Որտեղից են ԼՂ–ում ականներ հայտնվել. Մարուքյանը մատնանշել է Բաքվի սուտը
12:15 25.11.2022 (Թարմացված է: 12:16 25.11.2022)
© Sputnik / Aram Nersesyan Эдмон Марукян на акции "Бессмертный полк" в Парке победы (9 мая 2022). Еревaн
© Sputnik / Aram Nersesyan
Բաժանորդագրվել
Էդմոն Մարուքյանի խոսքով՝ Հայաստանի դեմ սեպտեմբերյան ագրեսիայից հետո Ադրբեջանը ականներ է տեղափոխել Լեռնային Ղարաբաղ, ապա հայկական կողմին մեղադրել է տարածքներն ականապատելու մեջ։
ԵՐԵՎԱՆ, 25 նոյեմբերի – Sputnik. ՀՀ հատուկ հանձնարարություններով դեսպան Էդմոն Մարուքյանը պարզաբանել է Լեռնային Ղարաբաղում Ադրբեջանի կողմից հայտնաբերված իբր հայկական ականների հետ կապված իրավիճակը։ Նա այս մասին գրառում է արել Twitter-ում։
Ավելի վաղ Ադրբեջանի իշխանությունները հայտարարել էին, որ իբր հայկական ուժերի թողած ականներ են հայտնաբերվել Շուշիի շրջանի Եղցահող գյուղի մոտ (ադրբեջանական տարբերակով` Սարիբաբա -խմբ.), որտեղ բախումներ են տեղի ունեցել այս տարվա օգոստոսին։
AZ took control over Saribaba in Aug but only in Nov claimed about new mines there. Why? Because in Sept they invaded Jermuk area, Armenia's sovereign territory, got access to mines, transferred to Saribaba to falsely accuse AM for using Lachin corridor to transfer ammunitions. pic.twitter.com/B0Idn9Fb9A
— Edmon Marukyan (@edmarukyan) November 25, 2022
Էդմոն Մարուքյանը գրել է, որ սեպտեմբերին Ջերմուկի ուղղությամբ Հայաստանի տարածք ներխուժման ժամանակ Ադրբեջանը ստացել է հասանելիություն ականներին։ Այնուհետև ադրբեջանական կողմը դրանք տեղափոխել է Լեռնային Ղարաբաղի Եղցահողի շրջան՝ հետագայում պնդելով, որ հայտնաբերել են։
Մարուքյանն ուշադրությունը հրավիրել է այն փաստի վրա, որ Եղցահողը օգոստոսին գտնվել է Ադրբեջանի վերահսկողության տակ, իսկ ականների մասին հայտարարվել է միայն նոյեմբերին։