https://armeniasputnik.am/20221112/nvor-mitum-hajastani-ansharzh-gujqi-shukajum-mardik-sksel-en-nvirel-irenc-tnery-51215052.html
Նոր միտում Հայաստանի անշարժ գույքի շուկայում. մարդիկ սկսել են նվիրել իրենց տները
Նոր միտում Հայաստանի անշարժ գույքի շուկայում. մարդիկ սկսել են նվիրել իրենց տները
«Անշարժ գույքի բորսա» ընկերության ղեկավար Արտյոմ Պրիբիլսկին նվիրատվությունների կտրուկ աճը կապում է 2022թ–ի հուլիսի 1-ից ուժի մեջ մտած «Անկանխիկ... 12.11.2022, Sputnik Արմենիա
2022-11-12T22:02+0400
2022-11-12T22:02+0400
2022-11-12T22:02+0400
հայաստան
բնակարան
անշարժ գույք
գործարք
արտյոմ պրիբիլսկի
վիճակագրություն
/html/head/meta[@name='og:title']/@content
/html/head/meta[@name='og:description']/@content
https://cdnn1.img.armeniasputnik.am/img/07e6/0b/05/50906834_0:109:1600:1009_1920x0_80_0_0_8a5006f5528cedd5dd1640ef93f2fc65.jpg
ԵՐԵՎԱՆ, 12 նոյեմբերի – Sputnik, Նելլի Դանիելյան. Հայաստանի անշարժ գույքի շուկայում նոր միտում է նկատվում. մարդիկ սկսել են իրենց գույքն ավելի շատ նվիրել, քան վաճառել։Պաշտոնական վիճակագրության համաձայն` 2022թ–ի երրորդ եռամսյակում երկրորդ եռամսյակի համեմատ ՀՀ–ում անշարժ գույքի առուվաճառքի գործարքները 11.1 տոկոսով նվազել են, նվիրատվությունները` 12.5 տոկոսով ավելացել։ Եթե ապրիլ–հունիսին Հայաստանում նվիրատվության 4714 գործարք էր գրանցվել, ապա հուլիս–սեպտեմբերին դրանց թիվը 52.6 տոկոսով ավելացել է` հասնելով 7193–ի։«Անշարժ գույքի բորսա» ընկերության ղեկավար Արտյոմ Պրիբիլսկին նվիրատվությունների նման կտրուկ աճը կապում է 2022թ–ի հուլիսից ուժի մեջ մտած «Անկանխիկ գործառնությունների մասին» նոր օրենքի հետ, որի համաձայն` հուլիսի 1-ից ՀՀ–ում 300 000 դրամը գերազանցող բոլոր գործարքները պետք է իրականացվեն բացառապես անկանխիկ եղանակով` բանկային փոխանցմամբ։Անշարժ գույքի առուվաճառքի գործարքը չգրանցելու հիմնական պատճառը, Պրիբիլսկիի դիտարկմամբ, ոչ թե այն թաքցնելն է պետությունից, այլ փոխարժեքի մեջ գումար չկորցնելու մտայնությունը։ Բանն այն է, որ, եթե բնակարան վաճառողը ցանկանա իրեն դրամով փոխանցած գումարը դոլարի վերածել, բավական մեծ գումար կկորցնի, քանի որ դոլարի առուվաճառքի արժեքի տարբերությունը 7-10 դրամ է։Պրիբիլսկին չի բացառում, որ դրամի ամրացմանը զուգահեռ դրամային գործարքների թիվն աստիճանաբար կավելանա, և մարդիկ ստիպված չեն լինի վաճառքի փոխարեն նվիրատվության գործարք գրանցել։Մյուս կողմից հնարավոր է, որ նվիրատվությունների աճի այս տարօրինակ վիճակագրությունը չվրիպի նաև պետության ուշադրությունից։ Մեր զրուցակիցը չի բացառում, որ առաջիկայում պետությունը սկսի ավելի մեծ ուշադրություն դարձնել նվիրատուների շարժառիթի, կողմերի միջև ազգակցական կապերի բացակայության հանգամանքի վրա։ Մանավանդ որ ՀՀ կառավարությունը հետևողականորեն վարում է անկանխիկ գործառնությունների խթանման քաղաքականություն, և տնտեսությանն էլ ներկա պահին ձեռնտու է ամուր դրամ ունենալը։Պետական գույքի տնօրինման մեր նախընտրելի սցենարը մասնավորեցումն է. Առնակ ԱվետիսյանԻնչ վերաբերում է հայաստանյան անշարժ գույքի շուկայի ներկա վիճակին, մեր զրուցակիցը նշեց, որ ռելոկանտների ներհոսքով պայմանավորված լարվածությունն այսօր էլ պահպանվում է. պահանջարկը մնում է բարձր, գներն էլ, թեև որոշ չափով կայունացել են, բայց ՀՀ–ի համար անսովոր բարձր մակարդակի վրա։ Պրիբիլսկին նկատում է, որ բնակարանների գները շատ ավելի արագ են աճել Երևանի արվարձաններում ու նույնիսկ հարակից մարզերում, օրինակ` Կոտայքի մարզում, քան Կենտրոնում։Բայց մասնագետը դժվարանում է կանխատեսել, թե երբ ու որքանով կարող են նվազել բնակարանների վաճառքի և վարձակալության գները։Նշենք, որ 2022թ–ի հունվար–սեպտեմբեր ամիսներին, պաշտոնական վիճակագրության համաձայն, Հայաստանում անշարժ գույքի առուվաճառքի 39 928 գործարք է գրանցվել, որից 13 434–ը` Երևանում, 7905–ը` Կոտայքի մարզում։ Հատկանշական է, որ պաշտոնական վիճակագրությունը 2021թ–ի նույն ժամանակահատվածի ցուցանիշներից գրեթե չի տարբերվում։ 2021թ–ի հունվար–սեպտեմբեր ամիսներին Հայաստանում անշարժ գույքի առուվաճառքի 39 928 գործարք էր գրանցվել, որից 12 430–ը` Երևանում, 7445-ը` Կոտայքի մարզում։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, բնակարան, անշարժ գույք, գործարք, արտյոմ պրիբիլսկի, վիճակագրություն
հայաստան, բնակարան, անշարժ գույք, գործարք, արտյոմ պրիբիլսկի, վիճակագրություն
Նոր միտում Հայաստանի անշարժ գույքի շուկայում. մարդիկ սկսել են նվիրել իրենց տները
«Անշարժ գույքի բորսա» ընկերության ղեկավար Արտյոմ Պրիբիլսկին նվիրատվությունների կտրուկ աճը կապում է 2022թ–ի հուլիսի 1-ից ուժի մեջ մտած «Անկանխիկ գործառնությունների մասին» նոր օրենքի հետ։
ԵՐԵՎԱՆ, 12 նոյեմբերի – Sputnik, Նելլի Դանիելյան. Հայաստանի անշարժ գույքի շուկայում նոր միտում է նկատվում. մարդիկ սկսել են իրենց գույքն ավելի շատ նվիրել, քան վաճառել։
Պաշտոնական վիճակագրության համաձայն` 2022թ–ի երրորդ եռամսյակում երկրորդ եռամսյակի համեմատ ՀՀ–ում անշարժ գույքի առուվաճառքի գործարքները 11.1 տոկոսով նվազել են, նվիրատվությունները` 12.5 տոկոսով ավելացել։ Եթե ապրիլ–հունիսին Հայաստանում նվիրատվության 4714 գործարք էր գրանցվել, ապա հուլիս–սեպտեմբերին դրանց թիվը 52.6 տոկոսով ավելացել է` հասնելով 7193–ի։
«Անշարժ գույքի բորսա» ընկերության ղեկավար Արտյոմ Պրիբիլսկին նվիրատվությունների նման կտրուկ աճը կապում է 2022թ–ի հուլիսից ուժի մեջ մտած «Անկանխիկ գործառնությունների մասին» նոր օրենքի հետ, որի համաձայն` հուլիսի 1-ից ՀՀ–ում 300 000 դրամը գերազանցող բոլոր գործարքները պետք է իրականացվեն բացառապես անկանխիկ եղանակով` բանկային փոխանցմամբ։
«Բնականաբար, անշարժ գույքի առուվաճառքի բոլոր գործարքներն այս օրենքի տիրույթում են։ Երևի մարդիկ մտածել են, որ ավելի լավ կլինի առուվաճառքի փոխարեն նվիրատվության գործարք ձևակերպել։ Պաշտոնական թվերի մի մասը, իհարկե, կլինեն իրական նվիրատվություններ, բայց զգալի մասն ամենայն հավանականությամբ օտարումներ են։ Առուվաճառքների երևի կեսը ձևակերպվել է նվիրատվություններով»,– Sputnik Արմենիայի հետ զրույցում ասաց մասնագետը։
Անշարժ գույքի առուվաճառքի գործարքը չգրանցելու հիմնական պատճառը, Պրիբիլսկիի դիտարկմամբ, ոչ թե այն թաքցնելն է պետությունից, այլ փոխարժեքի մեջ գումար չկորցնելու մտայնությունը։ Բանն այն է, որ, եթե բնակարան վաճառողը ցանկանա իրեն դրամով փոխանցած գումարը դոլարի վերածել, բավական մեծ գումար կկորցնի, քանի որ դոլարի առուվաճառքի արժեքի տարբերությունը 7-10 դրամ է։
Պրիբիլսկին չի բացառում, որ դրամի ամրացմանը զուգահեռ դրամային գործարքների թիվն աստիճանաբար կավելանա, և մարդիկ ստիպված չեն լինի վաճառքի փոխարեն նվիրատվության գործարք գրանցել։
Մյուս կողմից հնարավոր է, որ նվիրատվությունների աճի այս տարօրինակ վիճակագրությունը չվրիպի նաև պետության ուշադրությունից։ Մեր զրուցակիցը չի բացառում, որ առաջիկայում պետությունը սկսի ավելի մեծ ուշադրություն դարձնել նվիրատուների շարժառիթի, կողմերի միջև ազգակցական կապերի բացակայության հանգամանքի վրա։ Մանավանդ որ ՀՀ կառավարությունը հետևողականորեն վարում է անկանխիկ գործառնությունների խթանման քաղաքականություն, և տնտեսությանն էլ ներկա պահին ձեռնտու է ամուր դրամ ունենալը։
Ինչ վերաբերում է հայաստանյան անշարժ գույքի շուկայի ներկա վիճակին, մեր զրուցակիցը նշեց, որ ռելոկանտների ներհոսքով պայմանավորված լարվածությունն այսօր էլ պահպանվում է. պահանջարկը մնում է բարձր, գներն էլ, թեև որոշ չափով կայունացել են, բայց ՀՀ–ի համար անսովոր բարձր մակարդակի վրա։ Պրիբիլսկին նկատում է, որ բնակարանների գները շատ ավելի արագ են աճել Երևանի արվարձաններում ու նույնիսկ հարակից մարզերում, օրինակ` Կոտայքի մարզում, քան Կենտրոնում։
«Հնարավոր է` գները ինչ–որ մի պահի իջնեն, որովհետև մեր եկամուտներն ու մեր տնտեսությունը այդքան աճ չեն ապահովում, որպեսզի տների գներն այդպես աննորմալ չափով բարձրանան»,– ասաց նա։
Բայց մասնագետը դժվարանում է կանխատեսել, թե երբ ու որքանով կարող են նվազել բնակարանների վաճառքի և վարձակալության գները։
Նշենք, որ 2022թ–ի հունվար–սեպտեմբեր ամիսներին, պաշտոնական վիճակագրության համաձայն, Հայաստանում անշարժ գույքի առուվաճառքի 39 928 գործարք է գրանցվել, որից 13 434–ը` Երևանում, 7905–ը` Կոտայքի մարզում։ Հատկանշական է, որ պաշտոնական վիճակագրությունը 2021թ–ի նույն ժամանակահատվածի ցուցանիշներից գրեթե չի տարբերվում։ 2021թ–ի հունվար–սեպտեմբեր ամիսներին Հայաստանում անշարժ գույքի առուվաճառքի 39 928 գործարք էր գրանցվել, որից 12 430–ը` Երևանում, 7445-ը` Կոտայքի մարզում։
