https://arm.sputniknews.ru/20221129/karevvor-e-datairavakan-barepvokhumneri-sharunakakanutjuny-pashinjan-51981840.html
Կարևոր է դատաիրավական բարեփոխումների շարունակականությունը. Փաշինյան
Կարևոր է դատաիրավական բարեփոխումների շարունակականությունը. Փաշինյան
Sputnik Արմենիա
ՀՀ վարչապետին են ներկայացվել ՀՀ դատական ոլորտի բարեփոխումներն ու ընթացիկ կարգավորումները։ 29.11.2022, Sputnik Արմենիա
2022-11-29T19:00+0400
2022-11-29T19:00+0400
2022-11-29T19:00+0400
դատական համակարգ
բարեփոխում
նիկոլ փաշինյան
վճռաբեկ դատարան
սահմանադրական դատարան
https://cdn.am.sputniknews.ru/img/07e6/0b/1d/51980053_0:0:1670:940_1920x0_80_0_0_b68d29ecb082a794d7cd4a94803f6ec2.jpg
ԵՐԵՎԱՆ, 29 նոյեմբերի – Sputnik. Ուժի մեջ է մտել օրենք, որով աշխատավարձի 80 տոկոսի չափով հավելավճար է սահմանվել Սահմանադրական դատարանի, 50 տոկոսի չափով՝ Վճռաբեկ դատարանի դատավորների համար: Դատական և իրավական բարեփոխումների 2022-2026թթ. ռազմավարության և դրանից բխող գործողությունների ծրագրի կատարման մշտադիտարկման խորհրդի անդրանիկ նիստի ժամանակ այս մասին զեկուցվել է վարչապետ Նիկոլ Փաշինյանին, տեղեկանում ենք վարչապետի աշխատակազմից։Նշվել է նաև, որ մշակվել է Երևանում առաջին ատյանի քրեական և քաղաքացիական դատարանների ձևավորման փաթեթը: Կառավարության հավանությանն է արժանացել և Ազգային ժողով է ներկայացվել Վերաքննիչ հակակոռուպցիոն դատարանի ստեղծման նախագիծը:«Մշակվել է նախագծերի փաթեթ, որով պարզեցվում են դատավարության կազմակերպման ընթացակարգերը՝ վարչական, քաղաքացիական և սնանկության գործերով գրավոր ընթացակարգի ներդրում, քրեական գործերով արագացված վարույթի վերականգնում և այլն»,–ասված է հաղորդագրության մեջ։Ինչ վերաբերում է «Էլեկտրոնային արդարադատություն» (E-justice), «Էլեկտրոնային դատարան» (E-court) հարթակների ներդրմանը, ապա նշվում է, որ մեկնարկել են քաղաքացիական դատավարության և սնանկության վարույթի թվայնացման մոդուլների մշակման աշխատանքները, մշակվել է վարչական դատավարության թվայնացման մոդուլի տեխնիկական առաջադրանքը, ընթացքի մեջ են նաև մյուսները:Զեկուցվել է, որ վեճերի լուծման այլընտրանքային եղանակների զարգացման շրջանակում աշխատանք է կատարվել նոր արբիտրաժային կենտրոնի ստեղծման ուղղությամբ. ձևավորվել է հեղինակավոր ազգային և միջազգային մասնագետներից կազմված ղեկավար խորհրդատվական կոմիտե, որը հաստատել է արբիտրաժային կենտրոնի կանոնադրությունը, այժմ մշակվում են արբիտրաժային կանոնները:Քրեաիրավական ոլորտում նոր կադրերով են համալրվել նախաքննություն իրականացնող մարմինները և դատախազությունը:Վարչապետը կարևորել է դատաիրավական բարեփոխումների շարունակականությունը և նիստի արդյունքներով տվել համապատասխան հանձնարարականներ:
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
դատական համակարգ, բարեփոխում, նիկոլ փաշինյան, վճռաբեկ դատարան, սահմանադրական դատարան
դատական համակարգ, բարեփոխում, նիկոլ փաշինյան, վճռաբեկ դատարան, սահմանադրական դատարան
Կարևոր է դատաիրավական բարեփոխումների շարունակականությունը. Փաշինյան
ՀՀ վարչապետին են ներկայացվել ՀՀ դատական ոլորտի բարեփոխումներն ու ընթացիկ կարգավորումները։
ԵՐԵՎԱՆ, 29 նոյեմբերի – Sputnik. Ուժի մեջ է մտել օրենք, որով աշխատավարձի 80 տոկոսի չափով հավելավճար է սահմանվել Սահմանադրական դատարանի, 50 տոկոսի չափով՝ Վճռաբեկ դատարանի դատավորների համար: Դատական և իրավական բարեփոխումների 2022-2026թթ. ռազմավարության և դրանից բխող գործողությունների ծրագրի կատարման մշտադիտարկման խորհրդի անդրանիկ նիստի ժամանակ այս մասին զեկուցվել է վարչապետ Նիկոլ Փաշինյանին,
տեղեկանում ենք վարչապետի աշխատակազմից։
Նշվել է նաև, որ մշակվել է Երևանում առաջին ատյանի քրեական և քաղաքացիական դատարանների ձևավորման փաթեթը: Կառավարության հավանությանն է արժանացել և Ազգային ժողով է ներկայացվել Վերաքննիչ հակակոռուպցիոն դատարանի ստեղծման նախագիծը:
«Մշակվել է նախագծերի փաթեթ, որով պարզեցվում են դատավարության կազմակերպման ընթացակարգերը՝ վարչական, քաղաքացիական և սնանկության գործերով գրավոր ընթացակարգի ներդրում, քրեական գործերով արագացված վարույթի վերականգնում և այլն»,–ասված է հաղորդագրության մեջ։
Ինչ վերաբերում է «Էլեկտրոնային արդարադատություն» (E-justice), «Էլեկտրոնային դատարան» (E-court) հարթակների ներդրմանը, ապա նշվում է, որ մեկնարկել են քաղաքացիական դատավարության և սնանկության վարույթի թվայնացման մոդուլների մշակման աշխատանքները, մշակվել է վարչական դատավարության թվայնացման մոդուլի տեխնիկական առաջադրանքը, ընթացքի մեջ են նաև մյուսները:
Զեկուցվել է, որ վեճերի լուծման այլընտրանքային եղանակների զարգացման շրջանակում աշխատանք է կատարվել նոր արբիտրաժային կենտրոնի ստեղծման ուղղությամբ. ձևավորվել է հեղինակավոր ազգային և միջազգային մասնագետներից կազմված ղեկավար խորհրդատվական կոմիտե, որը հաստատել է արբիտրաժային կենտրոնի կանոնադրությունը, այժմ մշակվում են արբիտրաժային կանոնները:
Քրեաիրավական ոլորտում նոր կադրերով են համալրվել նախաքննություն իրականացնող մարմինները և դատախազությունը:
Վարչապետը կարևորել է դատաիրավական բարեփոխումների շարունակականությունը և նիստի արդյունքներով տվել համապատասխան հանձնարարականներ:
