ՀԱՊԿ-ը միշտ բաց է շահագրգիռ կողմերի հետ համագործակցության համար. Զախարովա

© SputnikМария Захарова во время еженедельного брифинга (9 ноября 2022). Москвa
Мария Захарова во время еженедельного брифинга (9 ноября 2022). Москвa - Sputnik Արմենիա, 1920, 24.11.2022
Բաժանորդագրվեք
НовостиTelegram
ՌԴ ԱԳՆ պաշտոնական ներկայացուցիչը նշել է, որ ՀԱՊԿ-ն առաջնահերթ գործընկերներ է տեսնում ԱՊՀ-ին և ՇՀԿ-ին (Շանհայի համագործակցության կազմակերպություն)։
ԵՐԵՎԱՆ, 24 նոյեմբերի - Sputnik. Հավաքական անվտանգության պայմանագրի կազմակերպությունը (ՀԱՊԿ) միշտ եղել և մնում է բաց` շահագրգիռ երկրների, միջազգային կառույցների հետ հարաբերություններում և պատրաստ է նման երկխոսություն կառուցել իրավահավասար, հարգալից հիմունքներով։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
ՀԱՊԿ–ում տեղի է ունեցել շատ բաց և դրական քննարկում. Փաշինյան
«Կան մի շարք ակնհայտ ոլորտներ, որտեղ նման համագործակցությունը օգտակար կլինի: Մենք խոսում ենք միջազգային մարտահրավերներին և սպառնալիքներին դիմակայելու մասին, ներառյալ միջազգային ահաբեկչությունը, թմրամիջոցների ապօրինի շրջանառությունը, տեղեկատվական անվտանգությունը։ Կան նաև այլ կարևոր ոլորտներ, որտեղ ջանքերի միավորումը չափազանց պահանջված կլինի եվրասիական տարածքում խաղաղության և անվտանգության պահպանման տեսանկյունից»,- ասել է Զախարովան։
ՌԴ ԱԳՆ պաշտոնական ներկայացուցչի խոսքով՝ ժամանակին համագործակցության կոչ է ուղարկվել նույնիսկ ՆԱՏՕ-ին, սակայն առաջարկը մնացել է անպատասխան։
Նա հիշեցրել է, որ 2021 թվականին ՀԱՊԿ-ում ուժի մեջ են մտել նորմատիվ փաստաթղթեր, որոնք հաստատում են ՀԱՊԿ-ին կից դիտորդի և կազմակերպության գործընկերոջ կարգավիճակը։
Զախարովայի խոսքով` դա հնարավորություններ է ստեղծում կառույցի աշխատանքում ներգրավելու շահագրգիռ ինտեգրացիոն ասոցիացիաներին և պետություններին այդ կարգավիճակներից մեկով։
Զախարովան ընդգծել է, որ կառույցն իր առաջնահերթ գործընկերների թվում տեսնում է ԱՊՀ-ին և ՇՀԿ-ին։
Լրահոս
0