https://arm.sputniknews.ru/20221116/abvovjan-qkhum-khvonav-e-snundy-chi-verahskvum-deghvorajqy-nshanakum-e-buzhqujry-mip-51361737.html
«Աբովյան» ՔԿՀ–ում խոնավ է, սնունդը չի վերահսկվում, դեղորայքը նշանակում է բուժքույրը. ՄԻՊ
«Աբովյան» ՔԿՀ–ում խոնավ է, սնունդը չի վերահսկվում, դեղորայքը նշանակում է բուժքույրը. ՄԻՊ
Sputnik Արմենիա
«Աբովյան» ՔԿՀ–ում լոգանքը շաբաթական մեկ անգամ է կազմակերպվում, բայց այնտեղ պահվող անձիք ՄԻՊ գրասենյակի աշխատակիցներին ասել են, որ եթե այդ օրը իրենք ինչ–ինչ... 16.11.2022, Sputnik Արմենիա
2022-11-16T13:37+0400
2022-11-16T13:37+0400
2022-11-16T13:39+0400
հայաստան
աբովյան
քրեակատարողական հիմնարկ (քկհ)
քրիստինե գրիգորյան
կին
անչափահաս
բուժքույր
https://cdn.am.sputniknews.ru/img/07e6/03/11/39857650_0:83:1600:983_1920x0_80_0_0_2a3954181cee391a8f6b99a3de070efe.jpg
ԵՐԵՎԱՆ, 16 նոյեմբերի – Sputnik. «Աբովյան» ՔԿՀ–ի շենքային պայմանները անբավարար են, շենքը գտնվում է սանիտարահիգիենիկ անընդունելի վիճակում։ Այս հայտարարությունն արեց ՀՀ մարդու իրավունքների պաշտպան Քրիստինե Գրիգորյանը` ներկայացնելով քրեակատարողական համակարգում ազատությունից զրկված կանանց, անչափահասների և օտարերկրյա քաղաքացիների իրավունքների ապահովման վերաբերյալ արտահերթ հրապարակային զեկույցը։ՄԻՊ աշխատակազմի այցի պահին Աբովյան ՔԿՀ–ում 66 անձ է եղել, 40–ը կալանավորված են եղել, 26–ը` դատապարտված, 66-ից 4–ը` արական սեռի անչափահասներ են, մեկ անձ չափահաս է դարձել անազատության մեջ, և երեք կանայք այնտեղ են պահվում մինչև 3 տարեկան երեխաների հետ։Պաշտպանի աշխատակազմը արձանագրել է, որ անչափահասների պահման պայմանները որևէ կերպ չեն տարբերվում չափահասների պահման պայմաններից։Քանի՞ կին կա «Աբովյան» ՔԿՀ-ում, և ինչի՞ համար են նրանք հայտնվել կալանավայրումԱյցի պահին ընդհանուր կացարանում պահվել է 12 կին, որոնցից երկուսը համատեղ բնակվել են երկտեղանոց սենյակում։ Այնինչ այդ պահին գործող օրենքով` ընդհանուր կացարանում կարող է պահվել մինչև 6 անձ։«Հատուկ խցեր ու կացարաններ չեն եղել հղի կանանց և մինչև 3 տարեկան երեխա ունեցողների համար։ Խցերում չեն եղել օրորոցներ, մանկական մահճակալներ, տաք ջուր, առանձին լոգարան, սանհանգույց երեխաների համար, կահավորված խաղահրապարակ, ինչպես նաև երեխայի ֆիզիկական և հոգեկան առողջ զարգացմանը նպաստող միջավայր։ Այնինչ օրենսդրության համաձայն` պետությունը երեխաների համար մինիմալ պայմաններ ապահովելու պարտավորություն ունի»,– նշեց պաշտպանը։Արձանագրած հաջորդ խնդիրը վերաբերում է բուժսպասարկմանը։ ՄԻՊ ներկայացուցիչների այցի պահին «Աբովյան» ՔԿՀ–ի բժշկական անձնակազմում չեն եղել ընդհանուր պրոֆիլի բժիշկ, թերապևտ, ընտանեկան բժիշկ։«Մյուս խնդրահարույց և անընդունելի պրակտիկան այն է, երբ ազատությունից զրկված անձանց դեղորայքային բուժումն իրականցվում է բուժքրոջ կողմից, առանց բժշկի ցուցման»,– նշեց նա ու հավելեց, որ հայտնաբերվել են նաև ժամկետանց դեղեր։Ինչ վերաբերում է ՔԿՀ–ում սննդի ապահովմանը, ապա ՄԻՊ–ը պարզել է, որ որևէ վերահսկողություն դրա համար չի իրականացվում։Ինչ խնդիրներ ու դրական փոփոխություններ կան «Աբովյան» ՔԿՀ–ում«2020 թ.–ից բոլոր ՔԿՀ–ներում սննդի մատակարարումը մասնավոր ընկերություն է իրականացնում։ Առանձնազրույցների ժամանակ դատապարտյալները նշել են, որ սնունդը համեղ չէ, աղը պակաս է, բազմազանություն չկա։ Պարզվել է նաև, որ երեխաներին տրվում է նույն սնունդը, ինչ մեծերին»,– նշեց Գրիգորյանը։Դատապարտյալների ու կալանավորների հիգիենայի ապահովումը նույնպես պատշաճ չի իրականացվում։ «Աբովյան» ՔԿՀ–ում լոգանքը շաբաթական մեկ անգամ է կազմակերպվում, բայց այնտեղ պահվող անձիք ՄԻՊ գրասենյակի աշխատակիցներին ասել են, որ եթե այդ օրը իրենք ինչ–ինչ պատճառներով չեն կարողանում լոգանք ընդունել, ապա ստիպված են սպասել ևս մեկ շաբաթ։Պարզվել է նաև, որ պատշաճ չեն իրականացվում հոգեբանական ծառայությունները։ Մինչև 3 տարեկան երեխաներին ու նրանց մայրերին այդ ծառայությունն առհասարակ չի տրամադրվում, իսկ օտարերկրացիների դեպքում լեզվական խոչընդոտ կա։Գրիգորյանի խոսքով` մտահոգիչ է նաև, որ «Աբովյան» ՔԿՀ–ի աշխատակիցների մեծամասնությունը տղամարդիկ են, ինչը լավ պրակտիկա չէ կանանց ու անչափահասների պահման վայրում։«Մտածում էին` բժիշկ կդառնամ, նարկոման դարձա». ինչպես են ՀՀ–ում պայքարում թմրամոլության դեմ
աբովյան
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, աբովյան, քրեակատարողական հիմնարկ (քկհ), քրիստինե գրիգորյան, կին, անչափահաս, բուժքույր
հայաստան, աբովյան, քրեակատարողական հիմնարկ (քկհ), քրիստինե գրիգորյան, կին, անչափահաս, բուժքույր
«Աբովյան» ՔԿՀ–ում խոնավ է, սնունդը չի վերահսկվում, դեղորայքը նշանակում է բուժքույրը. ՄԻՊ
13:37 16.11.2022 (Թարմացված է: 13:39 16.11.2022) «Աբովյան» ՔԿՀ–ում լոգանքը շաբաթական մեկ անգամ է կազմակերպվում, բայց այնտեղ պահվող անձիք ՄԻՊ գրասենյակի աշխատակիցներին ասել են, որ եթե այդ օրը իրենք ինչ–ինչ պատճառներով չեն կարողանում լոգանք ընդունել, ապա ստիպված են սպասել ևս մեկ շաբաթ։
ԵՐԵՎԱՆ, 16 նոյեմբերի – Sputnik. «Աբովյան» ՔԿՀ–ի շենքային պայմանները անբավարար են, շենքը գտնվում է սանիտարահիգիենիկ անընդունելի վիճակում։ Այս հայտարարությունն արեց ՀՀ մարդու իրավունքների պաշտպան Քրիստինե Գրիգորյանը` ներկայացնելով քրեակատարողական համակարգում ազատությունից զրկված կանանց, անչափահասների և օտարերկրյա քաղաքացիների իրավունքների ապահովման վերաբերյալ արտահերթ հրապարակային զեկույցը։
«Խոնավության մակարդակը խցերում եղել է շատ բարձր, առաստաղների ծեփամածիկը եղել է թափված, որոշ տեղերում` բորբոսնած։ Շենքային պայմանները հարմարեցված չեն հենաշարժողական խնդիրներ ունեցողների համար»,– ասաց Գրիգորյանը։
ՄԻՊ աշխատակազմի այցի պահին Աբովյան ՔԿՀ–ում 66 անձ է եղել, 40–ը կալանավորված են եղել, 26–ը` դատապարտված, 66-ից 4–ը` արական սեռի անչափահասներ են, մեկ անձ չափահաս է դարձել անազատության մեջ, և երեք կանայք այնտեղ են պահվում մինչև 3 տարեկան երեխաների հետ։
Պաշտպանի աշխատակազմը արձանագրել է, որ անչափահասների պահման պայմանները որևէ կերպ չեն տարբերվում չափահասների պահման պայմաններից։
Այցի պահին ընդհանուր կացարանում պահվել է 12 կին, որոնցից երկուսը համատեղ բնակվել են երկտեղանոց սենյակում։ Այնինչ այդ պահին գործող օրենքով` ընդհանուր կացարանում կարող է պահվել մինչև 6 անձ։
«Հատուկ խցեր ու կացարաններ չեն եղել հղի կանանց և մինչև 3 տարեկան երեխա ունեցողների համար։ Խցերում չեն եղել օրորոցներ, մանկական մահճակալներ, տաք ջուր, առանձին լոգարան, սանհանգույց երեխաների համար, կահավորված խաղահրապարակ, ինչպես նաև երեխայի ֆիզիկական և հոգեկան առողջ զարգացմանը նպաստող միջավայր։ Այնինչ օրենսդրության համաձայն` պետությունը երեխաների համար մինիմալ պայմաններ ապահովելու պարտավորություն ունի»,– նշեց պաշտպանը։
Արձանագրած հաջորդ խնդիրը վերաբերում է բուժսպասարկմանը։ ՄԻՊ ներկայացուցիչների այցի պահին «Աբովյան» ՔԿՀ–ի բժշկական անձնակազմում չեն եղել ընդհանուր պրոֆիլի բժիշկ, թերապևտ, ընտանեկան բժիշկ։
«Մյուս խնդրահարույց և անընդունելի պրակտիկան այն է, երբ ազատությունից զրկված անձանց դեղորայքային բուժումն իրականցվում է բուժքրոջ կողմից, առանց բժշկի ցուցման»,– նշեց նա ու հավելեց, որ հայտնաբերվել են նաև ժամկետանց դեղեր։
Ինչ վերաբերում է ՔԿՀ–ում սննդի ապահովմանը, ապա ՄԻՊ–ը պարզել է, որ որևէ վերահսկողություն դրա համար չի իրականացվում։
«2020 թ.–ից բոլոր ՔԿՀ–ներում սննդի մատակարարումը մասնավոր ընկերություն է իրականացնում։ Առանձնազրույցների ժամանակ դատապարտյալները նշել են, որ սնունդը համեղ չէ, աղը պակաս է, բազմազանություն չկա։ Պարզվել է նաև, որ երեխաներին տրվում է նույն սնունդը, ինչ մեծերին»,– նշեց Գրիգորյանը։
Դատապարտյալների ու կալանավորների հիգիենայի ապահովումը նույնպես պատշաճ չի իրականացվում։ «Աբովյան» ՔԿՀ–ում լոգանքը շաբաթական մեկ անգամ է կազմակերպվում, բայց այնտեղ պահվող անձիք ՄԻՊ գրասենյակի աշխատակիցներին ասել են, որ եթե այդ օրը իրենք ինչ–ինչ պատճառներով չեն կարողանում լոգանք ընդունել, ապա ստիպված են սպասել ևս մեկ շաբաթ։
Պարզվել է նաև, որ պատշաճ չեն իրականացվում հոգեբանական ծառայությունները։ Մինչև 3 տարեկան երեխաներին ու նրանց մայրերին այդ ծառայությունն առհասարակ չի տրամադրվում, իսկ օտարերկրացիների դեպքում լեզվական խոչընդոտ կա։
Գրիգորյանի խոսքով` մտահոգիչ է նաև, որ «Աբովյան» ՔԿՀ–ի աշխատակիցների մեծամասնությունը տղամարդիկ են, ինչը լավ պրակտիկա չէ կանանց ու անչափահասների պահման վայրում։
