Անհրաժեշտ է ստորագրել ՀՀ–ին օգնություն ցուցաբերելու մասին որոշման նախագիծը. Զաս

© Sputnik / Asatur YesayantsՍտանիսլավ Զաս
Ստանիսլավ Զաս - Sputnik Արմենիա, 1920, 05.12.2022
Ստանիսլավ Զաս. Արխիվային լուսանկար
Բաժանորդագրվեք
НовостиTelegram
Ստասիլավ Զասը հիշեցրել է, որ ՀԱՊԿ երկրների տարբեր դիրքորոշումների պատճառով հնարավոր չեղավ ընդունել ՀՀ–ին օգնություն ցուցաբերելու մասին որոշման նախագիծը։
ԵՐԵՎԱՆ, 5 դեկտեմբերի – Sputnik. Անհրաժեշտ է ստորագրել Հայաստանին օգնություն տրամադրելու միջոցառումների մասին ՀԱՊԿ Հավաքական անվտանգության խորհրդի որոշման նախագիծը։ Այս մասին Մոսկվայում ՀԱՊԿ Խորհրդարանական վեհաժողովի նիստում հայտարարել է գլխավոր քարտուղար Ստանիսլավ Զասը։
Զասը հիշեցրել է, որ պետությունների ղեկավարների հանձնարարությամբ Հայաստանում մշակվել է դիտորդական առաքելություն՝ գլխավոր քարտուղարի և ՀԱՊԿ օպերատիվ շտաբի ղեկավարի գլխավորությամբ։ Այս աշխատանքի արդյունքում պատրաստվել է Հավաքական անվտանգության խորհրդի որոշման նախագիծ Հայաստանին օգնություն ցուցաբերելու համատեղ միջոցառումների մասին, որը քննարկվել է խորհրդի նոյեմբերի 23-ի նիստում։
«ՀԱՊԿ երկրների տարբեր դիրքորոշումների պատճառով հնարավոր չեղավ ընդունել այս նախագիծը։ Հուսով եմ, որ որոշակի վերանայումից հետո կհասնենք դրա ստորագրմանը և այդ միջոցների ընդունմանը։ Վստահ եմ, որ դա անհրաժեշտ է, այդ թվում՝ Հայաստանի համար»,- ասել է գլխավոր քարտուղարը։
Հիշեցնենք, որ նոյեմբերի 23-ին Երևանում անցկացվեց ՀԱՊԿ երկրների ղեկավարների մասնակցությամբ գագաթնաժողովը, որի ընթացքում հնարավոր չեղավ ստորագրել երկու փաստաթուղթ՝ հռչակագիր և հայտարարություն Հայաստանին օգնություն ցուցաբերելու մասին։ Այս առնչությամբ Հայաստանի վարչապետը հայտարարել էր, որ հրաժարվել է ստորագրել փաստաթուղթը կազմակերպության կողմից ադրբեջանական ագրեսիային քաղաքական գնահատական տալուց հրաժարվելու պատճառով։
Հայաստանը երբեք չի խոսել ՀԱՊԿ-ից դուրս գալու մասին. Ալեն Սիմոնյան
Լրահոս
0