https://arm.sputniknews.ru/20221125/ajd-mvodely-mshakelvov-fransiacinery-nman-ban-chen-mtatsel-grigvorjany-ngni-steghtsman-masin-51783403.html

Այդ մոդելը մշակելով` ֆրանսիացիները նման բան չեն մտածել. Գրիգորյանը` ՆԳՆ–ի ստեղծման մասին

Այդ մոդելը մշակելով` ֆրանսիացիները նման բան չեն մտածել. Գրիգորյանը` ՆԳՆ–ի ստեղծման մասին

Sputnik Արմենիա

Փրկարար ծառայության գեներալ-մայոր, փրկարար ծառայության տնօրենի նախկին տեղակալ Նիկոլայ Գրիգորյանը Sputnik Արմենիայի հետ զրույցում հույս է հայտնել, որ «պետք է որ... 25.11.2022, Sputnik Արմենիա

2022-11-25T21:32+0400

2022-11-25T21:32+0400

2023-01-09T19:45+0400

նիկոլայ գրիգորյան

ներքին գործերի նախարարություն (նգն)

հայաստան

փրկարար

https://cdn.am.sputniknews.ru/img/828/36/8283627_0:0:1192:671_1920x0_80_0_0_ec6ecea25db44d2925d052ca0769a42b.jpg

Այն, որ փրկարար ծառայությունը ներառվելու է ներքին գործերի նոր կազմավորվող նախարարության կառուցվածքում փրկարար ծառայության գեներալ-մայոր, փրկարար ծառայության տնօրենի նախկին տեղակալ Նիկոլայ Գրիգորյանի համար անսպասելի որոշում չէր։Sputnik Արմենիայի հետ զրույցում Գրիգորյանը նշեց, որ կառուցվածքային այդ փոփոխության մասին ոչ միայն տարիներ առաջ է տեղեկացել, այլև նախկին նախարար, հանգուցյալ Արմեն Երիցյանի հետ մասնակցել է նոր մոդելի ընտրության գործընթացին։Փրկարար ծառայության պաշտոնաթող սպան ծառայության միացումը նոր կառույցին դրական է գնահատում` միաժամանակ հույս հայտնելով` «պետք է որ լավ լինի»։«Ընդհանրապես, կենտրոնացված կառավարումն ամենաճիշտ կառավարումն է։ Բայց, իհարկե, որոշակի ինքնուրույնություն, ինքնաբավություն տրամադրելով սուբյեկտներին»,– ասաց Գրիգորյանը։Այն, որ նորաստեղծ նախարարությունը մեկ ղեկավարության ներքո է հավաքելու մի շարք ուժային կառւյցների, Նիկոլայ Գրիգորյանին չի անհանգստացնում։ Գերնախարարություն ստեղծելու, նաև` այդ կառույցների նկատմամբ քաղաքական կենտրոնացված վերահսկողություն սահմանելու մտավախությանն էլ փրկարար ծառայության սպան հակադարձում է միջազգային փորձով։«Ես նշեցի, որ դա ֆրանսիական փորձն է։ Իրենք հաստատ այդ մոդելը ստեղծելով՝ նման բան չեն մտածել։ Հետո այնպես չէ, որ բոլոր ուժային կառույցներն են ներառվում։ ԱԻՆ–ին այդքան ուժային կառույցի կարգավիճակ մի տվեք։ ԱԻՆ–ն, իհարկե լուրջ կառույց է։ Նաև` այսօրվա դրությամբ քաղպաշտպանական խնդիրների լուծողը պիտի լինի»,– ասաց Գրիգորյանը։ Ինչպիսի՞ն կլինի ներքին գործերի նախարարության կառուցվածքը. պարզաբանում է ԱԻ նախարարըԻնչպես ցանկացած այլ խոշորացում ու օպտիմալացում, նոր ՆԳՆ–ի կազմավորումը ևս, Նիկոլայ Գրիգորյանի կանխատեսմամբ, անցնցում չի անցնելու։ Մեր զրուցակիցը չի բացառում, որ միավորվող կառույցներում կլինեն դժգոհություններ թե՛ հնարավոր կրճատումների, թե՛ անհատական տարբեր մոտեցումների հետ կապված։Եվ, այդուհանդերձ, փրկարար ծառայության ու արտակարգ իրավիճակների կառավարման բնագավառում մասնագիտական մեծ փորձառություն ունեցող մասնագետը նշում է, որ ներքին գործերի ու քաղպաշտպանության բնագավառների միավորումը ոլորտի զարգացման տրամաբանական շարունակությունն է։Հիշեցնենք` ՀՀ կառվարությունը նոյեմբերի 24-ի նիստում հավանության է արժանացրել «Կառավարության կառուցվածքի ու գործունեության մասին» օրենքի ու կից օրենքների փոփոխությունների նախագծերի փաթեթը։Դրանով մասնավորապես նախատեսվում է առաջիկայում ստեղծվելիք ներքին գործերի նախարարության կազմում, բացի ոստիկանությունից, ներառել նաև փրկարար ու միգրացիոն ծառայությունները։Ծառայությունների ղեկավարներին նշանակելու է վարչապետը, նրանց տեղակալներին` ՆԳ նախարարի առաջարկով` ևս նշանակելու ու ազատելու է կառավարության ղեկավարը։Նախարարությունն ունենալու է միասնական օպերատորական խումբ, և քաղաքացիներն այլևս ստիպված չեն լինի ոստիկանություն կամ ԱԻՆ զանգահարել տարբեր հեռախոսահամարներով։2021 թվականի նոյեմբերին արդարադատության այն ժամանակվա նախարար Կարեն Անդրեասյանը Sputnik Արմենիայի հետ զրույցում ասել էր, որ ՆԳՆ–ի ստեղծման ուղղությամբ աշխատանքներ տարվում են գրեթե ամեն օր, մշակվում են բոլոր նրբությունները, որպեսզի ապագայում խնդիրներ չառաջանան։Հայաստանում ՆԳՆ-ն գոյություն է ունեցել մինչև 2002 թվականը, որից հետո այն վերածվել էր ոստիկանության ծառայության։

2022

Լուրեր

am_HY

նիկոլայ գրիգորյան, ներքին գործերի նախարարություն (նգն), հայաստան, փրկարար