ԵԱՏՄ տեղեկատվական տարածքում ֆեյքերի դեմ պետք է պայքարել համատեղ ուժերով. փորձագետ

© Sputnik / Andranik GhazaryanԱրխիվային լուսանկար
Արխիվային լուսանկար - Sputnik Արմենիա, 1920, 06.12.2022
Արխիվային լուսանկար
Բաժանորդագրվեք
НовостиTelegram
Մեդիագրագիտության մակարդակի բարձրացումը պետք է սկսել դպրոցական նստարանից, ասում է Ալեքսանդր Մալկևիչը։
ԵՐԵՎԱՆ, 6 դեկտեմբերի – Sputnik. ԵԱՏՄ շրջանակներում տեղեկատվական անվտանգության միասնական համակարգող կենտրոնի ստեղծումը կարող է նպաստել ֆեյքերի դեմ պայքարի արդյունավետության բարձրացմանը և թույլ կտա խուսափել միության անդամ պետություններում ներքին ցնցումներից։
Այսպիսի կարծիք է հայտնել «Սանկտ Պետերբուրգ» հեռուստաալիքի գլխավոր տնօրեն, ՌԴ Հանրային պալատի տեղեկատվական համայնքի, ԶԼՄ-ների և զանգվածային հաղորդակցությունների զարգացման հանձնաժողովի նախագահի առաջին տեղակալ Ալեքսանդր Մալկևիչը «Տեղեկատվական անվտանգությունը և ֆեյքերի դեմ պայքարը ԵԱՏՄ երկրներում» տեսակամրջի ընթացքում` Sputnik Արմենիայի մուլտիմեդիոն մամուլի կենտրոնում հարթակի միացմամբ։
«Մեկ օր անց պետական հեռուստաալիքի եթերում պաշտոնական պատասխանը շատ ուշ է։ Դեռ մի քանի ամիս առաջ մենք ընդամենը երեք ժամ ունեինք ֆեյք «խայծին» արդյունավետ արձագանքելու համար։ Այսօր այդ ժամանակը կրճատվել է մինչև մեկուկես ժամ։ Ավելի ուշացած պատասխանների դեպքում ֆեյքերը հասցնում են լայնորեն տարածվել և հասնում են այն ազդեցությանը, որի համար ստեղծվում են»,-նշեց փորձագետը։
Նրա խոսքով, ԵԱՏՄ շրջանակներում օպերատիվ կառույցի` տեղեկատվական պաշտպանության շտաբի առկայության դեպքում, որը պատասխանատու կլինի ֆեյքերի դեմ պայքարի համար, Միության անդամ պետությունները կկարողանային համատեղ ջանքերով շատ արագ կրեատիվ կոնտենտ ստեղծել «խայծերին» ի պատասխան։
Մալկևիչը նշել է նաև սոցիալական հարթակների կարգավորման միասնական միատարր օրենսդրության մշակման անհրաժեշտությունը` իրավական տարածքում սողանցքները փակելու համար: Ընդ որում, փորձագետը կարծում է, որ ֆեյքերի դեմ համատեղ պայքարը չպետք է սահմանափակվի միայն ԵԱՏՄ շրջանակներով, այլ պետք է տարածվի նաև այնպիսի միությունների վրա, ինչպիսիք են ԱՊՀ-ն, ԲՐԻԿՍ-ը և ՇՀԿ-ն։
Ադրբեջանցիները հայկական ֆեյքերով հակառուսական տրամադրություններ են տարածում
«Եթե միասնական օրենսդրական դաշտը ընդգրկի 3-4 միլիարդ բնակչություն ունեցող տարածք, դա կօգնի բանակցություններ պարտադրել ՏՏ հսկաների ներկայացուցիչներին»,-ընդգծեց Մալկևիչը:
Նա նաև կարծում է, որ մեդիագրագիտության բարձրացման դասընթացներ պետք է անցկացվեն բոլոր դպրոցներում և բուհերում։
Լրահոս
0