ՌԴ–ն պատրաստ է հարթակ տրամադրել Սիրիայի և Թուրքիայի առաջնորդների հանդիպման համար

© Sputnik / Павел Бедняков / Անցնել մեդիապահոցԱլեքսանդր Լավրենտև
Ալեքսանդր Լավրենտև - Sputnik Արմենիա, 1920, 24.11.2022
Ալեքսանդր Լավրենտև
Բաժանորդագրվեք
НовостиTelegram
ՌԴ նախագահի հատուկ ներկայացուցիչը նշել է՝ կարևոր է, որ այդ հանդիպումը նպաստի սիրիական կարգավորմանը։
ԵՐԵՎԱՆ, 24 նոյեմբերի – Sputnik. Մոսկվան պատրաստ է հարթակ տրամադրել Սիրիայի նախագահ Բաշար Ասադի և Թուրքիայի նախագահ Թայիփ Էրդողանի հանդիպման համար, եթե կողմերը փոխադարձ ցանկություն հայտնեն։ Այս մասին ՌԻԱ Նովոստիի հետ զրույցում ասել է Սիրիայի հարցով ՌԴ նախագահի հատուկ ներկայացուցիչ Ալեքսանդր Լավրենտևը։
«Նման հանդիպումը բացառիկ կարևոր նշանակություն ունի, սակայն այն պետք է համապատասխան ձևով նախապատրաստվի, դրա համար որոշակի պայմաններ պետք է հասունանան», – նշել է ՌԴ նախագահի հատուկ ներկայացուցիչը։
Ինչպես ընդգծել է Լավրենտևը, կարևոր է, որ այդ հանդիպման արդյունքները ճիշտ ազդակներ ուղարկեն հակամարտության բոլոր կողմերին, որպեսզի այն նպաստի սիրիական կարգավորմանը։
Ավելի վաղ Էրդողանը հայտարարել էր Սիրիայի նախագահ Բաշար Ասադի հետ հնարավոր հանդիպման մասին։ Դրանից հետո կառավարական շրջանակներին մոտ կանգնած՝ «Hürriyet» թուրքական թերթի սյունակագիր Աբդուլկադիր Սելվին հայտնել էր, որ նախագահների հանդիպումը կարող է կայանալ Ռուսաստանում Վլադիմիր Պուտինի միջնորդությամբ։
ԱՄՆ–ն հորդորում է անհապաղ թոթափել լարվածությունը Սիրիայի հյուսիսում. Պետդեպ
Լրահոս
0