Ռուսաստանի և Հայաստանի հարաբերությունները դաշնակցային բնույթ են կրում. Պուտին

© Sputnik / Asatur YesayantsՌԴ նախագահ Վլադիմիր Պուտինը
ՌԴ նախագահ Վլադիմիր Պուտինը - Sputnik Արմենիա, 1920, 23.11.2022
ՌԴ նախագահ Վլադիմիր Պուտինը
Բաժանորդագրվեք
НовостиTelegram
Հանդիպման ժամանակ Պուտինը շնորհավորել է Փաշինյանին ՀԱՊԿ նախագահության հաջող ավարտի առիթով` շեշտելով, որ Հայաստանն աշխատել է բարձր մակարդակով։
ԵՐԵՎԱՆ, 23 նոյեմբերի – Sputnik. Ռուսաստանի և Հայաստանի հարաբերությունները կրում են դաշնակցային բնույթ, ունեն հին ու խորը արմատներ։ Երևանում Հավաքական անվտանգության պայմանագրի կազմակերպության (ՀԱՊԿ) գագաթնաժողովից հետո ՀՀ վարչապետ Նիկոլ Փաշինյանի հետ կայացած հանդիպմանն ասել է ՌԴ նախագահ Վլադիմիր Պուտինը։
Երևանում մեկնարկել է Փաշինյան-Պուտին հանդիպումը
«Դուք նշել եք մեր երկկողմ հարաբերությունները, որոնք, իհարկե, դաշնակցային են, ունեն հինավուրց, խորը արմատներ»,- ասել է Պուտինը։
Պուտինն արձանագրել է, որ Փաշինյանի հետ Ղարաբաղի խնդիրները քննարկել են ինչպես ՀԱՊԿ գագաթնաժողովից առաջ, երբ միասին երթևեկում էին մեկ ավտոմեքենայում, այնպես էլ գագաթնաժողովի ընթացքում ու դրանից հետո։
«Երբ հանդիպեցինք, դեռ մեքենայում, քննարկում էինք տարածաշրջանային բնույթի հարցեր, տարածաշրջանի կարգավորման հարցեր, այդ թվում՝ տրանսպորտային ուղիների ապաշրջափակման խնդիրները։ Ես շատ գոհ եմ, որ այսօրվա միջոցառումների շրջանակում հնարավորություն ընձեռվեց երկկողմանի հանդիպում անցկացնելու»,– ասել է ՌԴ նախագահը։
Պուտինը հավելել է, որ «հազվադեպ է հնարավոր լինում բոլոր հարցերի շուրջ համաձայնության գալ, բայց ընդհանուր առմամբ աշխատանքը շատ ինտենսիվ և օգտակար է եղել»։
Նա նաև նշել է, որ երկու երկրների միջև ապրանքաշրջանառությունն այս տարվա առաջին 9 ամիսներին ավեացել է 67 տոկոսով։ «Այո, սա պայմանավորված է այսօրվա առանձնահատկություններով, բայց, իհարկե, լավ ներդրում կլինի նաև ապագայի համար»,- ընդգծել է ՌԴ նախագահը։
Հանդիպման ժամանակ Պուտինը շնորհավորել է Փաշինյանին ՀԱՊԿ նախագահության հաջող ավարտի առիթով` շեշտելով, որ Հայաստանն աշխատել է բարձր մակարդակով։
Նշենք, որ Հայաստանից հետո ՀԱՊԿ նախագհությունը կփոխանցվի Բելառուսին։
Լրահոս
0