի ղեկավար Չանպեն Չժաոն հայտարարեց, որ FTX Binance-ը նախատեսում է մի քանի ամսվա ընթացքում վաճառել FTX-ի թողարկած թոքենները: Վաճառքի ծավալը գնահատվել է 500 մլն դոլար։ Դրանից հետո կրիպտոշուկայում լիկվիդայնության ճգնաժամ սկսվեց. ներդրողները սկսեցին դուրս բերել իրենց միջոցները։Այնուհետև Binance-ը FTX-ը ամբողջությամբ գնելու մտադրության մասին ոչ պարտավորեցնող նամակ ստորագրեց։Ավելի ուշ Binance-ը հայտարարեց, որ հրաժարվում է կլանումից։ Այդ պահին բիթքոինի փոխարժեքն անմիջապես ընկավ` հասնելով 15,6 հազար դոլարի նշագծին։ Ուրբաթ օրը, նախքան FTX-ի սնանկության մասին հաղորդագրության հրապարակումը, բիթքոինը Binance-ում փոքր-ինչ թանկացավ, իսկ Մոսկվայի ժամանակով 19:04-ի դրությամբ այդ արժույթն էժանացավ 5,6%-ով` հասնելով 16,7 հազար դոլարի։Ռուսաստանցի հայ գործարարն ուզում է բացել առցանց խանութ, որտեղ կվճարեն կրիպտոարժույթով
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
բորսա, կրիպտոարժույթ
Կրիպտոարժույթի բորսան մեկ օրում 662 մլն դոլար է կորցրել խորհրդավոր հանգամանքներում
18:35 12.11.2022 (Թարմացված է: 18:37 12.11.2022) Բորսայի իրավական խորհրդատու Ռայն Միլլերը միջոցների «շարժը» անոմալ երևույթ է անվանել։
ԵՐԵՎԱՆ, 12 նոյեմբերի – Sputnik. FTX կրիպտոարժութային բորսան, որն նոյեմբերի 11-ին սնանկության հայց է ներկայացրել, մեկ օրում 662 մլն դոլար է կորցրել խորհրդավոր հանգամանքներում։ Տեղեկությունը հայտնում է
Bloomberg-ը:
FTX-ը սնանկության դիմում է ներկայացրել դատարան և հայտնել, որ ընկերության գլխավոր տնօրեն Սեմ Բենքման-Ֆրիդը լքում է պաշտոնը:
«Սեմ Բենքման-Ֆրիդի FTX թվային ակտիվների սնանկացած բորսան վերջին 24 ժամվա ընթացքում բախվել է շուրջ 662 միլիոն դոլար արժողությամբ թոքենների խորհրդավոր արտահոսքի, ինչը կրիպտոարդյունաբերության ամենամութ ժամանակաշրջաններից մեկի վերջին շրջադարձն է դարձել», - ասվում է գործակալության հաղորդագրության մեջ:
Բորսայի իրավական խորհրդատու Ռայն Միլլերը դրամապանակներից միջոցների «շարժը» անոմալ երևույթ է անվանել։ Նրա խոսքով` FTX-ը սկսել է թվային ակտիվները տեղափոխել ինտերնետին չմիացված դրամապանակներ, որպեսզի նվազեցնի չթույլատրված գործարքների վնասը։
Ըստ Nansen վերլուծական ընկերության, որին հղում է անում գործակալությունը, 662 միլիոն դոլարի արտահոսք է գրանցվել FTX–ի միջազգային և ամերիկյան բորսաներից:
«Հասկանալի չէ, թե կոնկրետ ով է կատարում գործարքները»,-մեջբերում է գործակալությունը Nansen-ի գործադիր տնօրեն Ալեքս Սվանևիկի ասածը։
Նախորդ շաբաթվա վերջին Binance խոշորագույն կրիպտոբորսայի ղեկավար Չանպեն Չժաոն հայտարարեց, որ FTX Binance-ը նախատեսում է մի քանի ամսվա ընթացքում վաճառել FTX-ի թողարկած թոքենները: Վաճառքի ծավալը գնահատվել է 500 մլն դոլար։ Դրանից հետո կրիպտոշուկայում լիկվիդայնության ճգնաժամ սկսվեց. ներդրողները սկսեցին դուրս բերել իրենց միջոցները։
Այնուհետև Binance-ը FTX-ը ամբողջությամբ գնելու մտադրության մասին ոչ պարտավորեցնող նամակ ստորագրեց։
Ավելի ուշ Binance-ը հայտարարեց, որ հրաժարվում է կլանումից։ Այդ պահին բիթքոինի փոխարժեքն անմիջապես ընկավ` հասնելով 15,6 հազար դոլարի նշագծին։ Ուրբաթ օրը, նախքան FTX-ի սնանկության մասին հաղորդագրության հրապարակումը, բիթքոինը Binance-ում փոքր-ինչ թանկացավ, իսկ Մոսկվայի ժամանակով 19:04-ի դրությամբ այդ արժույթն էժանացավ 5,6%-ով` հասնելով 16,7 հազար դոլարի։
