https://arm.sputniknews.ru/20221114/tghan-azgi-sharunakvoghn-e-gjugherum-sharunakvum-en-ptghi-servov-pajmanavvorvats-yndhatumnery-51291845.html
Տղան ազգի շարունակողն է. գյուղերում շարունակվում են պտղի սեռով պայմանավորված ընդհատումները
Տղան ազգի շարունակողն է. գյուղերում շարունակվում են պտղի սեռով պայմանավորված ընդհատումները
Sputnik Արմենիա
Դժվար է պատկերացնել, բայց մինչ օրս շատերն ընդհատում են հղիությունը՝ կապված պտղի սեռի հետ: Խնդիրն առավել սուր է մարզերում ու հատկապես գյուղական բնակավայրերում 14.11.2022, Sputnik Արմենիա
2022-11-14T19:05+0400
2022-11-14T19:05+0400
2022-11-14T19:24+0400
տղա
աղջիկ
հայաստան
սեռ
ծրագիր
մարզ
երեխա
հղի
https://cdn.am.sputniknews.ru/img/720/41/7204138_0:87:1208:767_1920x0_80_0_0_47b3da493dfbb8992fd320275afb162a.png
ԵՐԵՎԱՆ, 14 նոյեմբերի – Sputnik. Լոռիում, Սյունիքում, Տավուշում, Վայոց Ձորում և Երևանում կանայք ավելի շատ նախապատվություն են տալիս աղջիկ երեխաներին։ Սա պարզ է դարձել Հայաստանի Հանրապետությունում պտղի սեռի հետ կապված հետազոտության արդյունքներն ամփոփելուց հետո։Նշենք` այսօր` նոյեմբերի 14-ին, Գյումրու «Ասլամազյան քույրերի պատկերասրահում» տեղի ունեցավ համաժողով, որի ընթացքում ներկայացվեց Հայաստանի Հանրապետությունում պտղի սեռի խտրական ընտրության հետազոտության արդյունքները:Հետազոտությունն իրականացվել է 2022 թվականի հունիս ամսին՝ նպատակ ունենալով պարզել Հայաստանում 18-49 տարեկան՝ երբևէ հղիություն ունեցած կանանց, նրանց ընտանիքի անդամների մոտեցումները և տրամադրվածությունը երեխայի սեռով պայմանավորված հղիության արհեստական ընդհատումներին։Ընդհանուր առմամբ, նրա խոսքով, բոլոր մարզերում հավասար նախապատվություն տվողների տեսակարար կշիռը 2017 թ․-ի համեմատ նվազել է, ավելացել են տղա կամ աղջիկ նախընտրողների բաժինները:Տղաներին ամենաշատը նախապատվություն են տալիս Գեղարքունիքի մարզում։ Տավուշը միակ մարզն է, որտեղ աղջիկներին ընտանիքում նախապատվություն տվողների տեսակարար կշիռը ավելի մեծ է։ Ընդ որում` Տավուշի մարզում աղջիկների նախապատվությունը 2022 թ․ աճել է 2017 թ․ տվյալների համեմատ։ Երևանում այդ ցուցանիշները հավասար են։ՀՀ-ում սեռով պայմանավորված հղիության ընդհատման խնդիրը դեռ առկա է․ հետազոտությունԱռաջին հղիության ժամանակ երեխայի սեռի նախապատվության ցուցանիշների վերլուծությունը ցույց է տալիս, որ ընդհանուր առմամբ` տղա երեխաների նախապատվությունը շարունակում է գերակշռող լինել աղջիկ երեխաների նկատմամբ, թեպետ առաջին հղիության ժամանակ աղջիկ երեխա ցանկացողների տեսակարար կշիռն աճել է 2017 թ․ համեմատ թե՛ կանանց, թե՛ ամուսնու/զուգընկերոջ դեպքում (10-11%)։Մինչդեռ մարզերի քաղաքային բնակավայրերում աղջիկներին նախապատվություն տվողների թիվը ոչ միայն աճել է, այլև գերազանցում է տղաներին նախապատվություն տվողների թվին։Արդյունքներն ըստ մարզերի դիտարկելու դեպքում պարզ է դառնում, որ առաջին հղիության դեպքում բոլոր մարզերում հարցված ամուսինները նախապատվությունը տալիս են տղաներին։Ինչ վերաբերում է «տարբերություն չկա» պատասխանին, ապա այդ տարբերակն ընտրած հարցվողների տեսակարար կշիռն ավելի մեծ է Տավուշում և Վայոց Ձորում։Հավելենք, որ հետազոտությունն իրականացվել է «Պտղի սեռով պայմանավորված հղիության արհեստական ընդհատման տարածվածությունը, պատճառները» ծրագրի շրջանակում։ Այն իրականացվում է ՄԱԿ-ի Բնակչության հիմնադրամի կողմից՝ ՕքսԵՋեն հիմնադրամի հետ համագործակցությամբ:«Փորձանոթի երեխաներ». ի՞նչ գիտենք անպտղության խնդրի և ՀՀ-ում դրա լուծման մեթոդների մասին
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տղա, աղջիկ, հայաստան, սեռ, ծրագիր, մարզ, երեխա, հղի
տղա, աղջիկ, հայաստան, սեռ, ծրագիր, մարզ, երեխա, հղի
Տղան ազգի շարունակողն է. գյուղերում շարունակվում են պտղի սեռով պայմանավորված ընդհատումները
19:05 14.11.2022 (Թարմացված է: 19:24 14.11.2022) Դժվար է պատկերացնել, բայց մինչ օրս շատերն ընդհատում են հղիությունը՝ կապված պտղի սեռի հետ: Խնդիրն առավել սուր է մարզերում ու հատկապես գյուղական բնակավայրերում
ԵՐԵՎԱՆ, 14 նոյեմբերի – Sputnik. Լոռիում, Սյունիքում, Տավուշում, Վայոց Ձորում և Երևանում կանայք ավելի շատ նախապատվություն են տալիս աղջիկ երեխաներին։ Սա պարզ է դարձել Հայաստանի Հանրապետությունում պտղի սեռի հետ կապված հետազոտության արդյունքներն ամփոփելուց հետո։
Նշենք` այսօր` նոյեմբերի 14-ին, Գյումրու «Ասլամազյան քույրերի պատկերասրահում» տեղի ունեցավ համաժողով, որի ընթացքում ներկայացվեց Հայաստանի Հանրապետությունում պտղի սեռի խտրական ընտրության հետազոտության արդյունքները:
Հետազոտությունն իրականացվել է 2022 թվականի հունիս ամսին՝ նպատակ ունենալով պարզել Հայաստանում 18-49 տարեկան՝ երբևէ հղիություն ունեցած կանանց, նրանց ընտանիքի անդամների մոտեցումները և տրամադրվածությունը երեխայի սեռով պայմանավորված հղիության արհեստական ընդհատումներին։
«Հետազոտությունը խնդիր ուներ գնահատելու Հայաստանում սեռով պայմանավորված հղիության արհեստական ընդհատումների տարածվածությունն ու պատճառները, ինչպես նաև այս ասպարեզում փոփոխությունները և միտումները վերջին 5 տարվա ընթացքում՝ անցկացնելով համամետական վերլուծություն 2017 թ.-ին իրականացված հետազոտության հետ»,-
Sputnik Արմենիայի հետ զրույցում նշեց ՄԱԿ-ի Բնակչության հիմնադրամի ծրագրի համակարգող Զարուհի Տոնոյանը:
Ընդհանուր առմամբ, նրա խոսքով, բոլոր մարզերում հավասար նախապատվություն տվողների տեսակարար կշիռը 2017 թ․-ի համեմատ նվազել է, ավելացել են տղա կամ աղջիկ նախընտրողների բաժինները:
Տղաներին ամենաշատը նախապատվություն են տալիս Գեղարքունիքի մարզում։ Տավուշը միակ մարզն է, որտեղ աղջիկներին ընտանիքում նախապատվություն տվողների տեսակարար կշիռը ավելի մեծ է։ Ընդ որում` Տավուշի մարզում աղջիկների նախապատվությունը 2022 թ․ աճել է 2017 թ․ տվյալների համեմատ։ Երևանում այդ ցուցանիշները հավասար են։
Առաջին հղիության ժամանակ երեխայի սեռի նախապատվության ցուցանիշների վերլուծությունը ցույց է տալիս, որ ընդհանուր առմամբ` տղա երեխաների նախապատվությունը շարունակում է գերակշռող լինել աղջիկ երեխաների նկատմամբ, թեպետ առաջին հղիության ժամանակ աղջիկ երեխա ցանկացողների տեսակարար կշիռն աճել է 2017 թ․ համեմատ թե՛ կանանց, թե՛ ամուսնու/զուգընկերոջ դեպքում (10-11%)։
Մինչդեռ մարզերի քաղաքային բնակավայրերում աղջիկներին նախապատվություն տվողների թիվը ոչ միայն աճել է, այլև գերազանցում է տղաներին նախապատվություն տվողների թվին։
Արդյունքներն ըստ մարզերի դիտարկելու դեպքում պարզ է դառնում, որ առաջին հղիության դեպքում բոլոր մարզերում հարցված ամուսինները նախապատվությունը տալիս են տղաներին։
Ինչ վերաբերում է «տարբերություն չկա» պատասխանին, ապա այդ տարբերակն ընտրած հարցվողների տեսակարար կշիռն ավելի մեծ է Տավուշում և Վայոց Ձորում։
Այս կամ այն սեռին նախապատվություն տալու պատճառներին անդրադառնալիս հարցվածների 91%-ը նշել է, որ ընտանիքում որդիներին նախապատվություն տալիս են, քանի որ «տոհմը շարունակում են որդիները»։ 83%-ը նշել է, որ «տղաները հայրենիքի պաշտպանն են», 67%-ը՝ «որդիներն ունեցվածքի ժառանգորդներ են», եղել է նաև «ամուսնանալուց հետո դուստրը այլևս քոնը չէ» տարբերակը։ Այն հարցվածները, որոնց ընտանիքում նախապատվությունը տալիս են աղջիկ երեխաներին` նշել են, որ «դուստրը միշտ պատրաստ է օգնել ծնողներին:
Հավելենք, որ հետազոտությունն իրականացվել է «Պտղի սեռով պայմանավորված հղիության արհեստական ընդհատման տարածվածությունը, պատճառները» ծրագրի շրջանակում։ Այն իրականացվում է ՄԱԿ-ի Բնակչության հիմնադրամի կողմից՝ ՕքսԵՋեն հիմնադրամի հետ համագործակցությամբ:
