https://arm.sputniknews.ru/20221125/tkhur-vitshakagrutjun-unenq-hh-mipy-khvosel-e-genderajin-brnutjan-masin-51835402.html
Տխուր վիճակագրություն ունենք. ՀՀ ՄԻՊ–ը խոսել է գենդերային բռնության մասին
Տխուր վիճակագրություն ունենք. ՀՀ ՄԻՊ–ը խոսել է գենդերային բռնության մասին
Sputnik Արմենիա
Մարդու իրավունքների պաշտպանն ընդգծել է, որ կանանց բռնության ենթարկելու հարցում երբեք չպետք է լինել անտարբեր, պետք է իրազեկել, կրթել և կանխարգելել, արձանագրելու... 25.11.2022, Sputnik Արմենիա
2022-11-25T17:29+0400
2022-11-25T17:29+0400
2022-11-25T17:30+0400
հայաստան
քրիստինե գրիգորյան
բռնություն
ընտանեկան բռնություն
https://cdn.am.sputniknews.ru/img/07e6/0b/19/51834655_0:0:1901:1069_1920x0_80_0_0_9bd5e2ba3bf2650f91abfcf7259c426f.jpg
ԵՐԵՎԱՆ, 25 նոյեմբերի – Sputnik. Կանայք որքան ավելի բարձր կրթական մակարդակ ունեն, այնքան ավելի քիչ է հնարավորությունը, որ նրանք կենթարկվեն ֆիզիկական բռնության։ Նման հայտարարություն է արել ՀՀ Մարդու իրավունքների պաշտպան Քրիստինե Գրիգորյանը «Ընդդեմ գենդերային բռնության ակտիվության 16-օրյակ»-ին նվիրված համաժողովի ընթացքում։ Տեղեկությունը հրապարակվել է ՄԻՊ-ի ֆեյսբուքյան էջում։Նշենք, որ այսօր` Կանանց նկատմամբ բռնության վերացման միջազգային օրը, Մարդու իրավունքների պաշտպանի նախաձեռնությամբ և Եվրոպական միության ու ՄԱԿ-ի Բնակչության հիմնադրամի աջակցությամբ, տեղի է ունեցել համաժողով՝ նվիրված «Ընդդեմ գենդերային բռնության ակտիվության 16-օրյակի» ամենամյա միջազգային քարոզարշավի մեկնարկին:Համաժողովի ընթացքում Գրիգորյանը ներկայացրել է, որ գենդերային բռնության ձևերն ավելի ու ավելի են շատանում՝ տարբերակվելով ֆիզիկականի, սեռականի, հոգեբանականի, տնտեսականի, կանանց ու աղջիկների թրաֆիքինգի և այլն։«Այս առումով մարդու իրավունքների պաշտպանի հաստատությունը տարիներ ի վեր ներկայացրել է առաջարկություններ, ի թիվս այլնի՝ օրենսդրական առաջարկություններ, դրանք այսօր էլ արդիական են, և hույս ունենք, որ այդ նախաձեռնությունները չեն մնա կիսատ, կընդունվեն Ազգային ժողովի կողմից»,- ասել է Գրիգորյանը։Պաշտպանն ընդգծել է, որ այս հարցում երբեք չպետք է լինել անտարբեր, պետք է իրազեկել ու իրազեկվել, կրթել, կրթվել և, իհարկե, կանխարգելել, արձագանքել ու հետևողականորեն պատժել։Պաշտպանի խոսքով՝ գենդերային բռնությունն այնպիսի երևույթ չէ, որի դեմ պետք է պայքարեն միայն ոստիկանությունը, միայն իրավապահ համակարգը, միայն ՄԻՊ-ը։ Պետք է համատեղվեն հասարակության բոլոր անդամների, բոլոր պատասխանատու անդամների ջանքերը։Հավելենք, որ 2000 թվականից ի վեր ՄԱԿ-ը նոյեմբերի 25-ը նշում է որպես Կանանց նկատմամբ բռնության վերացման միջազգային օր։ Այդ օրը ողջ աշխարհում մեկնարկում է «Ընդդեմ գենդերային բռնության ակտիվության 16-օրյակ» ամենամյա միջազգային քարոզարշավը, որն ամփոփվում է դեկտեմբերի 10-ին՝ Մարդու իրավունքների միջազգային օրը։ Այս տարի քարոզարշավն անցկացվելու է «Միասին վերջ դնենք կանանց և աղջիկների նկատմամբ բռնությանը» խորագրի ներքո:2021 թվականին Մարդու իրավունքների պաշտպանին հասցեագրվել է ընտանեկան բռնության հարցերով 105 դիմում-բողոք։ Ընտանեկան բռնության ենթարկված անձանցից 88-ը եղել են իգական սեռի, 20-ը՝ արական, 8-ի դեպքում տվյալները չեն ներկայացվել, 10-ի դեպքում տվյալներն ամբողջական չեն։ 28 դիմում-բողոքների դեպքերով ընտանեկան բռնության են ենթարկվել երեխաները։Ընտանեկան բռնություն գործադրած անձանցից 85-ն արական սեռի են, 21-ը՝ իգական, 9-ի դեպքում տվյալներ չեն ներկայացվել, 2-ի դեպքում տվյալներն ամբողջական չեն։2020 թվականին Մարդու իրավունքների պաշտպանին հասցեագրվել է ընտանեկան բռնության հարցերով 127 դիմում-բողոք, 2019-ին՝ 91, 2018-ին՝ 50, 2017-ին՝ 24 դիմում-բողոք։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, քրիստինե գրիգորյան, բռնություն, ընտանեկան բռնություն
հայաստան, քրիստինե գրիգորյան, բռնություն, ընտանեկան բռնություն
Տխուր վիճակագրություն ունենք. ՀՀ ՄԻՊ–ը խոսել է գենդերային բռնության մասին
17:29 25.11.2022 (Թարմացված է: 17:30 25.11.2022) Մարդու իրավունքների պաշտպանն ընդգծել է, որ կանանց բռնության ենթարկելու հարցում երբեք չպետք է լինել անտարբեր, պետք է իրազեկել, կրթել և կանխարգելել, արձանագրելու դեպքում էլ` խիստ պատժել։
ԵՐԵՎԱՆ, 25 նոյեմբերի – Sputnik. Կանայք որքան ավելի բարձր կրթական մակարդակ ունեն, այնքան ավելի քիչ է հնարավորությունը, որ նրանք կենթարկվեն ֆիզիկական բռնության։ Նման հայտարարություն է արել ՀՀ Մարդու իրավունքների պաշտպան Քրիստինե Գրիգորյանը «Ընդդեմ գենդերային բռնության ակտիվության 16-օրյակ»-ին նվիրված համաժողովի ընթացքում։ Տեղեկությունը հրապարակվել է
ՄԻՊ-ի ֆեյսբուքյան էջում։
Նշենք, որ այսօր` Կանանց նկատմամբ բռնության վերացման միջազգային օրը, Մարդու իրավունքների պաշտպանի նախաձեռնությամբ և Եվրոպական միության ու ՄԱԿ-ի Բնակչության հիմնադրամի աջակցությամբ, տեղի է ունեցել համաժողով՝ նվիրված «Ընդդեմ գենդերային բռնության ակտիվության 16-օրյակի» ամենամյա միջազգային քարոզարշավի մեկնարկին:
Համաժողովի ընթացքում Գրիգորյանը ներկայացրել է, որ գենդերային բռնության ձևերն ավելի ու ավելի են շատանում՝ տարբերակվելով ֆիզիկականի, սեռականի, հոգեբանականի, տնտեսականի, կանանց ու աղջիկների թրաֆիքինգի և այլն։
«Այս առումով մարդու իրավունքների պաշտպանի հաստատությունը տարիներ ի վեր ներկայացրել է առաջարկություններ, ի թիվս այլնի՝ օրենսդրական առաջարկություններ, դրանք այսօր էլ արդիական են, և hույս ունենք, որ այդ նախաձեռնությունները չեն մնա կիսատ, կընդունվեն Ազգային ժողովի կողմից»,- ասել է Գրիգորյանը։
Պաշտպանն ընդգծել է, որ այս հարցում երբեք չպետք է լինել անտարբեր, պետք է իրազեկել ու իրազեկվել, կրթել, կրթվել և, իհարկե, կանխարգելել, արձագանքել ու հետևողականորեն պատժել։
«Ինչ վերաբերում է հատկապես պատժին կամ դրա անխուսափելիությանը, կանխարգելելուն, արձագանքելուն ու հետևողականորեն պատժելուն, տխուր վիճակագրություն ունենք։ Այս մասով դեռ շատ անելիք կա»,– ասել է նա։
Պաշտպանի խոսքով՝ գենդերային բռնությունն այնպիսի երևույթ չէ, որի դեմ պետք է պայքարեն միայն ոստիկանությունը, միայն իրավապահ համակարգը, միայն ՄԻՊ-ը։ Պետք է համատեղվեն հասարակության բոլոր անդամների, բոլոր պատասխանատու անդամների ջանքերը։
Հավելենք, որ 2000 թվականից ի վեր ՄԱԿ-ը նոյեմբերի 25-ը նշում է որպես Կանանց նկատմամբ բռնության վերացման միջազգային օր։ Այդ օրը ողջ աշխարհում մեկնարկում է «Ընդդեմ գենդերային բռնության ակտիվության 16-օրյակ» ամենամյա միջազգային քարոզարշավը, որն ամփոփվում է դեկտեմբերի 10-ին՝ Մարդու իրավունքների միջազգային օրը։ Այս տարի քարոզարշավն անցկացվելու է «Միասին վերջ դնենք կանանց և աղջիկների նկատմամբ բռնությանը» խորագրի ներքո:
2021 թվականին Մարդու իրավունքների պաշտպանին հասցեագրվել է ընտանեկան բռնության հարցերով 105 դիմում-բողոք։ Ընտանեկան բռնության ենթարկված անձանցից 88-ը եղել են իգական սեռի, 20-ը՝ արական, 8-ի դեպքում տվյալները չեն ներկայացվել, 10-ի դեպքում տվյալներն ամբողջական չեն։ 28 դիմում-բողոքների դեպքերով ընտանեկան բռնության են ենթարկվել երեխաները։
Ընտանեկան բռնություն գործադրած անձանցից 85-ն արական սեռի են, 21-ը՝ իգական, 9-ի դեպքում տվյալներ չեն ներկայացվել, 2-ի դեպքում տվյալներն ամբողջական չեն։
2020 թվականին Մարդու իրավունքների պաշտպանին հասցեագրվել է ընտանեկան բռնության հարցերով 127 դիմում-բողոք, 2019-ին՝ 91, 2018-ին՝ 50, 2017-ին՝ 24 դիմում-բողոք։
