Պուտինը Ռուսաստանի հերոսներին «Ոսկե աստղ» մեդալ է հանձնել

Բաժանորդագրվեք
НовостиTelegram
Պետական մրցանակների հանձնման հանդիսավոր արարողությունը նվիրված է Հայրենիքի հերոսների օրվան, որը Ռուսաստանում նշվում է դեկտեմբերի 9-ին:
ՌԴ նախագահ Վլադիմիր Պուտինը Կրեմլի պալատում «Ոսկե աստղ» մեդալ է հանձնել Ռուսաստանի հերոսներին։
Ռուսաստանի հերոսի կոչում է շնորհվել ՌԴ ազգային գվարդիայի զորքերի Արևելյան շրջանի շտաբի պետի տեղակալ, գնդապետ Սերգեյ Բելոզերովին, Հարավային ռազմական օկրուգի հատուկ նշանակության ջոկատի վաշտի հրամանատար, մայոր Ալեքսանդր Վոլկովին, ՌԴ ՊՆ պետական թռիչքափորձարկման կենտրոնի ավագ օդաչու-փորձարկող գնդապետ Սերգեյ Դեմյանենկոյին, Օդադեսանտային զորքերի առանձին տանկային գումարտակի հրամանատարի տեղակալ, մայոր Բորիս Դուդկոյին, Բալթյան նավատորմի առանձին գվարդիական մոտոհրաձգային գնդի հրամանատար, փոխգնդապետ Ալեքսանդր Զավադսկուն, այլ զինվորականների, օդաչուների և տիեզերագնացների:

«Մենք խոնարհվում ենք մեր նախնիների առաջ, որոնք ստեղծել են Ռուսաստանի մեծ, հաղթանակներով լի պատմությունը, և հպարտանում ենք զինվորներով, սպաներով, կամավորներով, աշխարհազորայիններով, որոնք կռվում են հիմա, մասնակցում են հատուկ ռազմական գործողությանը, պատվով կատարում են մարտական խնդիրները` պաշտպանելով մեր համաքաղաքացիների կյանքն ու արժանապատվությունը, պաշտպանելով մեր ճակատագիրն ինքնուրույն որոշելու մեր ընդհանուր իրավունքը»,-ասել է Պուտինը:

ՌԴ նախագահն անկեղծորեն շնորհակալություն է հայտնել բոլորին «հայրենիքին ծառայության, իդեալներին հավատարմության համար, որոնք միշտ միավորել են Ռուսաստանը ցանկացած ժամանակներում»:
Հիշեցնենք՝ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 286-րդ օրը։
Լրահոս
0