В районе Сотка после обстрела возник пожар - Sputnik Արմենիա, 1920, 13.09.2022
Ադրբեջանի ագրեսիան Հայաստանի դեմ

Բաքուն հայտարարել է, որ 13 զինվորականի մարմին է փոխանցել հայկական կողմին

© Sputnik / Aram NersesyanԶինվորական սաղավարտ
Զինվորական սաղավարտ - Sputnik Արմենիա, 1920, 28.11.2022
Բաժանորդագրվեք
НовостиTelegram
Կարմիր խաչից լուրը հաստատում են, սակայն կոնկրետ թիվ չեն նշում։
ԵՐԵՎԱՆ, 28 նոյեմբերի – Sputnik. Բաքուն հայտարարել է, որ 13 զինվորականի մարմին է փոխանցել հայկական կողմին: Այս մասին գրում են ադրբեջանական լրատվամիջոցները։
Նշենք, որ 13 հայ զինծառայողների աճյունների հանձնումը տեղի է ունեցել Կարմիր խաչի միջազգային կոմիտեի միջնորդությամբ։

«Մեր ներկայությամբ ադրբեջանական կողմը հայկական կողմին է հանձնել հայ զինծառայողների աճյուններ»,– Sputnik Արմենիայի հետ զրույցում հայտնեց ԿԽՄԿ պատվիրակության հաղորդակցման ծրագրերի ղեկավար Զառա Ամատունին։

Ամատունին նշեց` խոսքը վերաբերում է սեպտեմբերյան դեպքերի ժամանակ զոհված հայ զինծառայողների մարմիններին։
Թե քանի զինծառայողի աճյուն է փոխանցվել, Կարմիր խաչի ներկայացուցիչը չհայտնեց։
Րոպեներ անց ՀՀ ՊՆ մամուլի խոսնալ Արամ Թորոսյանը տեղեկացրեց, որ Ադրբեջանը հայկական կողմին է փոխանցել սեպտեմբերի 13-14-ին Հայաստանի ինքնիշխան տարածքի պաշտպանության ժամանակ զոհված 13 հայ զինծառայողի մարմին:
Հիշեցնենք` Ադրբեջանի ԶՈւ ստորաբաժանումները սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:
Սեպտեմբերի 14-ի ժամը 20։00-ից հայ-ադրբեջանական սահմանի երկայնքով հրադադարի ռեժիմ սահմանվեց, որը պարբերաբար խախտում է ադրբեջանական կողմը։
Քննչական կոմիտեն սեպտեմբերի 30-ին հայտնեց, որ ադրբեջանական ագրեսիայի հետևանքով հայկական կողմն ունի 201 զոհ՝ 197 զինծառայող և 4 քաղաքացիական անձ, վիրավորվել է 293 զինծառայող ու 6 քաղաքացիական անձ, գերեվարվել է 20 զինծառայող:
Հոկտեմբերի 4-ին Ադրբեջանը Հայաստանին վերադարձրեց 17 գերիների։
Լրահոս
0