Սուրեն Պապիկյանը կարճ առանձնազրույց է ունեցել Սերգեյ Շոյգուի հետ

© Photo : Սուրեն Պապիկյան/ Suren Papikyan Սուրեն Պապիկյանն ու Սերգեյ Շոյգուն
Սուրեն Պապիկյանն ու Սերգեյ Շոյգուն - Sputnik Արմենիա, 1920, 24.11.2022
Սուրեն Պապիկյանն ու Սերգեյ Շոյգուն
Բաժանորդագրվեք
НовостиTelegram
Հայաստանի և Ռուսաստանի պաշտպանության նախարարները պաշտպանական համագործակցությանը վերաբերող մի շարք հարցերի շուրջ մտքեր են փոխանակել։
ԵՐԵՎԱՆ, 24 նոյեմբերի – Sputnik. ՀՀ պաշտպանության նախարար Սուրեն Պապիկյանը կարճ առանձնազրույց է ունեցել ՌԴ պաշտպանության նախարար Սերգեյ Շոյգուի հետ։ Նա այդ մասին գրել է ֆեյսբուքյան էջում։
Նոյեմբերի 23-ին Երևանում անցկացվել է Հավաքական անվտանգության պայմանագրի կազմակերպության հավաքական անվտանգության խորհրդի նիստը՝ ՀԱՊԿ անդամ պետությունների ազգային անվտանգության խորհուրդների քարտուղարների, արտաքին գործերի և պաշտպանության նախարարների մասնակցությամբ։
«Նիստից անմիջապես հետո կարճ առանձնազրույց եմ ունեցել Ռուսաստանի Դաշնության պաշտպանության նախարարի հետ։ Սերգեյ Շոյգուի հետ մտքեր ենք փոխանակել երկկողմ հետաքրքրություն ներկայացնող, ինչպես նաև պաշտպանական համագործակցությանը վերաբերող մի շարք հարցերի շուրջ»,- գրել է Պապիկյանը։
Հիշեցնենք՝ Հայաստանի, Ռուսաստանի, Բելառուսի, Ղազախստանի, Տաջիկստանի և Ղրղզստանի առաջնորդները երեկ նեղ կազմով հանդիպում են անցկացրել։ Այնուհետև տեղի է ունեցել ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի հանդիպումը։
Լրահոս
0